ಮೆಗಾಸ್ಟಾರ್ ಚಿರಂಜೀವಿ ತೆಲುಗು ಚಿತ್ರರಂಗದ ಮೇರುನಟರಲ್ಲಿ ಒಬ್ಬರು. ಚಿರಂಜೀವಿ ಅವರ ಅಭಿನಯದ ಸೈರಾ ನರಸಿಂಹ ರೆಡ್ಡಿ ಚಿತ್ರ ಇದೇ ಅಕ್ಟೋಬರ್ 2 ರಂದು ವಿಶ್ವದಾದ್ಯಂತ ಭರ್ಜರಿಯಾಗಿ ಬಿಡುಗಡೆಯಾಗುತ್ತಿದೆ. ಇನ್ನು ಸೈರಾ ಪ್ಯಾನ್ ಇಂಡಿಯಾ ಸಿನಿಮಾ ಆಗಿದ್ದು ಕನ್ನಡದಲ್ಲಿಯೂ ಸಹ ಡಬ್ ಆಗಿ ಬಿಡುಗಡೆಯಾಗುತ್ತಿದೆ. ಈ ಕಾರಣಕ್ಕಾಗಿ ಬೆಂಗಳೂರಿಗೆ ಸೈರಾ ಚಿತ್ರತಂಡ ಬಂದಿತ್ತು.
ಪ್ರಮೋಷನ್ ಗಾಗಿ ಸೈರಾ ತಂಡ ಕಾರ್ಯಕ್ರಮ ಏರ್ಪಡಿಸಿ ಈ ಕಾರ್ಯಕ್ರಮಕ್ಕೆ ಸೆಂಚುರಿ ಸ್ಟಾರ್ ಶಿವಣ್ಣ ಅವರನ್ನು ಅತಿಥಿಯನ್ನಾಗಿ ಕರೆಸಿತ್ತು. ಈ ವೇಳೆ ಮೆಗಾ ಫ್ಯಾಮಿಲಿ ಬಗ್ಗೆ ಮಾತನಾಡಿದ ಶಿವಣ್ಣ ರಾಜ್ & ಮೆಗಾ ಫ್ಯಾಮಿಲಿ ಒಡನಾಟವನ್ನು ನೆನೆದರು. ಸೈರಾ ಚಿತ್ರದ ಬಗ್ಗೆ & ಕಲಾವಿದರ ಬಗ್ಗೆ ಮಾತನಾಡಿದ ನಂತರ ಶಿವಣ್ಣ ಚಿರಂಜೀವಿ ಅವರ ಕುರಿತು ವಿಶೇಷವಾಗಿ ಮಾತನಾಡಿ ಅವರ ಕಾಲನ್ನು ಮುಟ್ಟಿ ನಮಸ್ಕರಿಸಿದರು. ಇದನ್ನು ಕಂಡ ನೆರೆದಿದ್ದ ಜನ ಶಿವಣ್ಣ ಅವರ ಸರಳತೆ & ವಿನಯತೆಗೆ ಫಿದಾ ಆಗಿದ್ದು ನಿಜ.
