ಹಾಲು-ನೀರು ಸರಿಯಾದರೂ ಟೀ ರುಚಿಯಾಗಿಲ್ಲವಾ? ಹಾಗಿದ್ರೆ ತಪ್ಪು ಇಲ್ಲಿದೆ ನೋಡಿ!
ಭಾರತೀಯರ ಜೀವನದಲ್ಲಿ ಟೀ ಒಂದು ಅಂಶವೇ ಆಗಿಬಿಟ್ಟಿದೆ. ಬೆಳಿಗ್ಗೆ ಬಿಸಿ ಬಿಸಿ ಚಹಾ ಕುಡಿಯದೆ ದಿನ ಶುರುವಾಗುವುದೇ ಇಲ್ಲ ಅಂದರೆ ಅತಿಶಯೋಕ್ತಿಯೇನೂ ಅಲ್ಲ. ಆದರೆ ಒಬ್ಬೊಬ್ಬರ ಟೀ ತಯಾರಿಸುವ ಶೈಲಿ ವಿಭಿನ್ನ — ಕೆಲವರು ಸ್ಟ್ರಾಂಗ್ ಟೀ ಇಷ್ಟಪಡುವರು, ಕೆಲವರು ಮೈಲ್ಡ್, ಮತ್ತೆ ಕೆಲವರಿಗೆ ಹಾಲಿನ ಫ್ಲೇವರ್ ಹೆಚ್ಚು ಬೇಕು.
ಆದರೆ ವಿಚಿತ್ರವೆಂದರೆ, ಎಷ್ಟೇ ಪ್ರಯತ್ನಿಸಿದರೂ ಕೆಲವರ ಟೀ ರುಚಿ ಬರುವುದೇ ಇಲ್ಲ ಅಂತ ಅನೇಕರ ಅನುಭವ. ಅದರಲ್ಲೇ ಇದೆ ಟೀ ಸೀಕ್ರೆಟ್!
ಟೀ ಪೌಡರ್ ಪ್ರಮಾಣವೇ ಕೀಲಿ:-
ಒಂದು ಕಪ್ ಪರ್ಫೆಕ್ಟ್ ಟೀ ತಯಾರಿಸಲು:
ಒಂದು ಕಪ್ ಹಾಲು ಅಥವಾ ನೀರಿಗೆ ಒಂದು ಟೀ ಚಮಚ (ಸುಮಾರು 2 ಗ್ರಾಂ) ಟೀ ಪೌಡರ್ ಸಾಕು.
ಹೆಚ್ಚು ಹಾಕಿದರೆ ಕಹಿ ರುಚಿ ಬರುತ್ತದೆ, ಕಡಿಮೆ ಹಾಕಿದರೆ ಬಣ್ಣ, ಪರಿಮಳ ತಗ್ಗುತ್ತದೆ.
ಸ್ವಲ್ಪ ಹೆಚ್ಚು ಪರಿಮಳ ಬಯಸಿದರೆ 1½ ಟೀ ಚಮಚವರೆಗೆ ಹಾಕಬಹುದು.
ಟೀ ಪ್ರಕಾರದ ಪ್ರಕಾರ ಪ್ರಮಾಣ ಬದಲಾವಣೆ:-
ಅಸ್ಸಾಂ ಟೀ: ಹೆಚ್ಚು ರುಚಿಯಿರುವುದರಿಂದ ಸ್ವಲ್ಪ ಕಡಿಮೆ ಪೌಡರ್ ಸಾಕು.
ಡಾರ್ಜಿಲಿಂಗ್ ಟೀ: ಪರಿಮಳ ಹೆಚ್ಚಿಸಲು ಸ್ವಲ್ಪ ಹೆಚ್ಚಾಗಿ ಹಾಕಬಹುದು.
ಆರೋಗ್ಯದ ದೃಷ್ಟಿಯಿಂದ:-
ಟೀ ಎಲೆಗಳಲ್ಲಿ ಇರುವ ಕ್ಯಾಟೆಚಿನ್ ಮತ್ತು ಥೀಫ್ಲಾವಿನ್ ಅಂಶಗಳು ಆಂಟಿ-ಆಕ್ಸಿಡೆಂಟ್ಸ್ ಆಗಿದ್ದು ದೇಹದ ಉರಿಯೂತ ಹಾಗೂ ಆಕ್ಸಿಡೇಟಿವ್ ಒತ್ತಡವನ್ನು ಕಡಿಮೆ ಮಾಡುತ್ತವೆ.
ಲೈಫ್ ಸೈನ್ಸ್ ಜರ್ನಲ್ನಲ್ಲಿ ಪ್ರಕಟವಾದ ಅಧ್ಯಯನದ ಪ್ರಕಾರ
ಮಿತ ಪ್ರಮಾಣದ ಟೀ ಕುಡಿಯುವುದರಿಂದ ಹೃದಯ ಆರೋಗ್ಯ ಸುಧಾರಣೆ,
ಜೀರ್ಣಕ್ರಿಯೆ ಮತ್ತು ಚಯಾಪಚಯ ಕ್ರಿಯೆ ಉತ್ತಮಗೊಳ್ಳುತ್ತದೆ.
ಆದರೆ ಹೆಚ್ಚು ಪೌಡರ್ ಹಾಕಿ ಹೆಚ್ಚು ಟೀ ಕುಡಿದರೆ ಕೆಫೀನ್ ಮತ್ತು ಟ್ಯಾನಿನ್ ಪ್ರಮಾಣ ಹೆಚ್ಚಾಗಿ,
ಅಸಿಡಿಟಿ, ನಿದ್ರಾಹೀನತೆ, ಚಡಪಡಿಕೆ ಮುಂತಾದ ಸಮಸ್ಯೆಗಳು ಎದುರಾಗಬಹುದು.
ಹೀಗಾಗಿ ಟೀ ತಯಾರಿಸುವಾಗ ಪ್ರಮಾಣದ ಸಮತೋಲನ ಕಾಪಾಡಿ — ಆಗ ಮಾತ್ರ ನಿಮ್ಮ ಟೀ ಸ್ಮೂತ್, ಪರಿಮಳಯುತ, ರುಚಿಕರವಾಗುತ್ತದೆ
