ಇ-ಮೇಲ್ ಮಾಡಿ ಚಿತ್ರದುರ್ಗದ ವಿದ್ಯಾರ್ಥಿನಿಗೆ ದೈರ್ಯ ತುಂಬಿದ ಮೋದಿ..!

ಎಪಿಎಎಂಟಿ ಪರೀಕ್ಷಾ ಅರ್ಜಿಯನ್ನು ಆನ್ ಲೈನ್ ನಲ್ಲಿ ತುಂಬುವ ವೇಳೆ ಹೆಣ್ಣು/ಗಂಡು ಕಾಲಂನಲ್ಲಿ ತಪ್ಪಾಗಿ ನಮೂದು ಮಾಡಿದ್ದರಿಂದ ಪರೀಕ್ಷೆ ಬರೆಯುವುದರಿಂದ ವಂಚಿತ ಆಗುವ ಆತಂಕದಲ್ಲಿದ್ದ ಚಿತ್ರದುರ್ಗದ ವಿದ್ಯಾರ್ಥಿನಿಗೆ ಪ್ರಧಾನಿ ನರೇಂದ್ರ ಮೋದಿ ಅಭಯನ್ನಿತ್ತಿದ್ದಾರೆ..!
ಆಕೆ, ಎಸ್ಆರ್ಎಸ್ ಕಾಲೇಜಿನ ವಿಜ್ಞಾನ ವಿದ್ಯಾರ್ಥಿನಿ ಬಿ.ಎಂ ದಿವ್ಯಶ್ರೀ. ಈ ಬಾರಿಯ ಅಂದರೆ 2016ನೇ ಸಾಲಿನ ಎಪಿಎಎಂಟಿ ಪರೀಕ್ಷೆ ತೆಗೆದುಕೊಳ್ಳೋಕೆ ಆನ್ಲೈನ್ನಲ್ಲಿ ಅರ್ಜಿ ಸಲ್ಲಿಸಿದ್ದಳು. ಅರ್ಜಿ ಸಲ್ಲಿಸುವಾಗ ಹೆಣ್ಣೆಂದು ನಮೂದಿಸುವ ಬದಲು ಆಕಸ್ಮಿಕವಾಗಿ ಗಂಡೆಂದು ಸೂಚಿಸಿದ್ದಳು. ಅರ್ಜಿಯನ್ನು ಸಲ್ಲಿಸಿದ ಬಳಿಕವಷ್ಟೇ ಅವಳಿಗೆ ತಪ್ಪಿನ ಅರಿವಾಗಿದೆ. ಈ ತಪ್ಪಿನಿಂದಾಗಿಯೇ ತನಗೆ ಪರೀಕ್ಷೆ ಬರೆಯಲು ಅವಕಾಶ ಸಿಗಲ್ವೇನೋ ಅನ್ನೊ ಆತಂಕ ಅವಳಿಗಿತ್ತು..! ಕಾಲೇಜಿನ ಪ್ರಾಂಶುಪಾಲರು ತನ್ನ ವಿದ್ಯಾರ್ಥಿನಿಗೆ ಪ್ರಧಾನಿ ಮೋದಿಯವರಿಗೆ ಈ ಬಗ್ಗೆ ಇ-ಮೇಲ್ ಮಾಡುವಂತೆ ಸೂಚಿಸ್ತಾರೆ..! ಅದರಂತೆ ದಿವ್ಯಶ್ರೀ ಪ್ರಧಾನಿಯವರಲ್ಲಿ ಮನವಿ ಮಾಡಿಕೊಳ್ಳುತ್ತಾಳೆ. ತಕ್ಷಣ ಆಕೆಯ ಮನವಿಗೆ ಸ್ಪಂದಿಸಿದ ಮೋದಿ ಆಗಿರುವ ತಪ್ಪನ್ನು ಸರಿಪಡಿಸುವಂತೆ ಸಂಬಂಧಪಟ್ಟವರಿಗೆ ಆದೇಶಿಸಿ, ಪರೀಕ್ಷೆ ಬರೆಯಲು ಯಾವುದೇ ತೊಂದರೆ ಇಲ್ಲವೆಂದ ಕೇವಲ 12ಗಂಟೆಯೊಳಗೆ ವಿದ್ಯಾರ್ಥಿನಿಗೆ ಇ-ಮೇಲ್ ಮಾಡಿದ್ದಾರೆ