500ರೂ. ಹೊಸ ನೋಟಿನಲ್ಲಿ ತಪ್ಪು: ಆರ್‍ಬಿಐ ಸ್ಪಷ್ಟನೆ

ಹಳೆಯ 500 ಮತ್ತು 1000 ಮುಖಬೆಲೆಯ ನೋಟುಗಳನ್ನು ನಿಷೇಧಿಸಿದ ನಂತರ ಹೊಸ ನೋಟುಗಳು ಚಲಾವಣೆಗೆ ಬಂದು ವಾರಗಳೇ ಕಳೆದಿಲ್ಲ ಅದಾಗ್ಲೆ ಹೊಸ ನೋಟುಗಳಲ್ಲಿನ ಹಲವಾರು ಸಮಸ್ಯೆಗಳಿಂದ ಜನರು ಕಂಗಾಲಾಗಿ ಹೋಗಿದ್ದಾರೆ..! ಇನ್ನು ಈ ನೋಟುಗಳು ನಕಲಿಯಾಗುವ ಸಾಧ್ಯಗಳನ್ನೂ ಕೂಡ ಅಲ್ಲಗೆಳೆಯುವಂತಿಲ್ಲ. ಈಗತಾನೆ ಚಲಾವಣೆಗೆ ಬಂದ 500ರೂ ಮುಖಬೆಲೆಯ ನೋಟಿನಲ್ಲಿ ಹಲವಾರು ತಪ್ಪುಗಳು ಎದ್ದು ಕಾಣುತ್ತಿದ್ದು. ಜನರು ಅದನ್ನು ಕೊಳ್ಳಲು ಹಿಂಜರಿಯುತ್ತಿದ್ದಾರೆ. ಇನ್ನು ಈ 500ರೂ. ಮುಖಬೆಲೆಯ ನೋಟುಗಳಲ್ಲಿ ಅಂತಹದ್ದೇನು ತಪ್ಪುಗಳು ಕಂಡು ಬಂದಿದೆ ಅಂತಾದರೆ ಈ ನೋಟಿನಲ್ಲಿರುವ ಗಾಂಧಿ ಲಾಂಛನದ ಜೋಡನೆಯಲ್ಲಿ ವ್ಯತ್ಯಾಸ ಕಂಡು ಬಂದಿದೆ.! ಅಲ್ಲದೇ ಸೀರಿಯಲ್ ಅಂಕೆಗಳಲ್ಲೂ ಕೂಡ ವ್ಯತ್ಯಾಸಗಳು ಕಂಡು ಬಂದಿದೆ. ನೋಟಿನ ಬಾರ್ಡರ್ ಅಳತೆಯಲ್ಲೂ ಕೂಡ ಸ್ವಲ್ಪ ಪ್ರಮಾಣದಲ್ಲಿ ವ್ಯತ್ಯಾಸ ಕಂಡು ಬಂದಿದ್ದು, ಅದರ ಬಣ್ಣದಲ್ಲೂ ವ್ಯತ್ಯಾಸ ಕಂಡು ಬಂದಿದೆ.
ಆರ್‍ಬಿಐ ಸ್ಪಷ್ಟನೆ ಏನು..?
ನೋಟು ಪ್ರಿಂಟ್ ಮಾಡುವ ಗಡಿಬಿಡಿಯಲ್ಲಿ ಸಣ್ಣಪುಟ್ಟ ತಪ್ಪುಗಳಾಗಿರಬಹುದು. ಇಂಥ ತಪ್ಪಿರುವ ನೋಟುಗಳನ್ನು ನಾಗರೀಕರು ಪಡೆಯಬಹುದು ಅಥವಾ ಆರ್‍ಬಿಐಗೆ ಹಿಂದಿರುಗಿಸಬಹುದು ಎಂದು ಆರ್‍ಬಿಐ ವಕ್ತಾರ ಅಲ್ಪನಾ ಕಿಲ್ಲವಾಲಾ ಹೇಳಿದ್ದಾರೆ