ನವರಾತ್ರಿಯ ಐದನೇ ದಿನದಂದು, ಪೂಜ್ಯ ಮಾತೆ ದುರ್ಗೆಯ ಸ್ಕಂದಮಾತಾ ರೂಪವನ್ನು ಪೂಜಿಸಲಾಗುತ್ತದೆ. ಸ್ಕಂದಮಾತೆಯನ್ನು ಕುಮಾರ ಕಾರ್ತಿಕೇಯನ ತಾಯಿ ಎಂದು ಗುರುತಿಸಲಾಗುತ್ತದೆ. ಕುಮಾರ ಕಾರ್ತಿಕೇಯನ ಇನ್ನೊಂದು ಹೆಸರೇ ಸ್ಕಂದ. ಆದ್ದರಿಂದ ತಾಯಿಯ ಈ ರೂಪಕ್ಕೆ ಅವನ ಹೆಸರನ್ನು ಇಡಲಾಗಿದೆ. ಸ್ಕಂದ ಮಾತೆಯು ದುರ್ಗಾ ದೇವಿಯ ಐದನೇ ಅವತಾರವಾಗಿದ್ದು, ಈಕೆ ಪ್ರೀತಿ ಮತ್ತು ವಾತ್ಸಲ್ಯವನ್ನು ಸೂಚಿಸುತ್ತಾಳೆ.
ಪೂಜಾ ವಿಧಿ:
ಸ್ಕಂದ ಮಾತೆಗೆ ಕೆಂಪು ಬಣ್ಣದ ಅಥವಾ ಹಳದಿ ಬಣ್ಣದ ಹೂವು ವಿಶೇಷವಾಗಿ ಗುಲಾಬಿ ಹೂವು ಪ್ರಿಯವಾದುದು.
ಈ ದಿನ ಹಸಿರು ವಸ್ತ್ರ ಧರಿಸುತ್ತಾರೆ . ಹಾಗೂ , ನೈವೇದ್ಯಕ್ಕೆ ಬಾಳೆ ಹಣ್ಣಿನಿಂದ ಮಾಡಿದ ಸಿಹಿ ಸಮರ್ಪಿಸಬೇಕು .
ಸ್ಕಂದ ಮಾತೆ ಹಾಗೂ ಮಾತೆಯ ಪುತ್ರ ಸ್ಕಂದ ಆಶೀರ್ವಾದಕ್ಕೆ ವಿಶೇಷ ಪೂಜೆಯನ್ನು ಈ ದಿನ ಮಾಡಬೇಕು. ಷೋಡಶೋಪಚಾರ ಪೂಜೆಯ ನಂತರ ಆರತಿಯೊಂದಿಗೆ ಪೂಜೆಯನ್ನು ಮುಕ್ತಾಯಗೊಳಿಸಬೇಕು.
ಸ್ಕಂದಮಾತೆಯ ಮಂತ್ರ:
ಓಂ ದೇವಿ ಸ್ಕಂದಮಾತಾಯ ನಮಃ
ಓಂ ದೇವಿ ಸ್ಕಂದಮಾತಾಯೈ ನಮಃ ಸಿಂಹಾಸಂಗತಂ ನಿತ್ಯಂ ಪದ್ಮಾಂಚಿತ ಕರದ್ವಾಯೇ
ಶುಭದಾಸ್ತು ಸದಾದೇವಿ ಸ್ಕಂದಮಾತಾ ಯಶಸ್ವಿನೀ”
