ಚಹಾ ಪ್ರಿಯರೇ ಇಲ್ಲಿ ಕೇಳಿ: 30 ದಿನ ಟೀ ಕುಡಿಯೋದು ಬಿಟ್ರೆ ಹೀಗೆಲ್ಲ ಆಗುತ್ತಂತೆ ಎಚ್ಚರ!
ಕೆಲವರು ತಮ್ಮ ಜೀವವನ್ನು ಬೇಕಾದರೂ ಬಿಡಬಹುದು, ಆದರೆ ಚಹಾವನ್ನು ಮಾತ್ರ ಬಿಡುವುದಿಲ್ಲ. ಬೆಳಗಿನ ಹೊತ್ತು ಸ್ನಾನ ಮಾಡುವುದನ್ನು ತಪ್ಪಿಸಿದರೂ ಚಹಾ ಕುಡಿಯುವುದನ್ನು ತಪ್ಪಿಸದವರೂ ಇದ್ದಾರೆ. ಇನ್ನೂ ಕೆಲವರಿಗೆ ಬೆಳಗಿನ ಹೊತ್ತು ಒಂದು ಕಪ್‌ ಚಹಾ ಹೀರದಿದ್ದರೆ ಹುಚ್ಚು ಹಿಡಿಯೋದು ಪಕ್ಕಾ. ಈ ರೀತಿ ನಮ್ಮ ನಡುವೆ ಹಲವು ಟೀ ಲವರ್ಸ್‌ಗಳಿದ್ದಾರೆ.
ಒಟ್ಟಾರೆ ಚಹಾ ನಮ್ಮ ಜೀವನದ ಭಾಗವಾಗಿಬಿಟ್ಟಿದೆ. ಆದರೆ ಇಂತಹ ಚಹಾವನ್ನು ದಿನಕ್ಕೆ ಒಂದು ಅಥವಾ ಎರಡು ಬಾರಿ ಕುಡಿಯುವುದರಲ್ಲಿ ತಪ್ಪೇನಿಲ್ಲ.
ಆದರೆ ಹೆಚ್ಚು ಟೀ ಕುಡಿಯುವುದರಿಂದ ನಮ್ಮ ದೇಹದಲ್ಲಿ ದೀರ್ಘಕಾಲದ ಸಮಸ್ಯೆಗಳು ಉಂಟಾಗಬಹುದು. ಇಂತಹ ವೇಳೆ ಚಹಾವನ್ನು ಸಂಪೂರ್ಣವಾಗಿ ತ್ಯಜಿಸುವುದು ಉತ್ತಮವೇ? ಒಂದು ತಿಂಗಳ ಕಾಲ ಟೀ ಕುಡಿಯದಿದ್ದರೆ ನಮ್ಮ ದೇಹದಲ್ಲಿ ಏನೆಲ್ಲಾ ಬದಲಾವಣೆ ಆಗುತ್ತದೆ? ನಿಮ್ಮ ಈ ಪ್ರಶ್ನೆಗಳಿಗೆ ಉತ್ತರಗಳು ಈ ಕೆಳಗಿನಂತಿದೆ ಓದಿ.
ಚಹಾ ಸಂಪೂರ್ಣವಾಗಿ ತ್ಯಜಿಸುವುದರ ಪ್ರಯೋಜನಗಳು: ಒಂದು ತಿಂಗಳ ಕಾಲ ಚಹಾವನ್ನು ತ್ಯಜಿಸುವುದರಿಂದ ನಮ್ಮ ದೇಹದಲ್ಲಿ ಕೆಫೀನ್ ಸೇವನೆಯು ಕಡಿಮೆಯಾಗುತ್ತದೆ. ಈ ಕಾರಣದಿಂದಾಗಿ ಉತ್ತಮ ನಿದ್ರೆಯನ್ನು ಪಡೆಯುತ್ತೇವೆ ಹಾಗೂ ನಮ್ಮಲ್ಲಿ ಆತಂಕ ಕಡಿಮೆ ಆಗುತ್ತದೆ. ಚಹಾದ ಮೂತ್ರವರ್ಧಕ ಪರಿಣಾಮಗಳಿಂದಾಗಿ ಹೆಚ್ಚಾಗಿ ಚಹಾವನ್ನು ಕುಡಿಯುವುದರಿಂದ ನಮ್ಮ ದೇಹದಲ್ಲಿನ ನೀರಿನ ಪ್ರಮಾಣವನ್ನು ಕಡಿಮೆ ಮಾಡುತ್ತದೆ.
ಆದ್ದರಿಂದ ಟೀ ಕುಡಿಯುವುದನ್ನು ಬಿಟ್ಟುಬಿಡುವುದು ನಿರ್ಜಲೀಕರಣ ಸಂಬಂಧಿತ ಸಮಸ್ಯೆಗಳನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಇದಲ್ಲದೇ ಚಹಾವನ್ನು ಕುಡಿಯುವುದರಿಂದ ನಮ್ಮ ಜೀವಕೋಶಗಳಿಗೆ ಹಾನಿ ಮಾಡುವ ಫ್ರೀ ರಾಡಿಕಲ್ಗಳನ್ನು ಕಡಿಮೆ ಮಾಡುತ್ತದೆ. ಈ ಕಾರಣದಿಂದಾಗಿ ಜೀರ್ಣಕಾರಿ ಸಮಸ್ಯೆಗಳು ಮತ್ತು ಕೆಲವು ರೀತಿಯ ಕ್ಯಾನ್ಸರ್ ತಡೆಗಟ್ಟುತ್ತದೆ
ಚಹಾವನ್ನು ಸಂಪೂರ್ಣವಾಗಿ ತ್ಯಜಿಸುವುದರಿಂದ ಉಂಟಾಗುವ ಅಡ್ಡ ಪರಿಣಾಮಗಳು: ಕೆಲ ಮಂದಿ ಚಹಾವನ್ನು ಕುಡಿಯುವುದರಿಂದ ಆರಾಮದಾಯಕ ಮತ್ತು ವಿಶ್ರಾಂತಿ ಮನೋಭಾವವನ್ನು ಹೊಂದುತ್ತಾರೆ. ಆದರೆ ಚಹಾ ಕುಡಿಯುವುದನ್ನು ನಿಲ್ಲಿಸಿದ ತಕ್ಷಣ ಅವರಲ್ಲಿ ಮಾನಸಿಕ ಸಮಸ್ಯೆಗಳು ಉಂಟಾಗಬಹುದು. ಕೆಲ ಮಂದಿಗೆ ಆಯಾಸ, ಆಲಸ್ಯ, ನಿದ್ರಾ ಭಂಗ, ತಲೆನೋವು ಮತ್ತು ಇನ್ನಿತರ ಸಮಸ್ಯೆಗಳು ಚಹಾ ಕುಡಿಯುವುದನ್ನು ನಿಲ್ಲಿಸಿದ ನಂತರ ಗಮನ ಹರಿಸಲು ತೊಂದರೆಗಳಂತಹ ಸಮಸ್ಯೆಗಳನ್ನು ಅನುಭವಿಸಬಹುದು. ಆದರೆ ಅಂತಹ ಸಮಸ್ಯೆಗಳು ಕೆಲವು ದಿನಗಳವರೆಗೆ ಮಾತ್ರ ಇರುತ್ತದೆ. ಒಮ್ಮೆ ದೇಹವು ಚಹಾವಿಲ್ಲದೆಯೇ ಒಗ್ಗಿಕೊಂಡರೆ, ಅಂತಹ ಸಮಸ್ಯೆಗಳು ಉಂಟಾಗುವುದಿಲ್ಲ
ಚಹಾದ ಬದಲು ನೀವು ಏನು ಕುಡಿಯಬಹುದು?: ಬಹುಶಃ ನಿಮ್ಮ ಆಹಾರದಿಂದ ಚಹಾವನ್ನು ಸಂಪೂರ್ಣವಾಗಿ ತೊಡೆದುಹಾಕಲು ನೀವು ನಿರ್ಧರಿಸಿದ್ದರೆ, ನೀವು ಗಿಡಮೂಲಿಕೆ ಚಹಾಗಳು, ಫ್ರೂಟ್ ಜ್ಯೂಸ್ ಅಥವಾ ಬಿಸಿನೀರನ್ನು ಕುಡಿಯಲು ಪ್ರಯತ್ನಿಸಿ. ಮಾರಿಗೋಲ್ಡ್ ಮತ್ತು ಪುದೀನದಂತಹ ಕೆಫೀನ್ ಇಲ್ಲದ ವಿಶಿಷ್ಟ ಪರಿಮಳವನ್ನು ಹೊಂದಿರುವ ಗಿಡಮೂಲಿಕೆ ಚಹಾಗಳು ನಮ್ಮ ದೇಹದ ಮೇಲೆ ಅನೇಕ ರೀತಿ ಪಾಸಿಟಿವ್ ಪರಿಣಾಮಗಳನ್ನು ಬೀರುತ್ತವೆ.
ವಿಶೇಷವಾಗಿ ಸೇಬು ಅಥವಾ ಕ್ರ್ಯಾನ್ಬೆರಿಯಂತಹ ಫ್ರೂಟ್ ಜ್ಯೂಸ್ಗಳು ನೈಸರ್ಗಿಕವಾಗಿ ಕೆಫೀನ್ ಮುಕ್ತವಾಗಿರುವುದರಿಂದ ನಮ್ಮ ದೇಹವನ್ನು ರಿಫ್ರೆಶ್ ಮಾಡಲು ಸಹಾಯ ಮಾಡುತ್ತದೆ. ಇದಲ್ಲದೇ, ನಿಂಬೆ ಅಥವಾ ಜೇನುತುಪ್ಪದೊಂದಿಗೆ ಬಿಸಿನೀರನ್ನು ಕುಡಿಯುವುದು ಚಹಾ ಕುಡಿದಂತೆಯೇ ವಿಶ್ರಾಂತಿ ಮತ್ತು ಆರಾಮವಾಗಿರಲು ನಮಗೆ ಸಹಾಯ ಮಾಡುತ್ತದೆ
ಆದರೆ, ಕೆಲ ಮಂದಿ ಕಡ್ಡಾಯವಾಗಿ ಚಹಾ ಕುಡಿಯುವುದನ್ನು ತಪ್ಪಿಸಲು ಬಯಸುತ್ತಾರೆ. ಸೂಕ್ಷ್ಮ ಹೊಟ್ಟೆ ಅಥವಾ ಎದೆಯುರಿಯಿಂದ ಬಳಲುತ್ತಿರುವವರು ಕೆಫೀನ್ ಮತ್ತು ಟ್ಯಾನಿನ್ ಹೊಂದಿರುವ ಚಹಾಗಳನ್ನು ಕುಡಿಯುವುದನ್ನು ತಪ್ಪಿಸಬೇಕು. ಗರ್ಭಿಣಿಯರು ಅಥವಾ ಶುಶ್ರೂಷಾ ತಾಯಂದಿರಿಗೆ ಚಹಾವನ್ನು ಮಿತವಾಗಿ ಕುಡಿಯಲು ಸೂಚಿಸಲಾಗುತ್ತದೆ. ಏಕೆಂದರೆ ಹೆಚ್ಚು ಚಹಾಸೇವನೆಯು ಬೆಳೆಯುತ್ತಿರುವ ಮಗುವಿಗೆ ಹಾನಿಯನ್ನುಂಟು ಮಾಡುತ್ತದೆ. ಕಬ್ಬಿಣದ ಕೊರತೆಯ ರಕ್ತಹೀನತೆಯಿಂದ ಬಳಲುತ್ತಿರುವವರು ಚಹಾ ಕುಡಿಯುವುದನ್ನು ತಪ್ಪಿಸಬೇಕು. ಚಹಾದಲ್ಲಿರುವ ಟ್ಯಾನಿನ್ ಕಬ್ಬಿಣಾಂಶ ಹೀರಿಕೊಳ್ಳುವಿಕೆಯನ್ನು ತಡೆಯುತ್ತದೆ. ಆದ್ದರಿಂದ ರಕ್ತಹೀನತೆ ಉಲ್ಬಣಗೊಳ್ಳುತ್ತದೆ
ಒಟ್ಟಾರೆ ನಿಮ್ಮ ವೈಯಕ್ತಿಕ ಆರೋಗ್ಯವನ್ನು ಪರಿಗಣಿಸಿ ನೀವು ಚಹಾವನ್ನು ಕುಡಿಯಬಹುದೇ ಮತ್ತು ನೀವು ದಿನಕ್ಕೆ ಎಷ್ಟು ಚಹಾವನ್ನು ಕುಡಿಯಬಹುದು ಎಂಬ ಪ್ರಶ್ನೆಗಳಿಗೆ ಉತ್ತರವನ್ನು ತಿಳಿಯಲು ನೀವು ವೈದ್ಯರ ಸಲಹೆಯನ್ನು ಪಡೆಯಬೇಕು
