ಪರಮಾತ್ಮನ ಆಟಕ್ಕೆ ದೇಹವನ್ನೆ ದಂಡಿಸಿಕೊಳ್ಳೊ ಮಹಾಮಣಿಗಳು..!

ಭಾರತದಂತಹ ಧಾರ್ಮಿಕ ಸ್ಥಳಗಳಲ್ಲಿ ಇಂದಿಗೂ ಕೂಡ ದೇವಾನು ದೇವತೆಗಳನ್ನ ಗಾಢವಾಗಿ ಆರಾಧಿಸುತ್ತಾ ತಮ್ಮ ಇಷ್ಟ ದೇವತೆಗಳಿಗೆ ಹರಕೆ ತೀರಿಸುವ ಮೌಢ್ಯ ಪದ್ದತಿ ಇಂದಿಗೂ ಗ್ರಾಮೀಣ ಭಾಗಗಳಲ್ಲಿ ನಾವು ನೋಡ್ಬೋದು.. ತಮ್ಮ ತಮ್ಮ ಇಷ್ಟ ದೇವರಿಗೆ ಬಾಯಿಗೆ ಮಾರುದ್ದ ತ್ರಿಶೂಲ ಚುಚ್ಚಿಕೊಂಡು, ಬೆನ್ನಿಗೆ ಕೊಕ್ಕೆ ಸಿಕ್ಕಿಸಿಕೊಂಡು ಯಾವುದೇ ಸಪೋರ್ಟ್ ಇಲ್ಲದೇ ನೇತಾಡುವುದು, ಮೂರ್ನಾಲ್ಕು ಭಕ್ತರು ಬೆನ್ನಿನ ಚರ್ಮದಿಂದ ಲಾರಿ ಎಳೆದು ಮೈನವರೇಳಿಸೋ ದೈವ ಪ್ರತಿಷ್ಟೆ ತೋರ್ಸೋ ಅದೆಷ್ಟೊ ಘಟನೆಗಳನ್ನ ನಾವು ನೋಡಿದ್ದೇವೆ.. ಆದ್ರೆ ಅದಕ್ಕಿಂತ ಭಯಾನಕ ಸಾಹಸಕ್ಕೆ ಕೈಹಾಕಿ ದೇವಿಯನ್ನು ಸಂತೋಷ ಪಡಿಸುತ್ತಾರೆ ಈ ಥೈಲಯಾಂಡ್‍ನ ಜನರು..!
ಚೀನಾ ಕ್ಯಾಂಡರ್‍ನ ಒಂಭತ್ತನೇ ಚಂದ್ರಮಾನ ದಿನದಂದು ಥೈಲ್ಯಾಂಡ್‍ನಲ್ಲಿ ನಡೆಯೋ “ವೆಜಿಟೆರಿಯನ್ ಫೆಸ್ಟಿವಲ್”ನಲ್ಲಿ ಭಕ್ತಾಧಿಗಳು ಊಹೆಗೂ ನಿಲುಕದಷ್ಟು ಸಾಹಗಳಿಗೆ ಕೈಹಾಕಿ ದೇಹ ದಂಡನೆ ಮಾಡುವ ರೋಮಾಂಚನಕಾರಿ ದೃಶ್ಯ ಎಂತವರನ್ನೂ ಚಕಿತಗೊಳಿಸದಿರದು.
ಸುಮಾರು 10 ದಿನಗಳ ಕಾಲ ನಡೆಯೋ ಈ ಉತ್ಸವದಲ್ಲಿ ಮನುಷ್ಯರ ಮೈಮೇಲೆ ದೇವರು ಬಂದಿದ್ದಾನೆ ಎಂದು ಚೂಪಾದ ಸರಳುಗಳು, ಕತ್ತಿ, ಸೈಕಲ್‍ಗಳನ್ನು ಬಾಯಿಗೆ ಸಿಕ್ಕಿಸಿಕೊಂಡು ಬೆಂಕಿ ಕುಂಡದಲ್ಲಿ ತಮ್ಮ ಶಕ್ತಿ ಪ್ರದರ್ಶನ ಮಾಡುತ್ತಾ ವೆಜಿಟೇರಿಯನ್ ಫೆಸ್ಟಿವಲ್‍ನಲ್ಲಿ ತಮ್ಮ ಭಕ್ತಿ ಪರಾಕಾಷ್ಠೆಯನ್ನು ಮೆರೆಯುತ್ತಾರೆ.. ಅಂತಹ ಕೆಲವೊಂದು ದೃಶ್ಯಗಳು ಇಲ್ಲಿದೆ ನೀವು ನೋಡಿ..