ಹಚ್ಚೆ ಹಾಕಿಸಿಕೊಳ್ಳೋಕು ಮುನ್ನ ಈ ಸ್ಟೋರಿ ಓದಿ..!

ಇಂದಿನ ಕಾಲಘಟ್ಟದಲ್ಲಿ ಹಚ್ಚೆ ಹಾಕಿಸಿಕೊಳ್ಳೋದಂದ್ರೆನೆ ಒಂದು ಟ್ರೆಂಡ್ ಆಗ್ಬಿಟ್ಟಿದೆ. ವಿಧ ವಿಧದ ಟ್ಯಾಟೂಗಳು ಮೈಗೆಲ್ಲಾ ಹಾಕಿಸಿಕೊಂಡಿರ್ತಾರೆ ಈಗಿನ ಯುವಕ ಯುವತಿಯರು. ಆದ್ರೆ ಟ್ಯಾಟೂ ಅಥವಾ ಹಚ್ಚೆ ಹಾಕುಸ್ಕೊಳ್ಳೋದ್ರಿಂದ ದೇಹದ ಮೇಲೆ ಬ್ಯಾಕ್ಟೀರಿಯಾ ಸೊಂಕು ತಗುಲಿ ಅನಾರೋಗ್ಯಕ್ಕೆ ಕಾರಣವಾಗುತ್ತೆ ಎಂದು ಹೇಳಿದೆ ಇಲ್ಲಿನ ಒಂದು ಸಂಶೋಧನಾ ವರದಿ.
ಹಚ್ಚೆ ಹಾಕಿಸಿಕೊಳ್ಳೋದ್ರಿಂದ ಕ್ಯಾನ್ಸರ್‍ಗೆ ಕಾರಣವಾಗುತ್ತೆ ಎಂಬ ಅಘಾತಕಾರಿ ವರದಿಯನ್ನು ಮಾಡಿದೆ ಯೂರೋಪಿಯನ್ ಕಮಿಷನ್ ಜಂಟಿ ಸಂಶೋಧನಾ ಸಂಸ್ಥೆ. ಹಚ್ಚೆ ಹಾಕುವ ಸಂದರ್ಭದಲ್ಲಿ ವಿಧ ವಿಧದ ಬಣ್ಣದ ಶಾಹಿಗಳನ್ನು ಬಳಸಲಾಗುತ್ತದೆ. ಈ ಬಣ್ಣದಲ್ಲಿ ಕ್ಯಾನ್ಸರ್‍ಗೆ ಕಾರಣವಾಗುವ ರಾಸಾಯನಿಕ ಪದಾರ್ಥಗಳಿರುವುದರಿಂದ ಹಚ್ಚೆ ಹಾಕಿಸಿಕೊಳ್ಳೋದು ಡೇಂಜರ್ ಎಂದು ಎಚ್ಚರಿಕೆ ನೀಡಿದೆ. ಹಚ್ಚೆ ಹಾಕುವ ಬಣ್ಣದಲ್ಲಿ ಶೇ.80 ಕ್ಕಿಂತ ಅಧಿಕ ಪ್ರಮಾಣದ ರಾಸಾಯನಿಕಗಳಿದ್ದು, ಅವುಗಳಲ್ಲಿ ಶೇ.60ರಷ್ಟು ರಾಸಾಯನಿಕಗಳು ಕ್ಯಾನ್ಸರ್‍ಗೆ ಕಾರಣವಾಗುವ ಅಂಶಗಳಿವೆ ಎಂದು ತಿಳಿಸಿದೆ. ಹಚ್ಚೆ ಹಾಕಿಸಿಕೊಳ್ಳೋದ್ರಿಂದ ತೀವ್ರತರವಾದ ಅಲರ್ಜಿ ಹಾಗೂ ಚರ್ಮ ರೋಗಗಳಿಗೂ ಕಾರಣವಾಗುತ್ತದೆ ಎಂದು ಸಂಶೋಧನೆಯಿಂದ ತಿಳಿದು ಬಂದಿದೆ. ಹೆಚ್ಚಿನ ಪ್ರಮಾಣದಲ್ಲಿ ರಾಸಾಯನಿಕ ಪದಾರ್ಥಗಳು ಹಚ್ಚೆ ಹಾಕುವ ಬಣ್ಣಗಳಲ್ಲಿರುವುದರಿಂದ ದೇಹದಲ್ಲಿ ರೋಗ ನಿರೋಧಕ ಶಕ್ತಿ ಕಡಿಮೆಯಾಗುತ್ತದೆ. ಹಾಗೇನಾದರೂ ಹಚ್ಚೆ ತೆಗೆಸಿಕೊಳ್ಳಲು ಮನಸ್ಸು ಮಾಡಿದ್ದೇ ಆದಲ್ಲಿ ಅದಕ್ಕೆ ಸೂಕ್ತ ಲೇಸರ್ ಚಿಕಿತ್ಸಾ ವಿಧಾನವಿದೆ ಎಂದು ಸಂಶೋಧನೆ ವರದಿ ಮಾಡಿದೆ.