ಬೆಂಗಳೂರು : ರಾಜಧಾನಿ ಬೆಂಗಳೂರಿನಲ್ಲಿ ಕಳೆದ ಒಂದು ವಾರದಲ್ಲಿ ಕೊರೋನಾ ಕೇಸ್ ಏರಿಕೆಯಾಗಿದ್ದು, ಅತಿ ಹೆಚ್ಚು ಸೋಂಕಿತರು ಮಹದೇವಪುರದಲ್ಲಿ ಪತ್ತೆಯಾಗಿದ್ದಾರೆ. ಈ ಹಿನ್ನೆಲೆ ಸಿಲಿಕಾನ್ ಸಿಟಿಗೆ ಮತ್ತೆ ಕಂಟಕವಾಯ್ತಾ ಕೊರೋನ ಎನ್ನುವ ಭೀತಿ ಶುರುವಾಗಿದ್ದು, ಮಹದೇವಪುರ ವಲಯವೇ ಈ ಬಾರಿ ಡೇಂಜರ್ ಆಗುತ್ತಾ..? ಎಂಬ ಆತಂಕ ಮನೆ ಮಾಡಿದೆ. ಮಹದೇವಪುರದಲ್ಲಿ ನಿತ್ಯ 300-400 ಕೇಸ್ ಪತ್ತೆಯಾಗುತ್ತಿದ್ದು, ಬೆಂಗಳೂರಿನ ಅರ್ಧದಷ್ಟು ಸೋಂಕಿತರು ಮಹದೇವಪುರದಲ್ಲಿ ಪತ್ತೆಯಾಗಿದೆ.
ಟೆಕ್ಕಿಗಳು ವರ್ಕ್ ಫ್ರಂ ಹೋಂ ಮುಗಿಸಿ ಇತ್ತೀಚೆಗಷ್ಟೇ ಆಫೀಸ್ಗೆ ಹೋಗ್ತಿದ್ದರು. ಇದೀಗ ಮತ್ತೆ ಸೋಂಕು ಹೆಚ್ಚಾಗುತ್ತಿರುವ ಹಿನ್ನೆಲೆ ಟೆಕ್ಕಿಗಳಿಂದಲೇ ಸಿಲಿಕಾನ್ ಸಿಟಿಗೆ ಅಪತ್ತು ಕಾದ್ದಿದ್ಯಾ..? ಎಂಬ ಶಂಕೆ ಶುರುವಾಗಿದೆ. ದಿನನಿತ್ಯ ಸಾವಿರಾರು ಟೆಕ್ಕಿಗಳು ದೇಶ, ವಿದೇಶಗಳಿಂದ ಬರುತ್ತಿದ್ದು, ಬಿಬಿಎಂಪಿ, ಆರೋಗ್ಯ ಇಲಾಖೆ ಅಧಿಕಾರಿಗಳು ಅವರ ಮೇಲೆ ನಿಗಾ ಇಟ್ಟಿದ್ದಾರೆ. ಕೊರೋನಾ ಟೆಸ್ಟ್ ಹೆಚ್ಚಿಸಲು ಅಧಿಕಾರಿಗಳಿಗೆ ಸೂಚಿಸಲಾಗಿದೆ
