ಕೊರೊನಾ ಹೆಮ್ಮಾರಿಯ ಅಟ್ಟಹಾಸ ಮಿತಿ ಮೀರ್ತಿದೆ. ದೇಶದಲ್ಲಿ ಉಲ್ಬಣವಾಗ್ತಾಯಿರೋ ಹಿನ್ನಲೆಯಲ್ಲಿ ಜನ ನಡುಗಿ ಹೋಗಿದ್ದಾರೆ.ಕೊರೊನಾ ಬಂದ್ರೆ ಹೇಗಪ್ಪ ಚಿಕಿತ್ಸೆ ಪಡೆಯೋದು ಅನ್ನೀ ಭಯದಲ್ಲೇ ದಿನಾ ದೂಡ್ತಿದ್ದಾರೆ. ಇಂಥ ಕಷ್ಟಕಾಲದಲ್ಲಿ ಸಂಜೀವಿನಿಯಾಗಿದ್ದು ಡಿಆರ್ಡಿಓ. ತೀವ್ರವಾದ ಕೋವಿಡ್ -19 ಪ್ರಕರಣಗಳಲ್ಲಿ ಸಹಾಯಕ ಚಿಕಿತ್ಸೆಯಾಗಿ ಬಳಸಲು 2-ಡಿಆಕ್ಸಿ-ಡಿ-ಗ್ಲೂಕೋಸ್ (2-ಡಿಜಿ). “ಗ್ಲೂಕೋಸ್‌ನ ಜೆನೆರಿಕ್ ಅಣು ಆಗಿರುವುದರಿಂದ ಇದನ್ನು ಸುಲಭವಾಗಿ ಉತ್ಪಾದಿಸಬಹುದು ಮತ್ತು ಸಾಕಷ್ಟು ಪ್ರಮಾಣದಲ್ಲಿ ಲಭ್ಯವಾಗಿಸಬಹುದು” ಎಂದು ಡಿಆರ್‌ಡಿಒ ತಿಳಿಸಿತ್ತು.
ಡಿಆರ್‌ಡಿಒ ಪ್ರಕಟಣೆಯ ಪ್ರಕಾರ, 2-ಡಿಜಿಯೊಂದಿಗೆ ಚಿಕಿತ್ಸೆ ಪಡೆದ ರೋಗಿಗಳು ರೋಗ ಲಕ್ಷಣದ ಆಧಾರದ ಮೇಲೆ ನೀಡುವ ಚಿಕಿತ್ಸೆಯಲ್ಲಿ ಕಡಿಮೆ ಎಂದರೂ 2.5 ದಿನ, ಬೇಗ ಚೇತರಿಸಿಕೊಳ್ಳುವ ಸಾಧ್ಯತೆ ಇದೆ ಎಂದು ತಿಳಿಸಿತ್ತು. ಇನ್ನು ಈ ಔಷಧಿಯನ್ನು ಫೇಸ್-2 ನಲ್ಲಿ 110 ರೋಗಿಗಳಿಗೆ ಹಾಗೂ ಫೇಸ್-3 ನಲ್ಲಿ 3 ರೋಗಿಗಳಿಗೆ ನೀಡಲಾಗಿದ್ದು ಪ್ರಯೋಗ ಸಂಪೂರ್ಣ ಯಶಸ್ಸನ್ನು ಕಂಡಿದೆ ಅಂತಾ ಡಿಆರ್ಡಿಓ ವಿಜ್ಞಾನಿ ಡಾ.ಸುಧೀರ್ ಚಂದ್ನಾ ತಿಳಿಸಿದ್ದಾರೆ.
ಡಾ. ಸುಧೀರ್ ತಿಳಿಸುವಂತೆ ಪ್ರಯೋಗದ ವೇಳೆ ಈ ಔಷಧಿ ಪಡೆದ ಸೋಂಕಿತರು, 2ರಿಂದ 3ದಿನಗಳಷ್ಟು ಬೇಗ ವಾಸಿಯಾಗಿದ್ದಾರೆ. ಫೇಸ್ 3 ಪ್ರಯೋಗದಲ್ಲಿ ಸೋಂಕಿತರು ಆಕ್ಸಿಜನ್ ಉಪಯೋಗಿಸಿರೋದು ಕುಡ ಕಡಿಮೆಯಾಗಿದೆ ಅನ್ನೋದನ್ನ ಅವ್ರು ಹೇಳಿದ್ದಾರೆ.
ವಿಶೇಷ ಅಂದ್ರೆ ಹೈದರಾಬಾದ್ನ ಡಾ. ರೆಡ್ಡೀಸ್ ಲ್ಯಾಬ್ ಡಿಆರ್ಡಿಓ ಜೊತೆ ಈ ಔಷಧ ಉತ್ಪಾದನೆಯ ಪಾಲುದಾರ ಸಂಸ್ಥೆಯಾಗಿದೆ. ಈ ಸಂಸ್ಥೆ ಅತ್ಯಂತ ಶೀಘ್ರದಲ್ಲಿ 2-ಡಿಆಕ್ಸಿ-ಡಿ-ಗ್ಲೂಕೋಸ್ ಅನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಲಿದೆ ಎಂದು ಅವರು ತಿಳಿಸಿದ್ದಾರೆ.
