‘ಬ್ರಹ್ಮಚಾರಿ’ ಸತೀಶ್ ಪ್ರಸ್ಥದ ದಿನ ರನ್ ಔಟ್ ಆಗಿದ್ದು ಕೇಳಿದ್ರೆ ಬಿದ್ದು ಬಿದ್ದು ನಗ್ತೀರಿ..!

ಸ್ಯಾಂಡಲ್​ವುಡ್​ನ ಬಹು ಬೇಡಿಕೆಯ ನಟರಲ್ಲಿ ನೀನಾಸಂ ಸತೀಶ್ ಕೂಡ ಒಬ್ಬರು. ಸತೀಶ್ ತಮಗೆ ಒಲಿದು ಬಂದಿರುವ ಬಿರುದು ಅಭಿನಯ ಚತುರ ಎನ್ನುವುದಕ್ಕೆ ತಕ್ಕಂತೆ ನಿಜವಾಗಿಯೂ ಅಭಿನಯ ಚತುರರೇ. ನೀನಾಸಂ ಸತೀಶ್ ಸಿನಿಮಾಗಳಲ್ಲಿ ಮೆಸೇಜ್​ ಗಳ ಜೊತೆ ಜೊತೆಗೆ ನಗೆ ಬುಗ್ಗೆ 100ಪರ್ಸೆಂಟ್ ಇದ್ದೇ ಇರುತ್ತದೆ. ನೀನಾಸಂ ಸತೀಶ್ ಮನರಂಜನೆ ನೀಡುವುದರಲ್ಲಿ ನಂಬರ್ 1. ಅವರ ಸಿನಿಮಾಗಳಲ್ಲಿ ನಗುವಿಗೆ ಕೊರತೆ ಇಲ್ಲ.
ಈ ನಮ್ಮ ನೀನಾಸಂ ಅವರಿಗಿಂದು ಹುಟ್ಟುಹಬ್ಬದ ಸಂಭ್ರಮ. ಹುಟ್ಟುಹಬ್ಬದ ಪ್ರಯುಕ್ತ ಅಭಿಮಾನಿಗಳಿಗೆ ಸತೀಶ್ ಕಡೆಯಿಂದ ಒಂದು ಗಿಫ್ಟ್ ಸಿಕ್ಕಿದೆ. ಅದುವೇ ‘ಬ್ರಹ್ಮಾಚಾರಿ’ ಟೀಸರ್.
ಉದಯ್ ಕೆ ಮೆಹ್ತಾ ನಿರ್ಮಾಣದ , ಚಂದ್ರು ಮೋಹನ್ ನಿರ್ದೇಶನದ ಬ್ರಹ್ಮಚಾರಿಯ ಟೀಸರ್ ಬಿಡುಗಡೆಯಾಗಿದ್ದು, ಚಿತ್ರದ ಮೇಲಿನ ನಿರೀಕ್ಷೆ ಗರಿಗೆದರುವಂತಿದೆ. ಲೈಂಗಿಕ ದೌರ್ಬಲ್ಯದ ಬಗ್ಗೆ ಹೆಣೆಯಲಾದ ದೃಶ್ಯ ಟೀಸರ್ ನಲ್ಲಿದೆ. ಸತೀಶ್ ಪ್ರಸ್ಥದ ದಿನ ರನ್ ಔಟ್ ಆದ ಸನ್ನಿವೇಶವನ್ನು ಕಾಮಿಡಿ ಕಿಲಾಡಿ ಶಿವರಾಜ್​ ಕೆ.ಆರ್ ಪೇಟೆ ದತ್ತಣ್ಣಗೆ ವಿವರಿಸುವ ಸೀನ್ ಇದೆ..!
ಹಂಡ್ರೆಡ್ ಪರ್ಸೆಂಟ್ ಬ್ರಹ್ಮಚಾರಿ ಸುನಿತಾಳನ್ನು ಮದ್ವೆ ಆಗೋದು. ಪ್ರಸ್ಥವೂ ಅರೆಂಜ್ ಆಗುವುದು. ಪ್ರಸ್ಥದ ಸಮಯದಲ್ಲಿ ಬ್ರಹ್ಮಚಾರಿ ರನ್ ಔಟ್ ಆಗುವುದಂತೆ,.. ಟೀಸರೇ ಇಷ್ಟೊಂದು ನಗಿಸುತ್ತೆ ಎಂದರೆ ಇನ್ನು ಚಿತ್ರ ಯಾವ ಮಟ್ಟಿಗೆ ನಗಿಸಹುದು?