ಕಿರಿಕ್ ಪಾರ್ಟಿ ಚಿತ್ರ ತೆರೆಕಂಡು 5 ವರ್ಷಗಳು ಕಳೆದರೂ ಸಹ ಅದು ಸೃಷ್ಟಿಸಿದ ವಿವಾದ ಮಾತ್ರ ಇನ್ನೂ ಮಾಸಿಲ್ಲ. ಕಿರಿಕ್ ಪಾರ್ಟಿ ಚಿತ್ರದಲ್ಲಿ ಬರುವ ಹೇ ಹೂ ಆರ್ ಯೂ ಹಾಡನ್ನು ಈ ಹಿಂದೆ ರವಿಚಂದ್ರನ್ ಅಭಿನಯಿಸಿದ್ದ ಶಾಂತಿ ಕ್ರಾಂತಿ ಚಿತ್ರದ ಮಧ್ಯ ರಾತ್ರೀಲಿ ಹೈವೇ ರಸ್ತೇಲಿ ಹಾಡಿನಿಂದ ಕದಿಯಲಾಗಿದೆ ಎಂದು ಲಹರಿ ವೇಲು ಅವರು ಆರೋಪವನ್ನು ಮಾಡಿದ್ದರು.
ಕೇವಲ ಆರೋಪಕ್ಕಷ್ಟೇ ಸೀಮಿತವಾಗದ ಈ ಪ್ರಕರಣ ಪೊಲೀಸ್ ಮೆಟ್ಟಿಲು ಸಹ ಏರಿತ್ತು. ಇದೀಗ ಈ ಪ್ರಕರಣ ಮತ್ತೊಂದು ತಿರುವು ಪಡೆದುಕೊಂಡಿದ್ದು ಜಾಮೀನು ರಹಿತ ವಾರೆಂಟ್ ಅನ್ನು ಚಿತ್ರತಂಡದ ವಿರುದ್ಧ ವಿಧಿಸಲಾಗಿದೆ ಎನ್ನಲಾಗುತ್ತಿದೆ. ಹೀಗಾಗಿ ಕಿರಿಕ್ ಪಾರ್ಟಿ ಚಿತ್ರತಂಡ ಜೈಲಿಗೆ ಹೋಗಲಿದೆಯಾ ಎಂಬ ಪ್ರಶ್ನೆ ಇದೀಗ ಎಲ್ಲೆಡೆ ಎದ್ದಿದೆ.
