ಬಿಗ್‍ಬಾಸ್ ಸೀಸನ್-4ನ ಮೊದಲ ಲಿಸ್ಟ್ ನಲ್ಲಿ ಯಾರ್ಯಾರಿದಾರೆ ಗೊತ್ತಾ..?

ಕನ್ನಡ ರಿಯಾಲಿಟಿ ಶೋನಲ್ಲಿ ಅತೀ ಹೆಚ್ಚು ಜನ ಮನ್ನಣೆಗಳಿಸಿದ್ದ ಬಿಗ್ ಬಾಸ್ ತನ್ನ ಮೂರು ಆವೃತ್ತಿಯನ್ನು ಮುಗಿಸಿಕೊಂಡು ಇದೀಗ ನಾಲ್ಕನೇ ಆವೃತ್ತಿಯನ್ನು ಆರಂಭಿಸಲು ಸಕಲ ಸಿದ್ದತೆಯಲ್ಲಿ ತೊಡಗಿಕೊಂಡಿದೆ. ಇದೀಗ ಕಿಚ್ಚ ಸುದೀಪ್ ನಿರೂಪಣೆಯಲ್ಲಿ ಬಿಗ್‍ಬಾಸ್ ಸೀಸನ್ 4 ಶುರುವಾಗಲು ಕ್ಚಣಗಣನೆ ಶುರುವಾಗಿದೆ. ಕಲರ್ಸ್ ವಾಹಿನಿಯಲ್ಲಿ ಮೂಡಿ ಬರುವ ಈ ಬಿಗ್ ಬಾಸ್ ರಿಯಾಲಿಟಿ ಶೋ ಪ್ಲಾನ್ ಪ್ರಕಾರ ಅಕ್ಟೋಬರ್ ನಲ್ಲಿ ಆರಂಭವಾಗುವ ಎಲ್ಲಾ ಲಕ್ಷಣಗಳೂ ಇವೆ ಎನ್ನುತ್ತಾರೆ ಕೆಲವರು. ಅಷ್ಟೇ ಅಲ್ಲ ಸ್ವಾಮಿ ಈಗಾಗಲೇ ಬಿಗ್ ಬಾಸ್ ಸೀಸನ್ 4 ನಲ್ಲಿ ಭಾಗವಹಿಸುವ ಕನ್ಟೆಸ್ಟೆಂಟ್ ಗಳ ಬಗ್ಗೆ ಕೆಲವು ಊಹಾಪೋಹಗಳು ಕೂಡ ಸಖತ್ ಸುದ್ದಿಯಾಗ್ತಾ ಇದೆ. ಬಲ್ಲ ಮೂಲಗಳ ಪ್ರಕಾರ ಮೊದಲ ಲಿಸ್ಟ್ ನಲ್ಲಿ ಇಂವ್ರು ಇದಾರೆ ಅಂತೆ…
ಗಡ್ಡಪ್ಪ.

ಏನ್ ನಿನ್ ಪ್ರಾಬ್ಲಮ್ಮು ಅಂತ ಎಲ್ಲರನ್ನು ರಂಜಿಸಿದ್ದ ರಾಷ್ಟ್ರ ಪ್ರಶಸ್ತಿ ವಿಜೇತ ಸಿನೇಮಾದ ರಿಯಲ್ ಹೀರೋ ಮಿಸ್ಟರ್ ಗಡ್ಡಪ್ಪ ಅವರು ಈ ಬಾರಿಯ ಬಿಗ್‍ಬಾಸ್-4 ನಲ್ಲಿ ಕಾಣಿಸಿಕೊಳ್ಳಲಿದ್ದಾರಂತೆ
ಸುಧಾರಾಣಿ.

ಸ್ಯಾಂಡಲ್‍ವುಡ್‍ನ ಮೋಸ್ಟ್ ಪಾಪುಲರ್ ಹೀರೋಯಿನ್ ಕನ್ನಡಿಗರ ಮನಗೆದ್ದ ನಟಿ ಸುಧಾ ರಾಣಿ ಅವರೂ ಕೂಡ ಬಿಗ್‍ಬಾಸ್ ಲಿಸ್ಟ್ ನಲ್ಲಿರೋದು ಆಶ್ಚರ್ಯಕರ ಸಂಗತಿ..
ರಾಗಿಣಿ ದ್ವಿವೇದಿ.

ಸ್ಯಾಂಡಲ್‍ವುಡ್‍ನ ಪಡ್ಡೆ ಹುಡುಗರ ಮನಗೆದ್ದ ಬಹು ಬೇಡಿಕೆಯ ನಟಿ ಹಾಗೂ ಪ್ರಸ್ತುತದಲ್ಲಿ ಅತಿ ಹೆಚ್ಚು ಸಂಭಾವನೆ ಗಿಟ್ಟಿಸಿಕೊಂಡಿರುವ ನಟಿ ರಾಗಿಣಿ ದ್ವಿವೇದಿ ಅವರ ಹೆಸರು ಕಳೆದ ಮೂರು ಸೀಸನ್ ನಿಂದ್ಲೂ ಇವರ ಹೆಸರು ಕೇಳಿ ಬರ್ತಾ ಇತ್ತು. ಅದೇ ರೀತಿ ಈ ಬಾರಿಯೂ ಕೂಡ ಅವರ ಹೆಸರು ಮೊದಲ ಲಿಸ್ಟ್ ನಲ್ಲಿದೆ..
ಕೋಮಲ್.

ಕಾಮಿಡಿ ಕಿಲಾಡಿ, ನವರಸ ನಾಯಕ ಜಗ್ಗೇಶ್ ಅವರ ಸಹೋದರ ಕೋಮಲ್ ಈ ಬಾರಿ ಬಿಗ್ ಬಾಸ್ 4ನಲ್ಲಿ ಕಾಣಿಸಿಕೊಳ್ಳಲಿದ್ದಾರಂತೆ.. ಇವರೇನಾದ್ರೂ ಬಿಗ್ ಬಾಸ್ ಮನೆಗೆ ಎಂಟ್ರಿ ಕೊಟ್ರೆ ಜಗಳ ಅನ್ನೋದೆ ಇರೊಲ್ಲ ಅನ್ಸತ್ತೆ. ಅಷ್ಟೊಂದು ಕಾಮಿಡಿ ಮ್ಯಾನ್ ಈ ಕೋಮಲ್..
ಲೂಸ್ ಮಾದ ಯೋಗಿ.

ಈಗಾಗಲೇ ಬಿಗ್ ಬಾಸ್ ಸೀಸನ್ ಒಂದರಲ್ಲಿ ಅಥಿತಿಯಾಗಿ ಎಂಟ್ರಿ ಕೊಟ್ಟಿದ್ದ ಲೂಸ್ ಮಾದ ಯೋಗಿ ಈ ಬಾರಿ ಬಿಗ್ ಬಾಸ್ ಸ್ಪರ್ಧಾಳಂತೆ…
ಅನು ಪ್ರಭಾಕರ್.

ಇತ್ತಿಚೆಗಷ್ಟೇ ಹೊಸ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿರುವ ನಟಿ ಅನು ಪ್ರಭಾಕರ್ ಬಿಗ್ ಬಾಸ್ 4ನ ಮನೆಯಲ್ಲಿ ಕಾಣಿಸಿಕೊಳ್ಳುವ ಸಾಧ್ಯತೆ ಇದೆ.
ತರುಣ್.

ಸ್ಯಾಂಡಲ್‍ವುಡ್‍ನಲ್ಲಿ ಇಂಗೆ ಬಂದು ಅಂಗೆ ಹೋದ ನಟ ತರುಣ್ ಹೆಸರು ಈ ಬಾರಿಯ ಬಿಗ್‍ಬಾಸ್ ಲಿಸ್ಟ್ ನಲ್ಲಿ ಕಾಣಿಸಿಕೊಂಡಿದೆ..?
ಪ್ರೀಯಾ ಹಾಸನ್.

ಸ್ಯಾಂಡಲ್‍ವುಡ್ ಜಂಬದ ಹುಡುಗಿ ಖ್ಯಾತಿಯ ನಟಿ ಪ್ರೀಯಾ ಹಾಸನ್ ಅವರಿಗೆ ಬಿಗ್ ಬಾಸ್4 ನಲ್ಲಿ ಭಾಗವಹಿಸುವ ಹಂಬಲವಿದೆಯಂತೆ ನೋಡಿ.. ಇತ್ತೀಚೆಗಷ್ಟೇ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿರುವ ಈ ನಟಿಗೆ ಬಿಗ್ ಬಾಸ್ ಚಾನ್ಸ್ ಕೊಡುತ್ತಾ..? ಕಾದು ನೋಡೋಣ
ತಾರಾ.

ಸಿನಿಮಾ ರಂಗದ ಜೊತೆಯಲ್ಲಿಯೇ ರಾಜಕೀಯ ರಂಗದಲ್ಲೂ ಸದಾ ಸಕ್ರೀಯರಾಗಿರುವ ತಾರಾ ಅನುರಾಧಾ ಬಿಗ್‍ಬಾಸ್ 4 ನಲ್ಲಿ ಭಾಗವಹಿಸುವವರ ಪಟ್ಟಿಯಲ್ಲಿ ಅವರ ಹೆಸರಿದೆ. ಆದ್ರೆ ಅವರು ಗ್ರೀನ್ ಸಿಗ್ನಲ್ ಕೊಡ್ಬೇಕಷ್ಟೆ.
ನವೀನ್ ಕೃಷ್ಣ.

ಬಿಗ್ ಬಾಸ್ ಸೀಸನ್ 4ನ ಫಸ್ಟ್ ಲಿಸ್ಟ್ ನಲ್ಲಿ ಧಿಮಾಕು ಖ್ಯಾತಿಯ ನವೀನ್ ಕೃಷ್ಣ ಅವರ ಹೆಸರೂ ಇದೆ.
ವಿವಾದಕ್ಕೆ ಬ್ರೇಕ್..!
ಗಾಂದಿ ನಗರದಲ್ಲಾಗಿರಬಹುದು ಅಥವಾ ಬೇರಿನ್ಯಾವುದೇ ವಲಯಗಳಲ್ಲಿ ಸದಾ ಕಾಂಟ್ರಿವರ್ಸಿ ಆಗ್ತಾ ಭಾರಿ ಚರ್ಚೆಗೆ ಪಾತ್ರರಾಗ್ತಾ ಇದ್ದವರನ್ನ ಈ ಬಾರಿಯ ಬಿಗ್ ಬಾಸ್ ಕೈಬಿಟ್ಟಿದ್ದಾರೆ.
ಈಗೇಳಿ ಸ್ವಾಮಿ ನಿಮ್ಮ ಫೇವರಿಟ್ ಯಾರು..?
ಬಿಗ್ ಬಾಸ್ ಸೀಸನ್-4ನಲ್ಲಿ ಮೇಲೆ ನೋಡಿರುವಂತೆ ತಾರೆಯರನ್ನ ಬಿಗ್‍ಬಾಸ್ ಮನೆಯೊಳಗೆ ಕಳಿಸಿಕೊಡಬೇಕೆಂದು ಬಿಗ್‍ಬಾಸ್ ಆಲೋಚನೆ ಮಾಡಿದೆ. ಇದ್ರಲ್ಲಿ ನಿಮ್ಗೆ ಯಾರ್ಯಾರ್ ಇರ್ಬೇಕು ಯಾರ್ಯಾರ್ ಇರ್ಬಾರ್ದು ಅಂತ ಬಯಸುತ್ತೀರಾ..? ಹಾಗಿದ್ದಲ್ಲಿ ಕೆಳಗಿರೋ ಕಮೆಂಟ್ ಬಾಕ್ಸ್ ನಲ್ಲಿ ನಮಗೆ ತಿಳಿಸಿ.. ಯಾರಿಗ್ ಗೊತ್ತು ಸ್ವಾಮಿ.. ಒಂದು ವೇಳೆ ನೀವ್ ಹೇಳಿದ ತಾರೆಯರೇ ಸೆಲೆಕ್ಟ್ ಆದ್ರೆ..?