ರೆಬಲ್ ಸ್ಟಾರ್ ಅಂಬರಿಶ್, ಚಾಲೆಂಜಿಂಗ್ ಸ್ಟಾರ್ ದರ್ಶನ್, ಅರ್ಜುನ್ ಸರ್ಜಾ, ಕ್ರೇಜಿ ಸ್ಟಾರ್ ರವಿಚಂದ್ರನ್, ಶ್ರೀನಾಥ್, ಲಕ್ಷ್ಮೀ ಸೇರಿದಂತೆ ಬಹುದೊಡ್ಡ ತಾರಾಗಣ ವಿ. ಹರಿಕೃಷ್ಣ ಸಂಗಿತ, ನಾಗಣ್ಣ ನಿರ್ದೇಶನ ಮಾಡಿರುವ ಕುರುಕ್ಷೇತ್ರ ಚಿತ್ರ ಬಿಡುಗಡೆಗೂ ಮುನ್ನ ವಿನೂತನ ದಾಖಲೆಯನ್ನು ಬರೆದಿದೆ.
ದರ್ಶನ್ ಬತ್ತಳಿಕೆಯಲ್ಲಿ ಈಗಾಗಲೇ ಹಲವು ಬಿಗ್ ಬಜೆಟ್ ಸಿನಿಮಾಗಳಿದ್ದು ಅದರ ನಡುವೆಯೇ ಸಖತ್ ಸೌಂಡ್ ಮಾಡಿದ್ದು ಪೌರಾಣಿಕ ಕಥೆಯಾಧರಿತ ಸಿನಿಮಾ ‘ಕುರುಕ್ಷೇತ್ರ’.
ಕುರುಕ್ಷೇತ್ರ ಚಿತ್ರ ಅಪಾರ ತಾರಾಗಣವುಳ್ಳ ಬಹುಕೋಟಿ ವೆಚ್ಚದ ಸಿನಿಮಾವಾಗಿದ್ದು ಅದ್ಧೂರಿ ಸೆಟ್ ಹಾಗೂ ಮೇಕಿಂಗ್ನಿಂದಲೇ ಗಮನ ಸೆಳೆದಿದೆ, ಇದೀಗ ವರಮಹಾಲಕ್ಷೀ ಹಬ್ಬಕ್ಕೆ ಉಡುಗೊರೆಯಾಗಿ ಆಗಸ್ಟ್ 9ರಂದು ಪ್ರಪಂಚದಾದ್ಯಂತ ಸಿನಿಮಾ ತೆರೆಕಾಣ್ತಿದೆ.
ಇಂತಹ ಚಿತ್ರ ಇದೀಗ ರಿಲೀಸ್ಗೂ ಮುನ್ನವೇ ಚಿತ್ರದ ಹಿಂದಿ ಡಬ್ಬಿಂಗ್ ರೈಟ್ಸ್ ₹9.50 ಕೋಟಿಗೆ ಮಾರಾಟವಾಗಿದ್ದು, ಹೊಸ ದಾಖಲೆ ಬರೆದಿದೆ, ಕನ್ನಡದ ಮಟ್ಟಿಗೆ ಇದೊಂದು ದಾಖಲೆ ಮೊತ್ತ ಆಗಿದ್ದು ಉಳಿದಂತೆ ಕನ್ನಡ ಅವತರಣಿಕೆಯ ಸ್ಯಾಟಲೈಟ್ಸ್ ರೈಟ್ಸ್ ₹9 ಕೋಟಿಗೆ ಮಾರಾಟವಾಗಿದೆ.
ಆಗಸ್ಟ್ 9ರಂದು ಪ್ರಪಂಚದಾದ್ಯಂತ ದಾಖಲೆ ಮಟ್ಟದ ಥಿಯೇಟರ್ಗಳಲ್ಲಿ ಚಿತ್ರ ರಿಲೀಸ್ ಆಗ್ತಿದ್ದು ಗಲ್ಲಾಪೆಟ್ಟಿಗೆಯಲ್ಲೂ ದಾಖಲೆ ಬರೆಯೋ ಮುನ್ಸೂಚನೆಯನ್ನು ಕೊಟ್ಟಿದೆ.
