ಅಂಬಿಯಿಂದ ದರ್ಶನ್-ಸುದೀಪ್ ಒಂದಾದ್ರು….! ಒಂದೇ ವೇದಿಕೆಯಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ದಿಗ್ಗಜ ಗೆಳೆಯರು..!
ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಮತ್ತು ಅಭಿನಯ ಚಕ್ರವರ್ತಿ ಸುದೀಪ್ ತುಂಬಾ ಆತ್ಮೀಯ ಗೆಳೆಯರು. ಸ್ಯಾಂಡಲ್ ವುಡ್ ನ ಈ ದಿಗ್ಗಜ ಜೋಡಿಯ ನಡುವೆ ವೈಮನಸ್ಸು ಮೂಡಿ ವರ್ಷ ಕಳೆದಿದೆ. ಈಗ ಇವರನ್ನು ಮತ್ತೆ ಒಂದು ಮಾಡುವಲ್ಲಿ ರೆಬಲ್ ಸ್ಟಾರ್ ಅಂಬರೀಶ್ ಯಶಸ್ವಿಯಾಗಿದ್ದಾರೆ.
ಇಬ್ಬರ ನಡುವೆ ಮುನಿಸು ಶುರುವಾದಲ್ಲಿಂದ ಒಂದೇ ವೇದಿಕೆಯಲ್ಲಿ ಕಾಣಿಸಿಕೊಂಡಿರಲಿಲ್ಲ. ಆದರೆ, ಈಗ ಅಂಬಿ ಇಂದಾಗಿ ವೇದಿಕೆ ಹಂಚಿಕೊಳ್ಳಲಿದ್ದಾರೆ ಈ ಸ್ಟಾರ್ ನಟರು.
ಅಂಬಿ ನಿಂಗೆ ವಯಸ್ಸಾಯ್ತೋ ಸಿನಿಮಾದ ಆಡಿಯೋ ಲಾಂಚ್ ನಲ್ಲಿ ಸುದೀಪ್ ಮತ್ತು ದರ್ಶನ್ ಒಂದಾಗಲಿದ್ದಾರೆ.
ಇದೇ 10ನೇ ತಾರೀಕು ನಡೆಯುವ ಆಡಿಯೋ ಲಾಂಚ್ ಕಾರ್ಯಕ್ರಮದಲ್ಲಿ ಈ ಗೆಳೆಯರಿಬ್ಬರು ಸೇರಿ ಆಡಿಯೋ ಲಾಂಚ್ ಮಾಡಲಿದ್ದಾರೆ.
ಸುದೀಪ್ ಈ ಸಿನಿಮಾದಲ್ಲಿ ನಟಿಸಿದ್ದಾರೆ. ಜೊತೆಗೆ ನಿರ್ಮಾಣದ ಹೊಣೆ ಹೊತ್ತವರೂ ಇವರೇ. ಗುರುದತ್ ಗಾಣಿಗ ಚಿತ್ರವನ್ನು ನಿರ್ದೇಶಿಸಿದ್ದಾರೆ.
ಆಡಿಯೋ ಲಾಂಚ್ ಗೆ ಬರಲು ದರ್ಶನ್ ಒಪ್ಪಿದ್ದಾರೆ.
ರಜನಿಕಾಂತ್, ಚಿರಂಜೀವಿ, ಧನುಷ್ ಮೊದಲಾದ ದಕ್ಷಿಣ ಭಾರತದ ಸ್ಟಾರ್ ಗಳು ಈ ಕಾರ್ಯಕ್ರಮಕ್ಕೆ ಸಾಕ್ಷಿಯಾಗಲಿದ್ದಾರೆ.
