ಜಡೇಜಾ, ಅಶ್ವಿನ್ ಸ್ಪಿನ್ ಮೋಡಿಗೆ ದ. ಆಫ್ರಿಕಾ ಫೆವಿಲಿಯನ್ ಪೆರೇಡ್..! ದ. ಆಫ್ರಿಕಾ 79 ರನ್ ಗಳಿಗೆ ಆಲೌಟ್

ಗಾಂಧಿ- ಮಂಡೇಲಾ ಸರಣಿಯ ಮೂರನೇ ಟೆಸ್ಟಿನ ಮೊದಲ ಇನ್ನಿಂಗ್ಸ್ ನಲ್ಲಿ ಪ್ರವಾಸಿ ದ. ಆಫ್ರಿಕಾ ತಂಡ 79 ರನ್ ಗಳಿಗೆ ಆಲೌಟ್ ಆಗಿದೆ..! ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದು ಕೊಂಡಿದ್ದ ಭಾರತ ನಿನ್ನೆ 215 ರನ್ ಗಳಿಗೆ ಆಲೌಟ್ ಆಗಿತ್ತು. ನಂತರ ಬ್ಯಾಟಿಂಗ್ ಆರಂಭಿಸಿದ್ದ ದ. ಆಫ್ರಿಕಾ ಕೇವಲ 11 ರನ್ ಗೆ 2 ವಿಕೆಟ್ ಕಳೆದುಕೊಂಡಿತ್ತು. ಎರಡನೇ ದಿನವಾದ ಇಂದು ಆಟ ಮುಂದುವರೆಸಿದ ದ. ಆಫ್ರಿಕಾ ತಂಡ ಭಾರತದ ಸ್ಪಿನ್ ಜಾದುಗಾರರಾದ ಅಶ್ವಿನ್ ಮತ್ತು ರವೀಂದ್ರ ಜಡೇಜರ ಸ್ಪಿನ್ ದಾಳಿಯನ್ನು ಎದುರಿಸಲಾಗದೆ ಅಲ್ಪಮೊತ್ತಕ್ಕೆ ಆಲೌಟ್ ಆಗಿದೆ.  ರವಿಚಂದ್ರನ್ ಅಶ್ವಿನ್ 32 ರನ್ ನೀಡಿ 5 ವಿಕೆಟ್, ರವೀಂದ್ರ ಜಡೇಜ 33 ರನ್ ಗೆ 4 ವಿಕೆಟ್ ಹಾಗೂ ಅಮಿತ್ ಮಿಶ್ರಾ 33 ರನ್ ನೀಡಿ 1 ವಿಕೆಟ್ ಪಡೆದಿದ್ದಾರೆ. ಇದರೊಂದಿಗೆ ಭಾರತಕ್ಕೆ 136 ರನ್ ಗಳ ಇನ್ನಿಂಗ್ಸ್ ಮುನ್ನಡೆ ದೊರತಿದೆ.