ಶಿವಲಿಂಗ…ಕನ್ನಡದ ಹಾರರ್ ಸಿನಿಮಾಗಳ ಸಾಲಿಗೆ ಹೊಸ ಸೇರ್ಪಡೆ. ಆದ್ರೆ ಇದು ಬರಿಯ ಹಾರರ್ ಅಲ್ಲ,ಇನ್ವೆಸ್ಟಿಗೇಟಿವ್ ಥ್ರಿಲ್ಲರ್ ಹಾರರ್..! ಒಂದು ಕೊಲೆಯ ಹಿಂದಿನ ಕಥೆ. ಕಥೆಯೊಳಗೆ ಇನ್ವೆಸ್ಟಿಗೇಶನ್, ದೆವ್ವಭೂತ, ಲವ್ವು ನೋವು, ಸೆಂಟಿಮೆಂಟು ಫ್ಯಾಮಿಲಿ ನಂಟು ಎಲ್ಲಾ ಇದೆ. ಅಲ್ಲಲ್ಲಿ ಬೇಕಾಗಿರ್ಲಿಲ್ಲ ಅನಿಸೋ ಹಾಡುಗಳಿವೆ, ಶಿವಣ್ಣನ ಅಭಿಮಾನಿಗಳಿಗೆ ಸಖತ್ ಖುಷಿ ಕೊಡೋ ಫೈಟ್ ಗಳಿವೆ..! ಹಾರರ್ ಸಿನಿಮಾ ಇಷ್ಟಪಡೋರು ಸಾಕಷ್ಟು ಸಲ ಸೀಟಿನ ತುದಿಗೆ ಬಂದು ಕೂರುವ ಸಾಧ್ಯತೆ ಇದೆ. ಕೆಲವು ಡೈಲಾಗ್ ಗಳು ಚೆನ್ನಾಗಿವೆ, ಕೆಲವು ಅತಿಯಾಗಿವೆ..! ಅಲ್ಲಲ್ಲಿ ದೆವ್ವಭೂತದ ಹಾವಳಿ ಸ್ವಲ್ಪ ಜಾಸ್ತಿ ಅನಿಸಿದರೂ ನಾಯಕಿ ವೇದಿಕಾ ಮಾತ್ರ ಅಭಿನಯದಲ್ಲಿ ಚತುರೆ ಅಂತ ನಿರೂಪಿಸೋಕೆ ಅದೇ ದೆವ್ವಭೂತ ಕಾರಣವಾಗುತ್ತೆ..! ಊರ್ವಶಿಯವರು ಶಿವಣ್ಣನ ಮಮ್ಮಿ, ವಿನಯ್ ಪ್ರಸಾದ್ ನಾಯಕಿಯ ಮಮ್ಮಿ …ಇದರ ಮಧ್ಯದಲ್ಲಿ ಸಾಕಷ್ಟು ಪಾತ್ರಗಳು ಡಮ್ಮಿ..! ಆದ್ರೂ ಕುತೂಹಲ ಮೂಡಿಸೋ ವಿಚಾರದಲ್ಲಿ ಎಲ್ಲೂ ಆಗಲ್ಲ ಕಮ್ಮಿ..! ಸಿನಿಮಾದಲ್ಲಿ ಸಾಧುಕೋಕಿಲ ಇರೋದ್ರಿಂದ ನಗ್ತಾ ನಗ್ತಾ ಹೆದರಿ ಮಜಾ ಮಿಸ್ ಮಾಡಿಕೊಳ್ಳಬೇಡಿ..! ಸಾಧು ಮತ್ತೆ ಸೂಪರ್ ಸಾಧು…! ನಿರ್ದೇಶಕ ಪಿ.ವಾಸು ಆಗಿರೋದ್ರಿಂದ ಅಲ್ಲಲ್ಲಿ ಆಪ್ತಮಿತ್ರ, ಆಪ್ತರಕ್ಷಕ ಹಂಗೇ ರಪ್ ಅಂತ ಪಾಸ್ ಆಗುತ್ತೆ..! ಆರಂಭದಲ್ಲಿ ಚಿತ್ರ ಸ್ವಲ್ಪ ಕುಂಟುತ್ತೆ, ಆದ್ರೆ ಇಂಟರ್ ವೆಲ್ ಟೈಮಿಗೆ ಬುಲೆಟ್ ರೈಲಿಗಿಂತ ಸ್ಪೀಡಾಗುತ್ತೆ..! ಇದೆಲ್ಲದರ ನಡುವೆ ಅಲ್ಲಲ್ಲಿ ಬಿಳಿ ಪಾರಿವಾಳ ಹಾರುತ್ತೆ..! ಸೆಕೆಂಡ್ ಹಾಫ್ ಸೆಕೆಂಡ್ ಸೆಕೆಂಡಿಗೂ ಟ್ವಿಸ್ಟ್ ಕೊಡುತ್ತೆ, ಆದ್ರೆ ಕ್ಲೈಮ್ಯಾಕ್ಸ್ ತನಕ ಓಡುಸ್ಕೊಂಡು ಹೋಗೋ ಶಿವಲಿಂಗ ಕ್ಲೈಮ್ಯಾಕ್ಸಲ್ಲಿ ಒಸಿ ಕೈಕೊಡುತ್ತೆ..! ಕೊಲೆ ಮಾಡಿದ್ದು ಅವ್ರಾ ಇವ್ರಾ..? ಅವ್ನಾ ಇವ್ನಾ ಅಂತ ಹುಳಬಿಟ್ಕೊಳೋ ಟೈಮಿಗೆ, ಮೀಟ್ ಮಿಸ್ಟರ್ ಮರ್ಡರರ್ ಅನ್ನೋ ಕ್ಲೈಮ್ಯಾಕ್ಸು..! ಅಲ್ಲಿಗೆ ದೆವ್ವದ ಇನಿಂಗ್ಸೂ ಕ್ಲೋಸು..! ಕೊಲೆ ಆಗಿದ್ಯಾರು..? ಕೊಲೆ ಮಾಡಿದ್ಯಾರು..? ಕೊಲೆ ಮಾಡ್ಸಿದ್ಯಾರು..? ದೆವ್ವ ಆಗಿದ್ಯಾರು..? ದೆವ್ವ ಹಿಡುಸ್ಕೊಂಡೋರ್ ಯಾರು..? ಕೊಲೆ ಕೇಸ್ ಹೆಂಗೆ ಶಿವಣ್ಣ ಕಂಡುಹಿಡೀತಾರೆ ಅನ್ನೋದು ಗೊತ್ತಾಗ್ಬೇಕು ಅಂದ್ರೆ ‘ಶಿವಲಿಂಗ’ ನೋಡಿ…! #ShivaLinga
- ಕೀರ್ತಿ ಶಂಕರಘಟ್ಟ.
Download Android App Now Click Here
Like us on Facebook The New India Times
www.facebook.com/thenewindiantimes
TNIT Whats App No : 97316 23333
Send Your Stories to : tnitkannada@gmail.com
ಇವನಿಗೆ ಚಪ್ಪಲಿಯೇ ಆಟ ಆಡಿಸ್ತಾ ಇದೆ..! ಇದು ಎಕ್ಕಡದ ಶಾಪವೋ.. ಪರಮಾತ್ಮನ ಆಟವೋ..!?
ಸಾವು ಗೆದ್ದು ಬಂದ ಕನ್ನಡದ ವೀರಯೋಧ..! 25 ಅಡಿ ಆಳದ ಹಿಮರಾಶಿಯಲ್ಲಿ ಜೀವಂತವಾಗಿ ಪತ್ತೆಯಾದ ಯೋಧ..! Video
ಎರಡೂ ಕೈಲಿ ಬೌಲಿಂಗ್ ಮಾಡುವ ಭಾರತದ ಸ್ಪಿನ್ನರ್..! ಇವರು ಎಡಗೈ ಮತ್ತು ಬಲಗೈಲೂ ಬೌಲ್ ಮಾಡ್ತಾರೆ..!
20 ರೂಪಾಯಿ ಎಲ್ಲಿ..? 160 ರೂಪಾಯಿ ಎಲ್ಲಿ..? ಇದು ಹಗಲು ದರೋಡೆ ಅಲ್ಲದೇ ಇನ್ನೇನು..?
