ಪುನೀತ್ ರಾಜ್ ಕುಮಾರ್ ಮತ್ತು ದಿನಕರ್ ತೂಗುದೀಪ ಅವರ ಕಾಂಬಿನೇಷನ್ ನಲ್ಲಿ ಸಿನಿಮಾವೊಂದು ಬರಲಿದೆ ಎಂಬ ಸುದ್ದಿಯನ್ನು ನೀವು ಈ ಹಿಂದೆ ನಮ್ಮ ವೆಬ್ ಸೈಟ್ ನಲ್ಲಿ ಓದಿದ್ದೀರಿ. ಹೌದು ಪುನೀತ್ ಮತ್ತು ದರ್ಶನ್ ಅವರ ಸಹೋದರ ದಿನಕರ್ ತೂಗುದೀಪ ಅವರ ಕಾಂಬಿನೇಷನ್ ನಲ್ಲಿ ಸಿನಿಮಾವೊಂದು ಮೂಡಿ ಬರಲಿದೆ ಎಂಬ ಸುದ್ದಿ ಕಳೆದ ವಾರದಿಂದ ಸಖತ್ ವೈರಲ್ ಆಗಿತ್ತು.
ಇನ್ನು ಈ ಸುದ್ದಿ ಕೇಳಿದ ಅರ್ಧದಷ್ಟು ಜನರು ಇದೊಂದು ಸುಳ್ಳುಸುದ್ದಿ ಅಪ್ಪು ಅವರು ದಿನಕರ್ ಅವರ ನಿರ್ದೇಶನದಲ್ಲಿ ನಟಿಸುವುದೇ ಇಲ್ಲ ಎಂದು ಕಾಮೆಂಟ್ ಮಾಡತೊಡಗಿದ್ದರು. ಆದರೆ ಇದೀಗ ಆ ಸುದ್ದಿ ನಿಜ ಎಂಬ ಅಂಶ ಹೊರಬಿದ್ದಿದೆ. ಹೌದು ಇಂದು ಆ ಚಿತ್ರದ ಕುರಿತು ಪುನೀತ್ ಮತ್ತು ದಿನಕರ್ ಅವರು ಸಭೆ ನಡೆಸಿ ಅಧಿಕೃತವಾಗಿ ತಾವು ಸಿನಿಮಾ ಮಾಡುತ್ತಿರುವ ವಿಷಯವನ್ನು ಬಿಟ್ಟುಕೊಟ್ಟಿದ್ದಾರೆ.
ಇನ್ನೂ ದಿನಕರ್ ನಿರ್ದೇಶಿಸಲಿರುವ ಈ ಚಿತ್ರದಲ್ಲಿ ಪುನೀತ್ ಅವರು ನಾಯಕನಾಗಿ ಕಾಣಿಸಿಕೊಂಡರೆ ಚಿತ್ರಕ್ಕೆ ಬಂಡವಾಳವನ್ನು ಜಯಣ್ಣ ಫಿಲಂಸ್ ಅವರು ಹೂಡುತ್ತಿದ್ದಾರೆ. ಈ ಮೂಲಕ ರಣವಿಕ್ರಮ ನಂತರ ಮತ್ತೆ ಒಂದಾಗುತ್ತಿದ್ದಾರೆ ಪುನೀತ್ ಮತ್ತು ಜಯಣ್ಣ ಫಿಲ್ಮ್ಸ್ .
