ಶ್ರೀ ಮುರಳಿ ಬರ್ತಡೇ ಗಿಫ್ಟ್ ! ಮಫ್ತಿ ಟೀಸರ್ ರಿಲೀಸ್ ದಿನವೇ ಯೂಟ್ಯೂಬ್‍ನಲ್ಲಿ ಟ್ರೆಂಡಿಂಗ್

ಉಗ್ರಂ, ರಥಾವರ ಹಿಟ್ ಸಿನಿಮಾಗಳ ಮೂಲಕ ಸ್ಯಾಂಡಲ್‍ವುಡ್‍ನಲ್ಲಿ ಮಿಂಚಿದ ರೋರಿಂಗ್ ಶ್ರೀಮುರಳಿ ಮತ್ತೊಂದು ಸಿನಿಮಾ ಬಿಡುಗಡೆ ಮಾಡಲು ಸಿದ್ಧವಾಗಿದ್ದಾರೆ. ಮಫ್ತಿ ಸಿನಿಮಾದ ಮೂಲಕ ಮತ್ತೆ ಬೆಳ್ಳಿ ಪರದೆ ಮೇಲೆ ಕಾಣಿಸಿಕೊಳ್ಳಲಿರೋ ಶ್ರೀಮುರಳಿಗೆ ಹ್ಯಾಟ್ರಿಕ್ ಹೀರೋ ಶಿವಣ್ಣ ಕೂಡ ಸಾಥ್ ನೀಡಿದ್ದಾರೆ.! ಇನ್ನು ಸೆಂಚುರಿ ಸ್ಟಾರ್- ರೋರಿಂಗ್ ಸ್ಟಾರ್ ಕಾಂಬಿನೇಷನ್‍ನಲ್ಲಿ ರೆಡಿಯಾಗ್ತಿರೋ ಮಫ್ತಿ ಸಿನಿಮಾ ಟೀಸರ್ ಶ್ರೀಮುರಳಿ ಬರ್ತ್‍ಡೇ ಗಿಫ್ಟಾಗಿ ನಿನ್ನೆ ರಾತ್ರಿ ಯೂಟ್ಯೂಬ್ ರಿಲೀಸ್ ಆಗಿದೆ. ಇಂದು ಮುರಳಿ ಜನ್ಮದಿನ. ಹೀಗಾಗಿ ಅಭಿಮಾನಿಗಳಿಗೆ ಮಫ್ತಿ ಟೀಸರ್ ಮೂಲಕ ದೊಡ್ಡ ಉಡುಗೊರೆಯನ್ನು ನೀಡಿದ್ದಾರೆ. ಈಗಾಗ್ಲೇ ಮಫ್ತಿ ಸಿನಿಮಾ ಟೀಸರ್ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಸಂಚಲನ ಮೂಡಿಸಿದ್ದು, ದೇಶದಲ್ಲೇ ಹೊಸ ಟ್ರೆಂಡ್ ಮೂಡ್ಸಿದೆ.(ದೇಶದಲ್ಲೇ ಮಫ್ತಿ ಟೀಸರ್‍ಗೆ 8ನೇ ಸ್ಥಾನ) ಕೇವಲ ಸಿನಿಮಾ ಟೀಸರ್ ಇಷ್ಟೊಂದು ಹವಾ ಎಬ್ಬಿಸಿದ್ದು ಮಫ್ತಿ ಸಿನಿಮಾ ಯಾವಾಗ ತೆರೆ ಕಾಣುತ್ತೆ ಅನ್ನೋ ನಿರೀಕ್ಷೆಯಲ್ಲಿದ್ದಾರೆ ಅಭಿಮಾನಿಗಳು. ಇನ್ನು ಈ ಸಿನಿಮಾಗೆ ನರ್ತನ್ ಆಕ್ಷನ್ ಕಟ್ ಹೇಳಿದ್ದು, ಜಯಣ್ಣ-ಭೋಗೇಂದ್ರ ನಿರ್ಮಾಣದಲ್ಲಿ ಮೂಡಿಬರ್ತಾ ಇದೆ ಮಫ್ತಿ. ಶ್ರೀಮುರಳಿಗೆ ಜೊತೆಯಾಗಿ ಶಾನಿ ಶ್ರೀವಾತ್ಸವ ಕಾಣಿಸಿಕೊಂಡಿದ್ದಾರೆ.