ಇಂದು ಸಿದ್ದಗಂಗ ಶ್ರೀಗಳು ಶಿವೈಕ್ಯರಾಗಿದ್ದಾರೆ.. ಅವರ ಅಗಲಿಕೆಯಲ್ಲಿ ಇಡೀ ಮಠದ ತುಂಬಾ ಶೋಕ ತುಂಬಿದ್ದು, ಭಕ್ತಾಧಿಗಳು ಸಾಗರೋಪಾದಿಯಲ್ಲಿ ಬಂದು ಶ್ರೀಗಳ ಅಂತಿಮ ದರ್ಶನ ಪಡೆದುಕೊಳ್ಳುತ್ತಿದ್ದಾರೆ.. ಈ ನಡುವೆ ಎಲ್ಲ ರಂಗದ ಗಣ್ಯರು ಶ್ರೀಗಳ ಜೊತೆಗಿನ ನೆನಪು, ಅವರ ಸಾಧನೆ, ಅವರ ವ್ಯಕ್ತಿತ್ವದ ಬಗ್ಗೆ ಮಾತನಾಡುತ್ತ ಅವರ ಆತ್ಮಕ್ಕೆ ಶಾಂತಿ ಕೋರುತ್ತಿದ್ದಾರೆ.. ಇದರಲ್ಲಿ ನಮ್ಮ ಚಿತ್ರರಂಗದವರು ಸೇರಿದ್ದಾರೆ.. ನಟರಾದ ಯಶ್, ಸುದೀಪ್ , ಪುನೀತ್ ರಾಜ್ ಕುಮಾರ್, ದರ್ಶನ್, ಗಣೇಶ್, ನೀನಾಸಂ ಸತೀಶ್, ಜಗ್ಗೇಶ್ , ಶ್ರೀಮುರುಳಿ, ಸೇರಿದಂತೆ ಶ್ರೀಗಳ ಅಗಲಿಕೆಗೆ ಇಡೀ ಕನ್ನಡ ಚಿತ್ರರಂಗ ಕಂಬನಿ ಮಿಡಿದೆ..
ಹೀಗಾಗೆ ನಾಳೆ ಚಿತ್ರೋದ್ಯಮವನ್ನ ಸ್ಥಗಿತಗೊಳಿಸಲಾಗಿದ್ದು ಈ ಮೂಲಕ ಚಿತ್ರರಂಗವು ಶ್ರೀಗಳಿಗೆ ಅಂತಿಮ ನಮನವನ್ನ ಸಲ್ಲಿಸುತ್ತಿದೆ.. ಒಟ್ಟಿನಲ್ಲಿ ಶ್ರೀಗಳ ಅಗಲಿಕೆ ಇಂದು ಕರುನಾಡಿಗೆ ಕರಾಳ ದಿನವಾಗಿ ಪರಿಣಮಿಸಿದ್ದು, ನಾಳೆ ಶ್ರೀಗಳ ಅಂತ್ಯ ಸಂಸ್ಕಾರ ಸಂಜೆ 4.30 ವೇಳೆಗೆ ನಡೆಯಲಿದೆ…
