ಮತ್ತೊಂದು ಮದುವೆ ವದಂತಿ ಸುಳ್ಳು: ರಾಧಿಕಾ ಕುಮಾರ ಸ್ವಾಮಿ.

ನಟಿ ರಾಧಿಕಾ ಮಂಗಳೂರಿನ ಉದ್ಯಮಿಯೊಂದಿಗೆ ಎರಡನೇ ವಿವಾಹವಾಗಿದ್ದಾರೆ ಎಂಬ ಸುದ್ದಿಗಳು ಸೋಷಿಯಲ್ ಮೀಡಿಯಾಗಳಲ್ಲಿ ಅವರ ಫೋಟೋ ಸಹಿತವಾಗಿ ಸಖತ್ ವೈರಲ್ ಆಗುತ್ತಿದ್ದು, ಅದನ್ನು ನಟಿ ರಾಧಿಕಾ ಅವರೇ ಅಲ್ಲಗೆಳೆದಿದ್ದಾರೆ. ಸೋಷಿಯಲ್ ಮೀಡಿಯಾಗಳಲ್ಲಿ ನನ್ನ ಮತ್ತು ಮಂಗಳೂರಿನ ಉದ್ಯಮಿ ವೊವೇಕ್ ರೈ ಫೋಟೋವನ್ನು ಹಾಕಿ ಇಬ್ಬರೂ ವಿವಾಹವಾಗಲಿದ್ದಾರೆ ಎಂಬ ಸುದ್ದಿ ಸುಳ್ಳು, ನಾನು ನಮ್ಮ ಕುಟುಂಬದವರ ಜೊತೆಯಲ್ಲಿ ಸಂತೋಷವಾಗಿದ್ದೇನೆ. ಈ ರೀತಿ ಅಪವಾದದಿಂದಾಗಿ ತುಂಬಾ ಬೇಸರವಾಗಿದೆ ಎಂದು ನಟಿ ರಾಧಿಕಾ ಕುಮಾರಸ್ವಾಮಿ ಹೇಳಿಕೆ ನೀಡಿದ್ದಾರೆ.

ಸಾಮಾಜಿಕ ಜಾಲತಾಣಗಳಲ್ಲಿ ನಟಿ ರಾಧಿಕಾ ಹಾಗೂ ಉದ್ಯಮಿ ವಿವೇಕ್ ರೈ ಅವರ ಫೋಟೋಗಳು ಹರಿದಾಡ್ತಾ ಇದ್ದು, ರಾಧಿಕಾ ಅವರು ಎರಡನೇ ಮದುವೆಯಾಗಲಿದ್ದಾರೆ ಎಂಬ ವದಂತಿಗಳು ಹಬ್ಬುತ್ತಿವೆ. ಈ ಕುರಿತು ಹೇಳಿಕೆ ನೀಡಿರುವ ರಾಧಿಕಾ ಅವರು ಮರು ಮದುವೆಯಾಗುವ ಸುದ್ದಿ ಕೇವಲ ವದಂತಿ ಅಷ್ಟೆ. ಮರು ಮದುವೆ ಆಗಿಲ್ಲ ಮುಂದ ಆಗೋದು ಎಲ್ಲ. ನಮಗೆ ಆಗದಿರುವವರ್ಯಾರೋ ಮಾಡಿರೋ ಕುಮ್ಮಕ್ಕು ಇದು. ಸದ್ಯದಲ್ಲೇ ಅವರ್ಯಾರು ಎಂಬುದು ಪತ್ತೆ ಹಚ್ಚಿ ಕ್ರಮ ಕೈಗೊಳ್ಳುತ್ತೇನೆ ಎಂದು ಹೇಳಿದ್ದಾರೆ

ವಿವೇಕ್ ರೈ ನನ್ನ ಅಣ್ಣನ ಸ್ನೇಹಿತರಾಗಿದ್ದು, ಮಂಗಳೂರಿನಲ್ಲಿ ಅವರು ಕೃಷಿ ಮಾಡುತ್ತಿದ್ದಾರೆ. ವಿವೇಕ್ ನಮ್ಮ ಕುಟುಂಬಸ್ಥರೊಂದಿಗೆ ಉತ್ತಮ ಸಂಬಂಧ ಹೊಂದಿದ್ದಾರೆ. ನನಗೆ ಕೃಷಿ ಮಾಡುವ ಉತ್ಸುಕತೆ ಇದ್ದರಿಂದ ಅವರ ಕೃಷಿ ತೋಟಕ್ಕೆ ಭೇಟಿ ಕೊಟ್ಟಿದ್ದೆ. ಇದೇ ವೇಳೆ ಅವರ ಜೊತೆಯಲ್ಲಿ ಫೋಟೋ ಕ್ಲಿಕ್ಕಿಸಿಕೊಂಡಿದ್ದೆ ಎಂದು ರಾಧಿಕಾ ಹೇಳಿದ್ದಾರೆ. ಇದು ಕಳೆದ ಒಂದು ವರ್ಷಗಳ ಹಿಂದೆ ತೆಗೆದ ಫೋಟೋವಾಗಿದ್ದು ಇದನ್ನು ಈಗ ಸೋಷಿಯಲ್ ಮೀಡಿಯಾಗಳಲ್ಲಿ ಹರಿ ಬಿಟ್ಟ ಕಾರಣ ಏನು..? ಇದಕ್ಕೆಲ್ಲಾ ನಾನು ನಮ್ಮ ಕುಟುಂಬದವರಿಗೆ ಉತ್ತರ ಕೊಡಬೇಕಿದೆ ಎಂದು ಹೇಳಿದ್ದಾರೆ.