ಕೋಳಿ ತಿನ್ನಿ, ಗಾಡಿ ಓಡಿಸಿ..!? ಕೋಳಿಯಿಂದ ಡಿಸೇಲ್ ಉತ್ಪಾದಿಸಬಹುದು..!

ಕೋಳಿಪ್ರಿಯರಿಗೆ, ಕೋಳಿ ಅಪ್ರಿಯರಿಗೆಲ್ಲಾ ಇದೊಂಥರಾ ಸಿಹಿಸುದ್ದಿ. ಎಲ್ಲವೂ ಅಂದುಕೊಂಡಂತೆ ಆದ್ರೆ ಇನ್ನುಮುಂದೆ ಉತ್ಪಾಧನಾ ವೆಚ್ಚ, ಟ್ಯಾಕ್ಸು, ಟ್ರಾನ್ಸ್ ಫೋರ್ಟು ಎಲ್ಲವನ್ನೂ ಸೇರಿಸಿದರೇ ನಲವತ್ತು ರೂಪಾಯಿಗೆ ಡಿಸೇಲ್ ಸಿಗುತ್ತದೆ. ಅಂದಹಾಗೆ ಈ ಡಿಸೇಲ್ ಹಿಂದಿರೋದು ಕೋಳಿಕಥೆ. ಕೇರಳದ ವೈನಾಡಿನಲ್ಲಿರುವ ಕೇರಳ ಪಶು ಹಾಗೂ ಪ್ರಾಣಿ ವಿಜ್ಞಾನ ವಿಶ್ವವಿದ್ಯಾಲಯದ ತಂಡವೊಂದು ಕೋಳಿ ತ್ಯಾಜ್ಯದಿಂದ ಡಿಸೇಲ್ ತಯಾರಿಸಿದೆ. ಕಳೆದ ಒಂದು ವರ್ಷದಿಂದ ಕೋಳಿ ತ್ಯಾಜ್ಯ ಬಳಸಿ ಬಯೋಡಿಸೇಲ್ ತಯಾರಿಸಿರುವ ಈ ವಿಶ್ವವಿದ್ಯಾಲಯ ಪೇಟೆಂಟ್‍ಗೂ ಅರ್ಜಿ ಸಲ್ಲಿಸಿದೆ. ಹತ್ತು ಕೆ.ಜಿ ಕೋಳಿ ತ್ಯಾಜ್ಯದಿಂದ ಒಂದು ಲೀಟರ್ ಡಿಸೇಲ್ ತಯಾರಿಸಬಹುದಂತೆ. ನಮ್ಮ ದೇಶದಲ್ಲಿ ದಿನಕ್ಕೆ ಹತ್ತುಕೋಟಿ ಜನ ಕೋಳಿ ತಿಂದರೂ ಹತ್ತು ಲಕ್ಷ ಲೀಟರ್ ಡೀಸೆಲ್ ತಯಾರಿಸಬಹುದು. ಒಂದು ವೇಳೆ ಇದು ಯಶಸ್ವಿಯಾದರೇ ಕೋಳಿಗೆ ಸಿಕ್ಕಾಪಟ್ಟೆ ಡಿಮ್ಯಾಂಡ್ ಶುರುವಾಗುತ್ತೆ. ಮನೆಮನೆಗೆ ಬಂದು ಕೋಳಿ ಕಸ ಕೇಳುವ ಬಿಸಿನೆಸ್ ಆರಂಭವಾದರೂ ಅಚ್ಚರಿಯಿಲ್ಲ.