ಶ್ರೀಲಂಕಾದ ಕ್ರಿಕೆಟ್ ದಿಗ್ಗಜರಾದ ಅರ್ಜುನ್ ರಣತುಂಗ ಹಾಗೂ ಅರವಿಂದ್ ಡಿ ಸಿಲ್ವಾ ವಿರುದ್ಧ ಮ್ಯಾಚ್ ಫಿಕ್ಸಿಂಗ್ ಆರೋಪ ಕೇಳಿಬಂದಿದೆ. 1996ರ ವಿಶ್ವಕಪ್ ನ ನಾಯಕ ಮತ್ತು ಉಪನಾಯಕನ ವಿರುದ್ಧ ಇಂಥಾ ಗಂಭೀರ ಆರೋಪ ಮಾಡಿರುವುದು ಶ್ರೀಲಂಕಾ ಸಂಸ್ಥೆಯ ಮಾಜಿ ಅಧ್ಯಕ್ಷ ತಿಲಂಗಾ ಸುಮತಿಪಾಲ.
ಏಷ್ಯಾ ಉಪಖಂಡದಲ್ಲಿ ನಡೆದಿದ್ದ 1996ರ ವರ್ಲ್ಡ್ ಕಪ್ ನಲ್ಲಿ ಭರ್ಜರಿ ಪ್ರದರ್ಶನ ನೀಡಿದ ಶ್ರೀಲಂಕಾ , ಫೈನಲ್ ನಲ್ಲಿ ಬಲಿಷ್ಠ ಆಸ್ಟ್ರೇಲಿಯಾವನ್ನು ಮಣಿಸಿ ಚಾಂಪಿಯನ್ ಆಗಿ ಹೊರಹೊಮ್ಮಿತ್ತು. ಈ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಸಿದ್ದ ನಾಯಕ ರಣತುಂಗಾ ಮತ್ತು ಉಪನಾಯಕ ಸಿಲ್ವಾ ವಿರುದ್ಧ ಸುಮತಿಪಾಲ ಮಾಡಿರೋ ಆರೋಪ ಸಾಕಷ್ಟು ಚರ್ಚೆ ಮತ್ತು ಅನುಮಾನಕ್ಕೆ ಕಾರಣವಾಗಿದೆ.
ಮ್ಯಾಚ್ ಫಿಕ್ಸಿಂಗ್ ಗಾಗಿ ಇವರಿಬ್ಬರು 15 ಸಾವಿರ ಡಾಲರ್ ಪಡೆಯುತ್ತಿದ್ದರು ಎಂದು ದೂರಿದ್ದಾರೆ.
ಸುಮತಿಪಾಲ್ ಕುಟುಂಬದವರು ಅನೇಕ ಮಂದಿ ಬುಕ್ಕಿಗಳ ಜೊತೆ ನಂಟು ಹೊಂದಿದ್ದಾರೆ ಎಂಬ ಆರೋಪದ ಮೇಲೆ ಅವರನ್ನು ಅಧ್ಯಕ್ಷ ಸ್ಥಾನದಿಂದ ಕೆಳಗಿಳಿಸಲಾಗಿತ್ತು.
