ಹೆಕ್ಟಿಕ್ ಶೆಡ್ಯೂಲ್ ನಿಂದ ಬೇಸತ್ತು ಮದ್ವೆಯಾಗ್ತಿದ್ದಾರಂತೆ ಈ ನಟಿ

ಟಾಲಿವುಡ್‌ ಬ್ಯೂಟಿ ಬ್ಯುಸಿ ನಟಿ ಸಮಂತಾ ಮದುವೆಯಾಗೋದಾಗಿ ಹೇಳಿ ಅವ್ರ ಅಭೀಮಾನಿಗಳಿಗೆ ಶಾಕ್ ನೀಡಿದ್ದಾರೆ. ಇತ್ತೀಚೆಗಷ್ಟೇ ತೆರೆಕಂಡ ತಮಿಳು ಸಿನಿಮಾ ‘ಥೆರಿ’ ಹಾಗೂ ’24’ ರ ಯಶಸ್ಸಿನ ಅಲೆಯಲ್ಲಿ ತೇಲ್ತಿರೋ ಸಮಂತಾ ಅಭಿನಯದ ಇನ್ನೂ ಮೂರು ಸಿನಿಮಾಗಳು ಸದ್ಯದಲ್ಲೇ ರಿಲೀಸ್ ಆಗಲಿವೆ. ‘ಬ್ರಹ್ಮೋತ್ಸವಮ್‌’ ಮೇ 20 ಕ್ಕೆ ತೆರೆಗೆ ಬರ್ತಿದ್ರೆ, ‘ಅ.. .ಆ…’ಜೂನ್‌ನಲ್ಲಿ ತೆರೆಕಾಣಲಿದೆ. ಹಾಗೆ ‘ಜನತಾ ಗ್ಯಾರೇಜ್‌’ ಆಗಸ್ಟ್‌ನಲ್ಲಿ ಬಿಡುಗಡೆಗೆ ಸಿದ್ದವಾಗಿದೆ.

ಸಮಂತಾ ಜೀವನದಲ್ಲಿ ಮದುವೆ ಆಗಿ ಸೆಟಲ್‌ ಆಗೋ ಇಂಗಿತ ವ್ಯಕ್ತ ಪಡಿಸಿದ್ದಾರೆ. ಈ ಮೂಲಕ ಹೈದರಾಬಾದ್‌ ಹುಡುಗನನ್ನೇ ಮದುವೆಯಾಗೋ ಸುಳಿವು ನೀಡಿದ್ದಾರೆ. ಕೆಲವೊಮ್ಮೆ ಬೆಳಗ್ಗೆ ಎದ್ದ ತಕ್ಷಣ ಯಾವ ಸಿನಿಮಾದ ಶೂಟಿಂಗ್‌ ಮಾಡುತ್ತಿದ್ದೇನೆ ಎನ್ನುವುದನ್ನೇ ಮರೆತುಬಿಡುತ್ತೇನೆ. ಸ್ನೇಹಿತರ ಜೊತೆ ಕಾಲ ಕಳೆಯಲು ಆಗುತ್ತಿಲ್ಲ. ಕೆಲವೊಮ್ಮೆ ಸಿನಿಮಾದಲ್ಲಿ ನಟಿಸುವುದನ್ನೇ ನಿಲ್ಲಿಸಬೇಕು ಅನ್ನಿಸುವಷ್ಟು ಹೆಕ್ಟಿಕ್ ಶೆಡ್ಯೂಲ್ ನಿಂದ ಬೇಸತ್ತಿರೋ ಸಮಂತಾ ಮದುವೆಯಾಗಿ ಸೆಟಲ್‌ ಆಗಿ ಬಿಡುವ ಎಂದೆನಿಸುತ್ತದೆ ಎಂದಿದ್ದಾರೆ

ನನಗೆ ಮಕ್ಕಳೆಂದರೆ ಇಷ್ಟ ಅಂದಿರುವ ಸಮಂತಾ ಮಕ್ಕಳೊಂದಿಗೆ ಕಾಲ ಕಳೆಯುವುದೆಂದರೆ ಅವರಿಗೆ ಇನ್ನೂ ಇಷ್ಟವಂತೆ. ನನಗೆ ಈಗ 29 ವರ್ಷ. ಇನ್ನು ಮದುವೆಯಾಗಿ ಸೆಟಲ್‌ ಆಗಿಬಿಡಬೇಕು ಅಂದುಕೊಂಡಿದ್ದೇನೆ ಅಂತ ಹೇಳಿ ಅವರ ಅಭಿಮಾನಿಗಳಿಗೆ ತೀವ್ರ ನಿರಾಸೆಯನ್ನಂತೂ ಮಾಡಿದ್ದಾರೆ.