ಇತ್ತೀಚಿನ ಕೆಲ ದಿನಗಳಿಂದ ಬಿಗ್ ಬಾಸ್ ಮನೆಯಲ್ಲಿರುವ ಸ್ಪರ್ಧಿ ದಿವ್ಯಾ ಉರುಡುಗ ಅವರ ವೈಯಕ್ತಿಕ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿವೆ. ದಿವ್ಯಾ ಉರುಡುಗ ವ್ಯಕ್ತಿಯೋರ್ವನ ಚುಂಬಿಸುತ್ತಿರುವ ಮತ್ತು ಅಪ್ಪಿಕೊಂಡಿರುವ ಫೋಟೋಗಳು ಲೀಕ್ ಆಗಿದ್ದು ಸಾಮಾಜಿಕ ಜಾಲತಾಣದೆಲ್ಲೆಡೆ ಆ ಫೋಟೋಗಳದ್ದೇ ಕಾರುಬಾರಾಗಿದೆ.
ಸದ್ಯ ಬಿಗ್ ಬಾಸ್ ಮನೆಯಲ್ಲಿರುವ ದಿವ್ಯಾ ಉರುಡುಗ ಫೋಟೋಗಳು ಫಿನಾಲೆಗೆ ಇನ್ನೇನು ಕೆಲವೇ ದಿನಗಳು ಇರುವಾಗ ಈ ರೀತಿ ವೈರಲ್ ಆಗಿದ್ದು ಆ ಚಿತ್ರಗಳನ್ನು ಲೀಕ್ ಮಾಡಿದವರ ವಿರುದ್ಧ ಇದೀಗ ದಿವ್ಯಾ ಉರುಡುಗ ಮನೆಯವರು ತಿರುಗಿಬಿದ್ದಿದ್ದಾರೆ.
ದಿವ್ಯಾ ಉರುಡುಗ ವೈಯಕ್ತಿಕ ಚಿತ್ರಗಳನ್ನು ಈ ರೀತಿ ಸಾಮಾಜಿಕ ಜಾಲತಾಣದಲ್ಲಿ ಹರಿಯಬಿಟ್ಟವರ ವಿರುದ್ಧ ಕ್ರಮ ತೆಗೆದುಕೊಳ್ಳಬೇಕೆಂದು ದಿವ್ಯಾ ಉರುಡುಗ ಪರವಾಗಿ ಅವರ ಮನೆಯವರು ದೂರು ದಾಖಲಿಸಿದ್ದಾರೆ ಎನ್ನಲಾಗುತ್ತಿದ್ದು ಈ ಚಿತ್ರಗಳನ್ನು ಲೀಕ್ ಮಾಡಿದವರ ವಿರುದ್ಧ ಆದಷ್ಟು ಬೇಗ ಕ್ರಮ ತೆಗೆದುಕೊಳ್ಳಬೇಕೆಂದು ದಿವ್ಯಾ ಉರುಡುಗ ಮನೆಯವರು ಮನವಿ ಮಾಡಿದರು.
