ಸಮುದ್ರದಾಳದಲ್ಲೇ ಓಡಾಡುತ್ತೆ ಮುಂಬೈ To ದುಬೈ ಟ್ರೈನ್..!!
ಭಾರತ ಆಧುನಿಕತೆಯೊಂದಿಗೆ ವಿಶ್ವದ ಅತ್ಯಾಧುನಿಕ ತಂತ್ರಜ್ಞಾನವನ್ನ ಬಳಸಿಕೊಂಡು ಬೆಳೆಯುತ್ತಿದೆ.. ಹೀಗಾಗೆ ಬುಲೆಟ್ ಟ್ರೈನ್ ನಿಂದ ಹಿಡಿದು ಹಲವು ಮಾದರಿಯ ಯೋಜನೆಗಳಿಗೆ ರಾಷ್ಟ್ರ ಮುಂದಾಗುತ್ತಿದೆ.. ಈ ನಡುವೆ ಮುಂಬೈನಿಂದ ದುಬೈಗೆ ರೈಲು ಮಾರ್ಗಕ್ಕೆ ಯೋಜನೆಯೊಂದು ಸಿದ್ದವಾಗ್ತಿದೆ.. ಹೌದು, ಅದು ಸಹ ಜಲಗರ್ಭದಲ್ಲಿ ರೈಲ್ವೆ ಹಳಿಗಳ ನಿರ್ಮಾಣಕ್ಕೆ, ಸಾಗರದಲ್ಲೇ ಸುರಂಗ ಮಾಡುವ ಪ್ಲಾನ್ ಸಿದ್ದವಾಗ್ತಿದೆ..
ಈಗಾಗ್ಲೇ ದುಬೈನಿಂದ ತೈಲವನ್ನ ಆಮದು ಮಾಡಿಕೊಳ್ಳಲು ಪೈಪ್ ಲೈನ್ ಯೋಜನೆಯನ್ನ ಆಲೋಚಿಸಿರುವ ಈ ಎರಡು ರಾಷ್ಟ್ರಗಳು ಇದರ ಬೆನ್ನಲ್ಲೇ ಫ್ಲೋಟಿಂಗ್ ಟ್ರೈನ್ ಯೋಜನೆಯ ಬಗ್ಗೆ ಯೋಚಿಸುತ್ತಿದ್ದಾರಂತೆ.. ಯುಎಇಯ ನ್ಯಾಷನಲ್ ಅಡ್ವೆಸರ್ ಬ್ಯೂರೋ ಸಂಸ್ಥೆ ಈ ಮಹತ್ವಾಕಾಂಕ್ಷಿ ಯೋಜನೆ ರೂಪಿಸಿದ್ದು, ಯುಎಇನ ಫುಜೈರಾದಿಂದ ಭಾರತದ ಮುಂಬೈಗೆ ಸಾಗರಾಳದಲ್ಲಿ ರೈಲು ಜಾಲ ನಿರ್ಮಾಣ ಮಾಡುವ ಗುರಿ ಹೊಂದಿದೆ. ಸದ್ಯ ಇದೊಂದು ಕೇವಲ ಪರಿಕಲ್ಪನೆಯಾಗಿದ್ದು, ಭಾರತದ ವಾಣಿಜ್ಯ ನಗರಿ ಮುಂಬೈದಿಂದ ಫುಜೈರಾಗೆ ಅಲ್ಟ್ರಾ-ವೇಗದ ತೇಲುವ ರೈಲು ಸಂಚಾರ ಸಾಧ್ಯತೆಯನ್ನು ಪರಿಗಣಿಸುತ್ತಿದ್ದೇವೆ ಎಂದು ಹೇಳಿದೆ..
