ರಾಮಾಯಣ ಪರೀಕ್ಷೆಯಲ್ಲಿ 93% ಅಂಕ ಪಡೆದ ಮಂಗಳೂರಿನ ಬಾಲಕಿ ಫಾತಿಮ..!

ನಾವೆಲ್ಲಾ ಒಂದೇ…! ಹಿಂದೂಗಳು ಬೈಬಲನ್ನ, ಕುರಾನ್ ಅನ್ನು ಓದಿ ತಿಳಿಯಬಹುದು..! ಕ್ರಿಶ್ಚಿಯನ್ನರು ಕುರಾನ್, ರಾಮಾಯಣ, ಮಹಾಭಾರತವನ್ನು ಓದಿ ತಿಳಿಯ ಬಹುದು..! ಅಂತೆಯೇ ಮುಸ್ಲೀಂರು ಬೈಬಲನ್ನೂ, ರಾಮಾಯಣ ಮತ್ತು ಮಹಾಭಾರತಗಳನ್ನು ಓದಿ ತಿಳಿಯಬಹುದು..! ಧರ್ಮಗ್ರಂಥಗಳನ್ನು ಓದಿ ತಿಳಿಯುವುದಕ್ಕೂ, ತಮ್ಮ ತಮ್ಮ ಧರ್ಮಗಳ ಪರಿಪಾಲನೆಗೂ ಸಂಬಂಧವಿಲ್ಲ…! ಪರ ಧರ್ಮದ ವಿಚಾರದಾರೆಗಳೂ ಒಳ್ಳೆಯದೇ ಹೇಳುತ್ತವೆ..!
ಇಷ್ಟೆಲ್ಲಾ ಪೀಠಿಕೆ ಹಾಕೋಕೆ ಮುಖ್ಯ ಕಾರಣ ಮಂಗಳೂರು ಬಳಿಯ ಪುತ್ತೂರಿನ ವಿದ್ಯಾರ್ಥಿನಿ ಫಾತಿಮಾ ರಾಹಿಲಾ..!
2015ರ ನವೆಂಬರ್ ನಲ್ಲಿ ಪುತ್ತೂರಿನ ಭಾರತ ಸಂಸ್ಕೃತಿ ಪ್ರತಿಷ್ಠಾನ `ರಾಮಾಯಣ’ ಪರೀಕ್ಷೆ ನಡೆಸಿತ್ತು. ಆ ಪರೀಕ್ಷೆಯ ಫಲಿತಾಂಶ ಬಂದಿದ್ದು, ಕೇರಳ-ಕರ್ನಾಟಕ ಗಡಿಭಾಗದಲ್ಲಿರುವ ಸುಳ್ಯಪದವು ಸರ್ವೋದಯ ಪ್ರೌಢಶಾಲೆಯ ವಿದ್ಯಾರ್ಥಿನಿ ಫಾತಿಮಾ ರಾಹಿಲಾ ಅತಿಹೆಚ್ಚು ಅಂಕಗಳನ್ನುಗಳಿಸಿದ್ದಾರೆ..! ರಾಮಾಯಣ ಪರೀಕ್ಷೆಯಲ್ಲಿ ಶೇ93% ಅಂಕ ಪಡೆದು ಮೊದಲ ಸ್ಥಾನಿಯಾಗಿರುವ ಫಾತಿಮ ಮುಂದಿನ ಬೇಸಿಗೆ ರಜೆಯಲ್ಲಿ ಮಹಾಭಾರತ ಪರೀಕ್ಷೆ ಬರೆಯಲ್ಲಿದ್ದಾರಂತೆ..!