ಐ ಲವ್ ಯು, ಐ ಲವ್ ಯು ಪ್ರಥಮ್ ಎಂದ ಸಂಜನಾ!

ಬಿಗ್ ಬಾಸ್ ಮನೆಯಲ್ಲಿ ಇರೋ ತನಕ ಭುವನ್ ಮತ್ತು ಸಂಜನಾಳನ್ನು ಒಂದಾಗೋಕೆ ಬಿಡಲ್ಲ. ಅವರಿಬ್ಬರ ಪ್ರೀತಿಗೆ ನಾನೇ ವಿಲನ್ ಎಂದು ಹೇಳಿರುವ ಒಳ್ಳೆಯ ಹುಡುಗ ಪ್ರಥಮ್ ಗೆ ಸಂಜನಾ ಐ ಲವ್ ಯು ಪ್ರಥಮ್, ಐ ಲವ್ ಯು ಪ್ರಥಮ್, ಐ ಲವ್ ಯು ಪ್ರಥಮ್ ಎಂದು ಹೇಳಿದ್ದಾಳೆ..! ಪಾಪ, ಭುವನ್ ಗೆ ಹೇಳಿದ್ಲೋ ಬಿಟ್ಟಿದ್ಲೋ? ಯಾರಿಗೂ ಗೊತ್ತಿಲ್ಲ. ಆದರೆ, ಪ್ರಥಮ್ ಗೆ ಐ ಲವ್ ಯು ಎನ್ನುವ ಮೂಲಕ ಅವನ ಮನಸ್ಸನ್ನು ತಣಿಸಿದ್ದಾಳೆ ಸಂಜನಾ..!
ಪ್ರಥಮ್ ಒಂಥರಾ ಸಕಲ ಕಲಾ ವಲ್ಲಭ. ತನ್ನ ಹುಚ್ಚಾಟ, ಕಿರುಚಾಟದಿಂದ ಅಭಿಮಾನಿಗಳನ್ನು ಪಡೆದಿದ್ದಾನೆ. ಅದೇ ರೀತಿ ಈಗ ಸಂಜನಾ ಹಿಂದೆ ಬಿದ್ದಿರುವ ಈ ಭೂಪತಿ ಅಂತೂ ಇಂತು ಸಂಜನಾಳ ಬಾಯಲ್ಲಿ ಐ ಲವ್ ಯು ಅಂತ ಹೇಳಿಸಿಕೊಂಡೇ ಬಿಟ್ಟಿದ್ದಾನೆ.
ಅಷ್ಟೇ ಅಲ್ಲ , ಸಂಜನಾ ಐ ಲವ್ ಯು ಅಂತ ಒಂದ್ಸಲ ಹೇಳಿದಾಗ, ಅದು ಸರಿಯಿಲ್ಲದಿದ್ದರೆ ನಗ್ತಾ ಹೇಳಿ ಅಂದ. ಆಮೇಲೆ ಕೈ ಹಿಡಿದು ಕೊಂಡು ಹೇಳಿ ಎಂದೂ ಸಂಜನಾಗೆ ಪೀಡಿಸಿದ. ಅವಳು ಪ್ರಥಮ್ ನ ಕೈ ಹಿಡಿದುಕೊಂಡು ಹೇಳಿದಾಗ ಕೈಗೊಂದು ಕಿಸ್ ಕೊಡ್ಲಾ? ಅಂತನೂ ಕೇಳಿ ಬಿಟ್ಟ ಒಳ್ಳೆಯ ಹುಡುಗ ಪ್ರಥಮ…!