ನಟಿ ಹೇಮಮಾಲಿನಿ ಸದ್ಯ ಹೊಲದಲ್ಲಿ ಹೆಜ್ಜೆ ಇಟ್ಟು ಬೆಳೆ ಕಟಾವು ಮಾಡಿದ್ದಾರೆ. ಸದ್ಯ ಈ ಫೋಟೋಗಳು ವೈರಲ್ ಆಗಿವೆ.
ಇತ್ತೀಚಿಗಷ್ಟೆ ನಟಿ ಹೇಮಮಾಲಿನಿ ಬಿಜೆಪಿ ಸೇರ್ಪಡೆಗೊಂಡಿದ್ದರು. ಮಥುರಾ ಲೋಕಸಭಾ ಕ್ಷೇತ್ರದಿಂದ ಸ್ಪರ್ಧೆ ಮಾಡ್ತಾ ಇದ್ದಾರೆ. ಚುನಾವಣೆ ಸಂಬಂಧ ಈ ನಟಿ ಚುನಾವಣಾ ಪ್ರಚಾರಕ್ಕಿಳಿದಿದ್ದಾರೆ. ಇದೀಗ ಹೊಲದಲ್ಲಿ ವಿಭಿನ್ನವಾಗಿ ಪ್ರಚಾರ ಮಾಡಿದ್ದಾರೆ ಈ ನಟಿ.
ಹೌದು, ಚುನಾವಣೆ ಬಂದರೆ ಸಾಕು ಸ್ಪರ್ಧಿಗಳು ರಸ್ತೆಗಳಿದು ಕೆಲಸವನ್ನೂ ಮಾಡ್ತಾರೆ..
ಹೊಲದಲ್ಲಿ ಕಳೆಯನ್ನು ತೆಗೀತಾರೆ.. ಇದೀಗ ನಟಿ ಹೇಮಮಾಲಿನಿ ತಮ್ಮ ಚುನಾವಣಾ ಪ್ರಚಾರವನ್ನು ಗೋಧಿ ಕೋಯ್ಲು ಮಾಡುವ ಹೊಲಕ್ಕೆ ಭೇಟಿ ನೀಡಿ ಮಹಿಳೆಯರ ಜೊತೆ ಗೋಧಿ ಕೊಯ್ಲು ಮಾಡಿ ಮತಯಾಚನೆ ಮಾಡಿದ್ದಾರೆ.
ಇನ್ನು ಈ ಬಗ್ಗೆ ಈ ನಟಿ ಟ್ವಿಟ್ಟರ್ ಖಾತೆಯಲ್ಲಿ ಒಂದಿಷ್ಟು ಫೋಟೋಗಳ ಜೊತೆಗೆ ಪ್ರಚಾರದ ಬಗ್ಗೆ ಬರೆದುಕೊಂಡಿದ್ದಾರೆ. ನಾನು ಇಂದಿನಿಂದ ಚುನಾವಣಾ ಪ್ರಚಾರ ಪ್ರಾರಂಭ ಮಾಡಿದ್ದೇನೆ. ಗೋವರ್ಧನ್ ಕ್ಷೇತ್ರದಿಂದ ಆರಂಭವಾಗಿದ ಈ ಪ್ರಚಾರ. ಇಂದು ಹೊಲದಲ್ಲಿ ಮಹಿಳೆಯರ ಜೊತೆ ಕೊಯ್ಲು ಮಾಡುವ ಮೂಲಕ ಮತಯಾಚನೆ ಮಾಡಿರುವುದು ಖುಷಿ ತಂದಿದೆ ಎಂದು ಬರೆದುಕೊಂಡಿದ್ದಾರೆ.
