ಗ್ಲಾಮರ್ ಬೊಂಬೆ ಸಂಜನಾ ರಗಡ್ ಲುಕ್..!

ದಂಡುಪಾಳ್ಯ- 2 ಚಿತ್ರ ಈಗಾಗಲೇ ಸಾಕಷ್ಟು ಕುತೂಹಲ ಹುಟ್ಟಿಸಿದೆ. ಈ ಹಿಂದೆ ದಂಡುಪಾಳ್ಯ ಚಿತ್ರ ಭಾರೀ ಸದ್ದು ಮಾಡಿತ್ತು. ಇದೀಗ ಅದರ ಸೀಕ್ವಿಲ್ ದಂಡುಪಾಳ್ಯ- 2 ಕೂಡ ಅಷ್ಟೇ ಸದ್ದು ಸುದ್ದಿ ಮಾಡ್ತಾ ಇದೆ. ಈಗ ಸದ್ಯ ಹೊಸದಾಗಿ ಸುದ್ದಿ ಮಾಡ್ತಾ ಇರೋದು ದಂಡುಪಾಳ್ಯ 2 ಚಿತ್ರತಂಡಕ್ಕೆ ಹೊಸದಾಗಿ ಗ್ಲಾಮರ್ ಬೊಂಬೆ ಸಂಜನಾ ಸೇರ್ಪಡೆಯಾಗಿದ್ದಾರೆ ಅನ್ನೋದು.

ಸಂಜನಾ ಕಂಪ್ಲೀಟ್ ರಗಡ್ ಲುಕ್ ನಲ್ಲಿ ಕಾಣಿಸಿಕೊಳ್ತಿದ್ದು ದಂಡುಪಾಳ್ಯ ಗ್ಯಾಂಗ್ ಮೆಂಬರ್ ಪಾತ್ರವನ್ನೇ ಮಾಡ್ತಿರೋ ಹಾಗಿದೆ. ಇಲ್ಲಿ ಅಭಿನಯಕ್ಕೆ ಉತ್ತಮ ಅವಕಾಶ ಈ ಪಾತ್ರದಲ್ಲಿರೋದ್ರಿಂದ ಸಂಜನಾಕೂಡ ಈಗಾಗ್ಲೇ ಪಾತ್ರಕ್ಕೆ ಬೇಕಾದ ತಯಾರಿಗಳನ್ನ ಮಾಡಿಕೊಳ್ಳಲು ಶುರು ಮಾಡಿದ್ದಾರಂತೆ.

ಈ ಚಿತ್ರದ ಮೂಲಕ ಪ್ರತಿಭೆಯನ್ನು ಪ್ರದರ್ಶಿಸೋಕೆ ಒಳ್ಳೆ ಅವಕಾಶ ಸಿಕ್ಕಂತಾಗಿದೆ ಅಂತ ಸಂಜನಾ ಖುಷ್ ಆಗಿದ್ದಾರೆ. ಒಟ್ಟಿನಲ್ಲಿ ದಂಡುಪಾಳ್ಯ 2 ದಿನೇ ದಿನೇ ಕುತೂಹಲ ಹೆಚ್ಚಿಸ್ತಾ ಇರೋದಂತೂ ನಿಜ. ಇನ್ನು ಸಂಜನಾ ಲುಕ್ ಈಗಾಗ್ಲೇ ಗಾಂಧಿ ನಗರದಲ್ಲಿ ಟಾಕ್ ಕ್ರಿಯೇಟ್ ಮಾಡಿದೆ.