ಸ್ಯಾಂಡಲ್ ವುಡ್ ನಲ್ಲಿ ಅಪ್ಪ ಮಗನ ನಡುವೆ ಪೈಪೋಟಿ ಶುರುವಾಗಲಿದೆ..!

ಸ್ಯಾಂಡಲ್ ವುಡ್ ನಲ್ಲಿ ಅಪ್ಪ ಮಗನ ನಡುವೆ ಪೈಪೋಟಿ ಶುರುವಾಗಲಿದೆ…. ಹೌದು ಡಾ. ರಾಜ್ ಕುಮಾರ್ ಮತ್ತು ಪುನೀತ್ ರಾಜ್ ಕುಮಾರ್ ನಡುವೆ ಈ ಜುಗಲ್ ಬಂದಿ ಏರ್ಪಟ್ಟಿದೆ. ಬಬ್ರುವಾಹನ ನ ಜೊತೆಯೇ ಅಪ್ಪು ಚಕ್ರವ್ಯೂಹ ತೆರೆಗಪ್ಪಳಿಸಲಿದೆ.

ಏಪ್ರಿಲ್‌ 22 ಕನ್ನಡ ಚಿತ್ರ ರಸಿಕರಿಗೆ ಹಬ್ಬವೇ ಸರಿ. ಹಾಗೇ ಸ್ಯಾಂಡಲ್ ವುಡ್ ಮಟ್ಟಿಗೆ ವಿಶೇಷವಾದ ದಿನ ಅಂದ್ರೂ ತಪ್ಪಾಗಲ್ಲ. ಹಾಗೆ ಅಭಿಮಾನಿಗಳು ಯಾವ ಚಿತ್ರ ನೋಡ್ಲಿ, ಯಾವ್ದು ಬಿಡ್ಲಿ ಎನ್ನುವ ಕನ್‌ಫ್ಯೂಶನ್‌ಗೆ ಒಳಪಡ್ತಾರೆ. ಇದೊಂಥರಾ ಅಪ್ಪ-ಮಗನ ಜುಗಲ್ ಬಂದಿ ಅಂದ್ರೂ ತಪ್ಪಾಗಲ್ಲ.
ಅಂದ್ಹಾಗೆ ಏಪ್ರಿಲ್ 22ಕ್ಕೆ ಡಾ ರಾಜಕುಮಾರ್ ಅಭಿನಯದ ‘ಬಬ್ರುವಾಹನ’ ರಿ ರಿಲೀಸ್ ಆಗ್ತಿರೋದು ಗೊತ್ತಿರೋ ವಿಚಾರ. ಅದರ ಜೊತೆಗೆ ಪುನೀತ್ ರಾಜಕುಮಾರ್ ಅಭಿನಯದ ಬಹು ನಿರೀಕ್ಷಿತ ‘ಚಕ್ರವ್ಯೂಹ’ ಕೂಡ ಅದೇ ದಿನ ತೆರೆಗೆ ಬರುತ್ತಿದೆ. ಹಾಗಾಗಿ ಕನ್ನಡದ ಮಟ್ಟಿಗೆ ಬಹಳ ಅಪರೂಪದ ಸನ್ನಿವೇಶ ಇದು.
ತಂದೆ-ಮಗ ಇಬ್ಬರ ಸಿನಿಮಾಗಳೂ ಥಿಯೇಟರ್‌ನಲ್ಲಿ ಮುಖಾಮುಖಿಯಾಗಲಿವೆ. ಒಂದೆಡೆ ಅಣ್ಣಾವ್ರನ್ನ ಮತ್ತೆ ಹಿರಿತೆರೆ ಯಲ್ಲಿ ನೋಡುವುದಕ್ಕೆ ಅಭಿಮಾನಿಗಳು ತುದಿಗಾಲಲ್ಲಿ ನಿಂತಿದ್ರೆ, ಮತ್ತೊಂದೆಡೆ ಪುನೀತ್ ಚಕ್ರವ್ಯೂಹದಲ್ಲಿ ಏನೆಲ್ಲಾ ಇರಲಿದೆ ಅನ್ನೋ ಕುತೂಹಲವೂ ಅಭಿಮಾನಿಗಳಲ್ಲಿದೆ ಹಾಗಾದ್ರೆ ಈ ಎರಡೂ ಬಿಗ್ ಸಿನಿಮಾಗಳ ನಡುವೆ ಫೈಟ್ ಆಗುತ್ತಾ? ಅಪ್ಪ ಮಗನ ಚಿತ್ರದ ನಡುವೆಯೇ ಕಾಂಪಿಟೇಷನ್ ಶುರುವಾಗುತ್ತಾ. ಖಂಡಿತಾ ಇಲ್ಲ. ಜನ ಎರಡೂ ಚಿತ್ರಗಳನ್ನ ನೋಡೋಕೆ ರೆಡಿಯಾಗಿಬಿಟ್ಟಿದ್ದಾರೆ.

ಅಪ್ಪ, ಮಗ ಇಬ್ರೂ ಅದ್ಭುತ ಕಲಾವಿದರು. ಹಾಗಾಗಿ ಎರಡೂ ಚಿತ್ರಗಳ ನಡುವೆ ಪೈಪೋಟಿಯಲ್ಲ, ಬದಲಿಗೆ ಇದೊಂಥರಾ ಜುಗಲ್ ಬಂದಿ ಅಂತಿದ್ದಾರೆ ಅಭಿಮಾನಿಗಳು. ಅದೇನೆ ಇರಲಿ ಎರಡೆರಡು ಅದ್ಭುತ ಚಿತ್ರಗಳು ತೆರೆಕಾಣ್ತಿದ್ದು ಸಿನಿರಸಿಕರಲ್ಲಿ ಸಂತಸ ಮನೆ ಮಾಡುವಂತೆ ಮಾಡಿದೆ.