ಪೃಥ್ವಿ ಶಾ ಪ್ರಸ್ತುತ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯಲ್ಲಿ ಉತ್ತಮ ಪ್ರದರ್ಶನವನ್ನು ನೀಡುತ್ತಿದ್ದಾರೆ. ಟೂರ್ನಿಯಲ್ಲಿ ಒಟ್ಟು 7 ಪಂದ್ಯಗಳನ್ನಾಡಿರುವ ಪೃಥ್ವಿ ಶಾ 269 ರನ್ ಕಲೆಹಾಕುವುದರ ಮೂಲಕ ಪ್ರಸ್ತುತ ಟೂರ್ನಿಯಲ್ಲಿ ಅತಿಹೆಚ್ಚು ರನ್ ಗಳಿಸಿದ ಆಟಗಾರರ ಪಟ್ಟಿಯಲ್ಲಿ 3ನೇ ಸ್ಥಾನಕ್ಕೇರಿದ್ದಾರೆ. ಟೂರ್ನಿಯಲ್ಲಿ ಈಗಾಗಲೇ 3 ಅರ್ಧ ಶತಕಗಳನ್ನು ಬಾರಿಸಿ ಮಿಂಚಿರುವ ಪೃಥ್ವಿ ಶಾ ಗುರುವಾರ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ನಡೆದ ಪಂದ್ಯದಲ್ಲಿ 41 ಎಸೆತಗಳಿಗೆ 82 ರನ್ ಬಾರಿಸಿ ಭಾರೀ ಚರ್ಚೆಗೆ ಕಾರಣರಾಗಿದ್ದಾರೆ.
ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ಪೃಥ್ವಿ ಶಾ ತೋರಿದ ಪ್ರದರ್ಶನವನ್ನು ಭಾರತದ ಮಾಜಿ ಕ್ರಿಕೆಟಿಗ ವಿರೇಂದ್ರ ಸೆಹ್ವಾಗ್ ಕೂಡ ಹಾಡಿ ಹೊಗಳಿದ್ದಾರೆ. ಪೃಥ್ವಿ ಶಾ ಎದುರಿಸಿದ ಮೊದಲ 6 ಎಸೆತಗಳಿಗೂ ಬೌಂಡರಿಗಳನ್ನು ಬಾರಿಸಿ ಮಿಂಚಿದರು. ವಿಶೇಷವಾಗಿ ಪೃಥ್ವಿ ಶಾ ಬಾರಿಸಿದ ಆ 6 ಬೌಂಡರಿಗಳನ್ನು ವಿರೇಂದ್ರ ಸೆಹ್ವಾಗ್ ಮನಸಾರೆ ಮೆಚ್ಚಿಕೊಂಡಿದ್ದಾರೆ. ತನ್ನಿಂದ ಸಾಧ್ಯವಾಗದ ಸಾಧನೆಯನ್ನು ಪೃಥ್ವಿ ಶಾ ಮಾಡಿದ್ದಾರೆ ಎಂದು ಪೃಥ್ವಿ ಶಾ ಬಾರಿಸಿದ ಸತತ 6 ಬೌಂಡರಿಗಳ ಕುರಿತು ವಿರೇಂದ್ರ ಸೆಹ್ವಾಗ್ ಮೆಚ್ಚುಗೆ ವ್ಯಕ್ತಪಡಿಸಿದರು.
ಇತ್ತ ಪೃಥ್ವಿ ಶಾ ಕೂಡ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧದ ಪಂದ್ಯದ ನಂತರ ವಿರೇಂದ್ರ ಸೆಹ್ವಾಗ್ ಅವರ ಬಗ್ಗೆ ಮಾತನಾಡಿದ್ದು ತಮ್ಮ ಬಹುದಿನಗಳ ಆಸೆಯೊಂದನ್ನು ಬಿಚ್ಚಿಟ್ಟಿದ್ದಾರೆ. ತಾನು ಇದುವರೆಗೂ ಸಹ ವಿರೇಂದ್ರ ಸೆಹ್ವಾಗ್ ಸರ್ ಜೊತೆ ಮಾತನಾಡಿಲ್ಲ,ಅವಕಾಶ ಸಿಕ್ಕರೆ ಅವರ ಜೊತೆ ಮಾತನಾಡುವ ಆಸೆಯನ್ನು ಪೃಥ್ವಿ ಶಾ ವ್ಯಕ್ತಪಡಿಸಿದರು. ವಿರೇಂದ್ರ ಸೆಹ್ವಾಗ್ ಸರ್ ಕೂಡ ಮೊದಲನೇ ಎಸೆತದಿಂದಲೂ ರನ್ ಬಾರಿಸುವಂತಹ ಬ್ಯಾಟ್ಸ್‌ಮನ್‌, ಮುಂದಿನ ದಿನಗಳಲ್ಲಿ ಅವಕಾಶ ಸಿಕ್ಕರೆ ಖಂಡಿತವಾಗಿಯೂ ವೀರೂ ಸರ್ ಜೊತೆ ಮಾತನಾಡುತ್ತೇನೆ ಎಂದು ಪೃಥ್ವಿ ಶಾ ತಮ್ಮ ಆಸೆಯನ್ನು ವ್ಯಕ್ತಪಡಿಸಿದರು.
