ಇಂದು ಮಕರ ಸಂಕ್ರಾಂತಿ ಸಂಭ್ರಮ: ಅಪ್ಪಿತಪ್ಪಿಯೂ ಈ ಕೆಲಸ ಮಾಡಬೇಡಿ, ವರ್ಷವಿಡೀ ಕಷ್ಟ ತಪ್ಪಿದ್ದಲ್ಲ!
2026ನೇ ವರ್ಷದ ಮೊದಲ ಹಬ್ಬ ಮಕರ ಸಂಕ್ರಾಂತಿಯ ಸಡಗರ ರಾಜ್ಯದಲ್ಲಿ ಆರಂಭವಾಗಿದೆ. ಸೂರ್ಯನು ಧನು ರಾಶಿಯಿಂದ ಮಕರ ರಾಶಿಗೆ ಪ್ರವೇಶಿಸುವ ದಿನವೇ ಮಕರ ಸಂಕ್ರಾಂತಿ. ಈ ಹಬ್ಬವನ್ನು ಉತ್ತರಾಯಣದ ಆರಂಭವೆಂದು ಪರಿಗಣಿಸಲಾಗುತ್ತದೆ. ಹಬ್ಬದ ಸಂದರ್ಭದಲ್ಲಿ ಜನರು ಪೂಜೆ ಮತ್ತು ಧಾರ್ಮಿಕ ಚಟುವಟಿಕೆಗಳಲ್ಲಿ ತೊಡಗಿಸಿಕೊಂಡು ತಮ್ಮ ಭಕ್ತಿ ಮತ್ತು ಆಧ್ಯಾತ್ಮಿಕ ಚಿಂತನೆಯಿಂದ ಸಮಯವನ್ನು ಕಳೆಯುತ್ತಾರೆ.
ಆದರೆ, ಮಕರ ಸಂಕ್ರಾಂತಿಯ ದಿನ ಏನು ಮಾಡಬಾರದು ಎಂಬ ವಿಷಯಗಳ ಮೇಲೆ ಗಮನ ಹರಿಸುವುದು ವಿಶೇಷ ಮಹತ್ವವಾಗಿದೆ. ಕೆಲವು ತಪ್ಪುಗಳು ಸಂಪೂರ್ಣ ವರ್ಷಕ್ಕೂ ಪರಿಣಾಮ ಬೀರಬಹುದು.
ದಕ್ಷಿಣಕ್ಕೆ ಪ್ರಯಾಣ ಮಾಡಬೇಡಿ
ಮಕರ ಸಂಕ್ರಾಂತಿಯ ದಿನ ದಕ್ಷಿಣ ದಿಕ್ಕಿನಲ್ಲಿ ಪ್ರಯಾಣ ಮಾಡುವುದು ಶುಭವಲ್ಲ. ಸೂರ್ಯನು ಉತ್ತರಾಯಣದಲ್ಲಿ ಇರುವುದರಿಂದ ದಕ್ಷಿಣ ದಿಕ್ಕಿನಲ್ಲಿ ಪ್ರಯಾಣ ಮಾಡುವುದರಿಂದ ಆರ್ಥಿಕ ನಷ್ಟ, ಕೆಲಸದಲ್ಲಿ ಅಡ್ಡಿ ಅಥವಾ ಅನಗತ್ಯ ತೊಂದರೆಗಳು ಉಂಟಾಗಬಹುದು. ತುರ್ತಾಗಿ ಪ್ರಯಾಣಿಸಬೇಕಾದರೆ ಮೊದಲು ಸೂರ್ಯನಿಗೆ ಅರ್ಘ್ಯ ಅರ್ಪಿಸಿ ‘ಓಂ ಸೂರ್ಯಾಯಣಂ:’ ಎಂದು ಜಪಿಸಬೇಕು. ವಾಸ್ತುಶಾಸ್ತ್ರದ ಪ್ರಕಾರ, ಈ ದಿನ ಉತ್ತರ ಅಥವಾ ಪೂರ್ವ ದಿಕ್ಕಿನಲ್ಲಿ ಪ್ರಯಾಣ ಹೆಚ್ಚು ಫಲಪ್ರದವಾಗಿದೆ.
ಕಪ್ಪು ಎಳ್ಳನ್ನು ದಾನ ಮಾಡಬೇಡಿ
ಸಂಕ್ರಾಂತಿಯ ದಿನ ಎಳ್ಳು ವಿಶೇಷ ಮಹತ್ವ ಹೊಂದಿದೆ. ಆದರೆ ಕಪ್ಪು ಎಳ್ಳನ್ನು ದಾನ ಮಾಡುವುದು ನಿಷಿದ್ಧ. ಈ ದಿನ ಸೂರ್ಯನ ಪ್ರಭಾವ ಹೆಚ್ಚಾಗಿರುವುದರಿಂದ, ಕಪ್ಪು ಎಳ್ಳನ್ನು ದಾನ ಮಾಡುವುದು ಶನಿ ಮತ್ತು ಸೂರ್ಯನ ನಡುವಿನ ಅಸಮತೋಲನವನ್ನು ಹೆಚ್ಚಿಸುತ್ತದೆ. ಇದು ಹಣಕಾಸಿನ ಸಮಸ್ಯೆಗಳಿಗೆ ಕಾರಣವಾಗಬಹುದು. ಬದಲಾಗಿ, ಬಿಳಿ ಎಳ್ಳು, ಬೆಲ್ಲ, ಸಕ್ಕರೆ ಅಥವಾ ಖಿಚಡಿ ದಾನ ಮಾಡಿದರೆ ಶುಭ ಫಲಿತಾಂಶ ದೊರೆಯುತ್ತದೆ.
ದಾನ ಮತ್ತು ಪೂಜಾ ವಿಧಾನಗಳಲ್ಲಿ ಜಾಗರೂಕರಾಗಿರಿ
ಮಕರ ಸಂಕ್ರಾಂತಿಯ ದಿನ ಮಾಡುವ ದಾನಗಳು ಬಹಳ ಫಲಪ್ರದ. ಆದರೆ ದಾನದ ಆಯ್ಕೆಯನ್ನು ಸರಿಯಾಗಿ ಮಾಡಬೇಕು. ಈ ದಿನ ಕಪ್ಪು ಬಟ್ಟೆ ಅಥವಾ ಕಪ್ಪು ಎಳ್ಳನ್ನು ದಾನ ಮಾಡಬಾರದು. ಬಿಳಿ ಬಟ್ಟೆ, ಬೆಲ್ಲ, ಎಳ್ಳು ಲಡ್ಡು ಅಥವಾ ಖಿಚಡಿ ದಾನ ಉತ್ತಮ. ಸೂರ್ಯನಿಗೆ ಅರ್ಘ್ಯ ಅರ್ಪಿಸುವಾಗ ಕೆಂಪು ಚಂದನ, ಕೆಂಪು ಹೂವುಗಳು ಮತ್ತು ಬೆಲ್ಲವನ್ನು ಬಳಸುವುದು ಶುಭ.
ಆಹಾರ ನಿಯಮಗಳು
ಮಕರ ಸಂಕ್ರಾಂತಿಯ ದಿನ ದೇಹ ಮತ್ತು ಮನಸ್ಸನ್ನು ಶುದ್ಧವಾಗಿಟ್ಟುಕೊಳ್ಳುವುದು ಅಗತ್ಯ. ಮಾಂಸಾಹಾರ, ಮದ್ಯ, ಬೆಳ್ಳುಳ್ಳಿ, ಈರುಳ್ಳಿ ಅಥವಾ ಭಾರವಾದ ಆಹಾರ ಸೇವಿಸಬಾರದು. ಸಾತ್ವಿಕ ಆಹಾರ ಸೇವನೆಯಿಂದ ಸೂರ್ಯನ ಶಕ್ತಿ ಸದೃಢವಾಗಿರುತ್ತದೆ.
ಕೊಪ ಮತ್ತು ಸುಳ್ಳುಗಳಿಂದ ದೂರವಿರಿ
ಈ ಶುಭ ದಿನದಲ್ಲಿ ನಡವಳಿಕೆಯಲ್ಲಿ ವಿಶೇಷ ಸಂಯಮ ವಹಿಸುವುದು ಸೂಕ್ತ. ಸುಳ್ಳು ಹೇಳುವುದು, ಕೋಪಗೊಂಡು ಯಾರ ಮೇಲಾದರೂ ನಕಾರಾತ್ಮಕ ಭಾವನೆಗಳನ್ನು ಇಡುವುದು ಅಶುಭ. ಸೂರ್ಯನು ಸತ್ಯ, ಬೆಳಕು ಮತ್ತು ಶಿಸ್ತಿನ ಸಂಕೇತ. ಈ ದಿನ ಶಾಂತವಾಗಿರಿ, ಸಕಾರಾತ್ಮಕವಾಗಿ ಮಾತನಾಡಿ, ‘ಓಂ ಘೃತ ಸೂರ್ಯನಾಮ:’ ಮಂತ್ರವನ್ನು ಪಠಿಸಿ. ಇದರಿಂದ ವರ್ಷವಿಡೀ ಸೂರ್ಯನ ಆಶೀರ್ವಾದ ದೊರೆಯುತ್ತದೆ.
