`ರೋಬೋಫೀಲಿಯಾ' ಇದು `ಫ್ಯೂಚರ್ ಆಫ್ ಸೆಕ್ಸ್'

ಅಬ್ಬಾ ಏನು ಕಾಲ ಬಂತಪ್ಪಾ ಎಂದು ಗೊಣಗಿಕೊಳ್ಳುವವರಿಗೆ ಇನ್ನೊಂದು ಆಘಾತಕಾರಿ ಸುದ್ದಿ ಬಂದಿದೆ. ಅದೇನೆಂದರೆ ಮುಂದಿನ ಹತ್ತು ವರ್ಷಗಳ ನಂತರ ಅಂದರೆ 2025ರ ವೇಳೆಗೆ ಮಾನವರು ಅದರಲ್ಲೂ ಹೆಚ್ಚಾಗಿ ಮಹಿಳೆಯರು ಲೈಂಗಿಕ ಕ್ರಿಯೆಗಳಿಗೆ ಯಂತ್ರ ಮಾನವರ (ರೋಬೋಟ್) ಮೊರೆ ಹೋಗಲಿದ್ದಾರೆ ಎನ್ನಲಾಗಿದೆ.

ಪ್ರಸ್ತುತವಾಗಿ ನೀಲಿ ಚಿತ್ರಗಳನ್ನು ಸುಲಲಿತವಾಗಿ ವೀಕ್ಷಿಸುವಂತೆಯೇ ಮುಂಬರುವ ದಶಕದಲ್ಲಿ ರೊಬೋಟ್‍ಗಳ ಜತೆ ಹಾಸಿಗೆ ಹಂಚಿಕೊಳ್ಳುವುದು ಸಾಮಾನ್ಯದ ಸಂಗತಿಯಾಗಲಿದೆ ಎಂದು ದುಬೈ ಮೂಲದ ಡಾ. ಇಯಾನ್ ಪಿಯರ್ಸನ್ ತಮ್ಮ`ಫ್ಯೂಚರ್ ಆಫ್ ಸೆಕ್ಸ್’ ವರದಿಯಲ್ಲಿ ತಿಳಿಸಿದ್ದಾರೆ. ಈ ಹವ್ಯಾಸ ಅದೆಷ್ಟು ಪರಿಣಾಮಕಾರಿಯಾಗಿರಲಿದೆ ಎಂದರೆ ಸ್ವತಃ ಮಾನವನನ್ನು ಈ ರೋಬೋಟ್‍ಗಳು ಮೀರಿಸಲಿದೆ ಎನ್ನಲಾಗಿದೆ. ಇವು ಕೇವಲ ಲೈಂಗಿಕ ಕ್ರೀಡೆಗಳಷ್ಟೇ ಅಲ್ಲದೇ ಪ್ರೀತಿಯ ಬಲೆಯಲ್ಲೂ ಸಿಕ್ಕಿಸಲಿದೆ ಎಂದು ಪಿಯರ್ಸನ್ ತಿಳಿಸಿದ್ದಾರೆ.
ಈ ವಿಚಿತ್ರ ಹವ್ಯಾಸಕ್ಕೆ `ರೋಬೋಫೀಲಿಯಾ’ ಎಂದು ಹೆಸರಿಸಲಾಗಿದ್ದು, ಇವುಗಳು ಬಹಿಷ್ಕಾರದ ವಸ್ತುಗಳನ್ನಾಗಿರದೇ ಹುಡುಗಿಯುರ ಕೋಣೆ ಆಕ್ರಮಿಸಿಕೊಳ್ಳಲಿವೆ. ಮುಂದಿನ ಪೀಳಿಗೆಗೆ ಮಹಿಳೆಯರಿಗೆ ಪುರುಷರಿಗಿಂತಲೂ ಹೆಚ್ಚಿನ ಸಂಖ್ಯೆಯಲ್ಲಿ ಈ ರೋಬೋಟ್‍ಗಳು ಹಾಸಿಗೆ ಹಂಚಿಕೊಳ್ಳಲಿವೆ ಎಂದು ಅಚ್ಚರಿಯ ಮಾಹಿತಿ ಹೊರಹಾಕಲಾಗಿದೆ. ಲೈಂಗಿಕ ಕ್ರೀಯೆಯ ಅವಕಾಶ ವಂಚಿತರು ಅದರಲ್ಲೂ ಹೆಚ್ಚಾಗಿ ವಯಸ್ಕರಿಗೆ ಪುನಃ ಲೈಂಗಿಕ ಆಸಕ್ತಿ ಮೂಡಿಸಲು ಈ ರೋಬೋಗಳು ಸಹಕಾರಿಯಾಗಲಿದೆ ಎಂದು ಹೇಳಲಾಗಿದೆ.