ಯುವಿಯ ಆರು ಸಿಕ್ಸರ್‍ಗೆ ಇಂದು ಒಂಭತ್ತು ವರ್ಷ..!

ಅದು 2009ರ ಸೆ. 19. ದಕ್ಷಿಣ ಆಫ್ರಿಕಾದ ಕಿಂಗ್ಸ್ ಮೀಡ್‍ನಲ್ಲಿ ನೆರೆದಿದ್ದ ಸಾವಿರಾರು ಅಭಿಮಾನಿಗಳಿಗೆ ಯುವಿಯ ಆರ್ಭಟವನ್ನು ಕಣ್ತುಂಬಿಕೊಳ್ಳೊ ಸುಸಂದರ್ಭ. ಕ್ರೀಸ್‍ನಲ್ಲಿ ಬ್ಯಾಟ್ ಮಾಡ್ತಾ ಇದ್ದ ಯುವರಾಜ್ ಇಂಗ್ಲೆಂಡ್ ವೇಗಿ ಬ್ರಾಡ್ ಅವರ ಪ್ರತಿಯೊಂದು ಎಸೆತವನ್ನು ಸಿಕ್ಸರ್‍ನ ಗಡಿದಾಟಿಸಿ ವಿಶ್ವ ದಾಖಲೆ ಬರೆದಿದ್ದರು. ಈ ದಾಖಲೆಗೆ ಇಂದು 9 ವರ್ಷ ನೋಡಿ…
ಹೌದು.. ಟಿ20 ವಿಶ್ವಕಪ್ ಮೊದಲನೇ ಆವೃತ್ತಿಯಲ್ಲಿ ಭಾರತ ಮತ್ತು ಇಂಗ್ಲೆಂಡ್ ನಡುವಿನ ಸೂಪರ್-8 ಪಂದ್ಯದಲ್ಲಿ ಯುವರಾಜ್ ಟಿ20 ಕ್ರಿಕೇಟ್ ಇತಿಹಾಸದಲ್ಲೇ ಯಾರು ಮಾಡಲಾರದ ದಾಖಲೆಯನ್ನು ಯುವರಾಜ್ ಮಾಡಿದ್ದರು. ಅಂದಿನ ಪಂದ್ಯದಲ್ಲಿ ಯುವಿ ಸ್ಟುವರ್ಟ್ ಬ್ರಾಡ್ ಅವರ ಎಸೆತದಲ್ಲಿ ಆರು ಸಿಕ್ಸ್ ಬಾರಿಸೋ ಮೂಲಕ ವಿಶ್ವವೇ ತಮ್ಮತ್ತ ಸೆಳೆಯುವಂತೆ ಮಾಡಿದರು.
ಆ ಪಂದ್ಯದಲ್ಲಿ ಆರಂಭಿಕ ದಾಂಡಿಗರಾದ ವಿರೇಂದ್ರ ಸೆಹ್ವಾಗ್(68) ಹಾಗೂ ಗೌತಮ್ ಗಂಭೀರ್(58) ಜೊತೆಯಾಟ ಉತ್ತಮ ಭುನಾದಿಯನ್ನು ಹಾಕಿಕೊಟ್ಟಿತ್ತು. ಅವರಾದ ನಂತರ ಬಂದ ಯುವಿಗೆ ಇಂಗ್ಲೆಂಡ್ ಆಟಗಾರ ಫ್ಲಿಂಟಾಫ್ ಯವಿಗೆ ಸ್ಲಡ್ಜ್ ಮಾಡಿದ್ದರು. ಇದಕ್ಕೆ ಬ್ರಾಡ್ ಅವರ ಬೌಲಿಂಗ್ ವೇಳೆ 6 ಸಿಕ್ಸರ್ ಸಿಡಿಸು ಮೂಲಕ ಫ್ಲಿಂಟಾಫ್‍ಗೆ ಬ್ಯಾಟ್‍ನಿಂದಲೇ ಉತ್ತರ ನೀಡಿದ್ದರು.
ನಾಯಕ ಧೊನಿ ಅವರ ಜೊತೆಗೂಡಿ ಬ್ಯಾಟ್ ಬೀಸಲು ಆರಂಭಿಸಿದ ಯುವಿ ಕೇವಲ 12 ಎಸೆತಗಳಲ್ಲಿ 50ರನ್ನ್ ಪೇರಿಸುವ ಮೂಲಕ, ಟಿ20 ವಿಶ್ವಕಪ್‍ನಲ್ಲಿ ಅತೀ ವೇಗ ಅರ್ಧ ಶತಕ ಸಿಡಿಸಿದ ಪಾತ್ರಕ್ಕೂ ಒಳಗಾದರು. ಅಂದು ಯುವಿ ಸಿಡಿಲಬ್ಬರದ ಬ್ಯಾಟಿಂಗ್ ಸಹಾಯದಿಂದ ಭಾರತ 18 ರನ್‍ಗಳ ಗೆಲುವು ಸಾಧಿಸಿತ್ತು.