ಸ್ವಿಸ್ ಬ್ಯಾಂಕುಗಳಲ್ಲಿ ಹಣಹೊಂದಿರುವ ಭಾರತೀಯರ ವಿವರಗಳನ್ನು ನೀಡಲು ಸ್ವಿಜರ್‍ಲ್ಯಾಂಡ್ ಒಪ್ಪಿಗೆ

ನೋಟು ನಿಷೇಧದಿಂದ ಕಾಳಧನಿಕರ ನಿದ್ದೆಗೆಡಿಸಿರುವ ಕೇಂದ್ರ ಸರ್ಕಾರ ಈಗ ಮತ್ತೊಂದು ಮೈಲಿಗಲ್ಲಿನತ್ತ ಸಾಗುತ್ತಿದೆ. 2018 ಸೆಪ್ಟೆಂಬರ್ ಹಾಗೂ ಆನಂತರದ ಸ್ವಿಸ್ ಬ್ಯಾಂಕ್‍ಗಳಲ್ಲಿ ಹಣ ಹೊಂದುವ ಭಾರತೀಯರ ಮಾಹಿತಿಯನ್ನು ಸ್ವಯಂಚಾಲಿತವಾಗಿ ನೀಡಲು ಸ್ವಿಜರ್ಲೆಂಡ್ ಒಪ್ಪಿಗೆ ನೀಡಿದ್ದು, ಈ ಸಂಬಂಧ ಭಾರತ ಹಾಗೂ ಸ್ವಿಜರ್ಲೆಂಡ್ ಜಂಟಿ ಘೋಷಣೆಗೆ ಸಹಿ ಹಾಕಿವೆ. 500 ಮತ್ತು 1000 ಮುಖಬೆಲೆಯ ನೋಟು ನಿಷೇಧದಿಂದ ಭ್ರಷ್ಟಾಚಾರ ಹಾಗೂ ಕಾಳಧನಿಕರ ಅಟ್ಟಹಾಸಕ್ಕೆ ಬ್ರೇಕ್ ಹಾಕಿರುವ ಬೆನ್ನಲ್ಲೇ ಕಪ್ಪು ಹಣ ಭಾರತಕ್ಕೆ ವಾಪಾಸು ತರುವ ನಿಟ್ಟಿನಲ್ಲಿ ಮತ್ತೊಂದು ಮಹತ್ವದ ನಿರ್ಧಾರಕ್ಕೆ ಮುಂದಾಗಿದೆ. ಆದರೆ 2018ರ ಮುಂಚಿತದ ಯಾವುದೇ ಮಾಹಿತಿಯನ್ನು ನೀಡಲಾಗುವುದಿಲ್ಲ ಎಂದು ಸ್ವಿಸ್ ಸ್ಪಷ್ಟಪಡಿಸಸಿದೆ. ಅಂದಹಾಗೆ ಸ್ವಿಸ್ ಬ್ಯಾಂಕುಗಳಲ್ಲಿ ಭಾರತೀಯ ಖಾತೆದಾರರ ಕುರಿತ ಮಾಹಿತಿಗಳು 2019ರಲ್ಲಿ ಲಭಿಸಲಿದೆ ಎಂದು ಮೂಲಗಳು ತಿಳಿಸಿವೆ.