ಎರಡು ವರ್ಷಗಳ ಹಿಂದೆ ಮೈಸೂರಿನ ಮಸಾಜ್ ಪಾರ್ಲರ್ ಒಂದರಲ್ಲಿ ಮಹಿಳೆಯ ಮೇಲೆ ಸಾಧು ಕೋಕಿಲ ಅವರಿಂದ ಅತ್ಯಾಚಾರ ಯತ್ನ ನಡೆದಿತ್ತು ಎಂದು ಪ್ರಕರಣವೊಂದು ದಾಖಲಾಗಿತ್ತು. ಇನ್ನು ಈ ರೀತಿ ಪ್ರಕರಣ ದಾಖಲಾಗುತ್ತಿದ್ದಂತೆ ಎಚ್ಚೆತ್ತ ಸಾಧು ಕೋಕಿಲ ಅವರು ತಾವು ಆ ಸಂದರ್ಭದಲ್ಲಿ ಮಸಾಜ್ ಪಾರ್ಲರ್ಗೆ ಭೇಟಿ ನೀಡಿಯೇ ಇಲ್ಲ ತಮ್ಮ ತೇಜೋವಧೆ ಮಾಡಲು ಈ ರೀತಿ ಮಾಡಲಾಗಿದೆ ಎಂದು ಕೋರ್ಟ್ ಗೆ ಅರ್ಜಿ ಸಲ್ಲಿಸಿದ್ದರು.
ಇನ್ನು ಇದೀಗ ಈ ಕುರಿತು ಆದೇಶವನ್ನು ನೀಡಿರುವ ನ್ಯಾಯಾಲಯ ರಾಜ್ಯ ಸರ್ಕಾರಕ್ಕೆ ನೋಟಿಸ್ ನೀಡಿದ್ದು , ಸಾಧುಕೋಕಿಲ ಅವರು ಅತ್ಯಾಚಾರ ನಡೆಸಿದ್ದಾರೆ ಎನ್ನುವುದಕ್ಕೆ ಸಂಗ್ರಹಿಸಿರುವ ಸಾಕ್ಷಿಗಳನ್ನು ಏಳು ದಿನಗಳ ಒಳಗೆ ನ್ಯಾಯಾಲಯಕ್ಕೆ ಸಲ್ಲಿಸಬೇಕು ಎಂದು ನೋಟಿಸ್ ನೀಡಿದೆ. ಅತ್ಯಾಚಾರ ನಡೆದಿದೆ ಎಂದು ನಮೂದಿಸಲಾಗಿರುವ ಸಮಯದಲ್ಲಿ ಸಾಧು ಕೋಕಿಲಾ ಅವರು ಆ ಪಾರ್ಲರ್ಗೆ ಹೋಗಿಯೇ ಇಲ್ಲ ಎಂದು ಸಾಧು ಪರ ವಕೀಲರು ವಾದ ಮಂಡಿಸಿದ್ದು ಈ ನೋಟಿಸ್ ಜಾರಿಯಾಗುವಂತೆ ಮಾಡಿದೆ.
