ಹಬ್ಬದ ಹೂವಿನ ಮರುಬಳಕೆ: ಎಸೆಯುವ ಬದಲು ಹೇಗೆಲ್ಲಾ ಮರು ಬಳಸಬಹುದು ಗೊತ್ತಾ..?
ದಸರಾ, ದೀಪಾವಳಿ, ಕಾರ್ತಿಕ ಮಾಸ, ಅಯ್ಯಪ್ಪ ದೀಕ್ಷೆ ಮುಂತಾದ ಹಬ್ಬಗಳಲ್ಲಿ ಹೂವುಗಳ ಬಳಕೆ ಅತಿ ಹೆಚ್ಚು. ಆದರೆ ಬಳಕೆಯ ನಂತರ ಅವು ತ್ಯಾಜ್ಯವಾಗುತ್ತವೆ. ಇತ್ತೀಚಿನ ದಿನಗಳಲ್ಲಿ ಈ ಹೂವುಗಳನ್ನು ಮರುಬಳಕೆ ಮಾಡಿ ಹೊಸ ರೂಪ ನೀಡಲಾಗುತ್ತಿದೆ. ಇದು ಆದಾಯದ ಜೊತೆಗೆ ಪರಿಸರ ಸಂರಕ್ಷಣೆಯಲ್ಲಿಯೂ ಸಹಾಯಕವಾಗಿದೆ.
ಗೊಬ್ಬರ ತಯಾರಿಕೆ – ಹೂವನ್ನು ಸಂಗ್ರಹಿಸಿ ಪ್ಲಾಸ್ಟಿಕ್ ಬೇರ್ಪಡಿಸಿದ ಬಳಿಕ ಅಡುಗೆ ತ್ಯಾಜ್ಯದೊಂದಿಗೆ ಕಾಂಪೋಸ್ಟ್‌ಗೆ ಸೇರಿಸಿದರೆ ಪೋಷಕಾಂಶಭರಿತ ಗೊಬ್ಬರ ಸಿದ್ಧವಾಗುತ್ತದೆ.
ಆಚರಣೆಗಳಲ್ಲಿ ಬಳಕೆ – ಪ್ಲಾಸ್ಟಿಕ್ ಮತ್ತು ಕಾಗದದ ಬದಲು ಹೂವನ್ನು ಬಳಸುವುದರಿಂದ ಪರಿಸರ ಸ್ನೇಹಿ ಆಚರಣೆ ಸಾಧ್ಯ.
ಅಲಂಕಾರಿಕ ಕಾಗದ – ಒಣಗಿದ ಹೂವನ್ನು ಕಾಗದದ ತಿರುಳಿಗೆ ಬೆರೆಸಿ ಸುಂದರ ಅಲಂಕಾರಿಕ ಕಾಗದ ತಯಾರಿಸಬಹುದು.
ನೈಸರ್ಗಿಕ ಕೀಟನಾಶಕ – ಚೆಂಡು, ಕ್ಯಾಮೊಮೈಲ್ ಹೂವನ್ನು ಕುದಿಸಿ ತಣ್ಣಗಾದ ನೀರನ್ನು ಸಿಂಪಡಿಸಿದರೆ ಕೀಟಗಳನ್ನು ದೂರ ಮಾಡಬಹುದು.
ನೈಸರ್ಗಿಕ ಬಣ್ಣಗಳು – ಹೂವನ್ನು ನೀರಿನಲ್ಲಿ ಕುದಿಸಿ ತಣ್ಣಗಾದ ನಂತರ ಬಟ್ಟೆ, ಕಾಗದ, ಚಿತ್ರಕಲೆಗಳಿಗೆ ಬಣ್ಣಗಳನ್ನು ತಯಾರಿಸಬಹುದು.
ಮನೆ ಅಲಂಕಾರ – ಒಣಗಿದ ಹೂದಳಗಳನ್ನು ಗಾಜಿನ ಬಾಟಲಿಯಲ್ಲಿ ನೀರಿನೊಂದಿಗೆ ಇಟ್ಟರೆ ಮನೆಯಲ್ಲಿ ಪರಿಮಳ ಮತ್ತು ಆಕರ್ಷಕ ವಾತಾವರಣ ಸೃಷ್ಟಿಯಾಗುತ್ತದೆ.
ಮಾಲೆಗಳು – ಒಣಗಿದ ಹೂದಳಗಳಿಂದ ಮಾಡಿದ ಮಾಲೆಗಳು ಹಬ್ಬವನ್ನು ಹೆಚ್ಚು ದಿನ ಬಾಳಿಕೆ ಬರುವಂತೆ ಮಾಡುತ್ತವೆ.
ಹೀಗೆ ಹೂವನ್ನು ಮರುಬಳಕೆ ಮಾಡುವುದರಿಂದ ತ್ಯಾಜ್ಯ ಕಡಿಮೆ, ಪರಿಸರ ಸ್ನೇಹಿ ಹಬ್ಬ ಹಾಗೂ ಹೊಸ ಆದಾಯದ ಮಾರ್ಗಗಳು ಸಾದ್ಯವಾಗುತ್ತವೆ.
