ಲಕ್ಷ ಲಕ್ಷ ಬಾಚಿಕೊಂಡ RCB: ಕಪ್ ಮೇಲೆ ಕಪ್ ಗೆದ್ದ ತಂಡಕ್ಕೆ ಸಿಕ್ಕ ಬಹುಮಾನದ ಮೊತ್ತ ಎಷ್ಟು?
ಬೆಂಗಳೂರು: 19ನೇ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಯಶಸ್ವಿಯಾಗಿ ಮುಕ್ತಾಯಗೊಂಡಿದ್ದು, ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್ಸಿಬಿ) ಸತತ ಎರಡನೇ ಬಾರಿಗೆ ಚಾಂಪಿಯನ್ ಪಟ್ಟ ಅಲಂಕರಿಸಿದೆ. ಫೈನಲ್ನಲ್ಲಿ ಭರ್ಜರಿ ಪ್ರದರ್ಶನ ನೀಡಿದ ಆರ್ಸಿಬಿ ತಂಡಕ್ಕೆ 20 ಕೋಟಿ ರೂಪಾಯಿ ಬಹುಮಾನ ದೊರೆತಿದೆ.
2008ರಲ್ಲಿ ನಡೆದ ಮೊದಲ ಐಪಿಎಲ್ ಟೂರ್ನಿಯಲ್ಲಿ ವಿಜೇತ ತಂಡಕ್ಕೆ 4.8 ಕೋಟಿ ರೂಪಾಯಿ ಬಹುಮಾನ ನೀಡಲಾಗಿತ್ತು. ಇದೀಗ ಆ ಮೊತ್ತ 20 ಕೋಟಿಗೆ ಏರಿಕೆಯಾಗಿರುವುದು ಲೀಗ್ನ ಬೆಳವಣಿಗೆಯನ್ನು ತೋರಿಸುತ್ತದೆ. ಪ್ರಶಸ್ತಿ ಮೊತ್ತದ ಜೊತೆಗೆ ಪ್ರಾಯೋಜಕತ್ವ, ಬ್ರ್ಯಾಂಡ್ ಮೌಲ್ಯ ಮತ್ತು ಇತರೆ ಆದಾಯ ಮೂಲಗಳಿಂದಲೂ ಚಾಂಪಿಯನ್ ತಂಡಕ್ಕೆ ದೊಡ್ಡ ಪ್ರಮಾಣದ ಲಾಭ ಸಿಗುತ್ತದೆ.
ಫೈನಲ್ನಲ್ಲಿ ಸೋತು ರನ್ನರ್ಅಪ್ ಸ್ಥಾನ ಪಡೆದ ಗುಜರಾತ್ ಟೈಟಾನ್ಸ್ ತಂಡ 12.5 ಕೋಟಿ ರೂಪಾಯಿ ಬಹುಮಾನ ಪಡೆದಿದೆ. ಪ್ಲೇಆಫ್ ಹಂತ ತಲುಪಿದ ಇತರೆ ತಂಡಗಳಿಗೂ ಕೋಟ್ಯಂತರ ರೂಪಾಯಿ ಬಹುಮಾನ ವಿತರಿಸಲಾಗಿದೆ.
ಐಪಿಎಲ್ 2026ರ ಬಹುಮಾನ ಪಟ್ಟಿ
• ಚಾಂಪಿಯನ್: ರಾಯಲ್ ಚಾಲೆಂಜರ್ಸ್ ಬೆಂಗಳೂರು – ₹20 ಕೋಟಿ
• ರನ್ನರ್ಅಪ್: ಗುಜರಾತ್ ಟೈಟಾನ್ಸ್ – ₹12.5 ಕೋಟಿ
• ಕ್ವಾಲಿಫೈಯರ್-2ರಲ್ಲಿ ಸೋತ ತಂಡ: ರಾಜಸ್ಥಾನ್ ರಾಯಲ್ಸ್ – ₹7 ಕೋಟಿ
• ಎಲಿಮಿನೇಟರ್ನಲ್ಲಿ ಸೋತ ತಂಡ: ಸನ್ರೈಸರ್ಸ್ ಹೈದರಾಬಾದ್ – ₹6.5 ಕೋಟಿ
ವೈಯಕ್ತಿಕ ಪ್ರಶಸ್ತಿ ವಿಜೇತರು
• ಆರೆಂಜ್ ಕ್ಯಾಪ್: ವೈಭವ್ ಸೂರ್ಯವಂಶಿ (ರಾಜಸ್ಥಾನ್ ರಾಯಲ್ಸ್) – ₹10 ಲಕ್ಷ
• ಪರ್ಪಲ್ ಕ್ಯಾಪ್: ಕಗಿಸೊ ರಬಾಡ (ಗುಜರಾತ್ ಟೈಟಾನ್ಸ್) – ₹10 ಲಕ್ಷ
• ಮೋಸ್ಟ್ ವ್ಯಾಲ್ಯುಯೆಬಲ್ ಪ್ಲೇಯರ್ (ಎಂವಿಪಿ): ವೈಭವ್ ಸೂರ್ಯವಂಶಿ – ₹15 ಲಕ್ಷ
• ಸೀಸನ್ನ ಸೂಪರ್ ಸ್ಟ್ರೈಕರ್: ವೈಭವ್ ಸೂರ್ಯವಂಶಿ – ಟಾಟಾ ಸಿಯೆರಾ ಕಾರು
• ಅತಿಹೆಚ್ಚು ಡಾಟ್ ಬಾಲ್ಗಳು: ಮೊಹಮ್ಮದ್ ಸಿರಾಜ್ – ₹10 ಲಕ್ಷ
• ಎಮರ್ಜಿಂಗ್ ಪ್ಲೇಯರ್: ವೈಭವ್ ಸೂರ್ಯವಂಶಿ – ₹10 ಲಕ್ಷ
• ಫ್ಯಾಂಟಸಿ ಕಿಂಗ್: ಸಾಯಿ ಸುದರ್ಶನ್ – ₹10 ಲಕ್ಷ
• ಸೂಪರ್ ಸಿಕ್ಸರ್ ಪ್ರಶಸ್ತಿ: ವೈಭವ್ ಸೂರ್ಯವಂಶಿ – ₹10 ಲಕ್ಷ
• ಅತಿಹೆಚ್ಚು ಬೌಂಡರಿಗಳು: ಸಾಯಿ ಸುದರ್ಶನ್ – ₹10 ಲಕ್ಷ
• ಕ್ಯಾಚ್ ಆಫ್ ದ ಸೀಸನ್: ಮನೀಶ್ ಪಾಂಡೆ – ₹10 ಲಕ್ಷ
• ಫೇರ್ಪ್ಲೇ ಪ್ರಶಸ್ತಿ: ಪಂಜಾಬ್ ಕಿಂಗ್ಸ್ – ₹10 ಲಕ್ಷ
• ಅತ್ಯುತ್ತಮ ಪಿಚ್ ಮತ್ತು ಗ್ರೌಂಡ್ ಪ್ರಶಸ್ತಿ: ಸಿಎಬಿ – ₹50 ಲಕ್ಷ
• 4 ಅಥವಾ ಅದಕ್ಕಿಂತ ಕಡಿಮೆ ಪಂದ್ಯಗಳ ವಿಭಾಗದ ಅತ್ಯುತ್ತಮ ಪಿಚ್ ಮತ್ತು ಗ್ರೌಂಡ್: ಎಚ್ಪಿಸಿಎ – ₹25 ಲಕ್ಷ
• ಫೈನಲ್ ಪಂದ್ಯಶ್ರೇಷ್ಠ: ವಿರಾಟ್ ಕೊಹ್ಲಿ – ₹5 ಲಕ್ಷ
ಈ ಬಾರಿಯ ಐಪಿಎಲ್ನಲ್ಲಿ ವೈಭವ್ ಸೂರ್ಯವಂಶಿ ಹಲವು ವೈಯಕ್ತಿಕ ಪ್ರಶಸ್ತಿಗಳನ್ನು ಗೆದ್ದು ಮಿಂಚಿದರೆ, ಆರ್ಸಿಬಿ ಸತತ ಎರಡನೇ ಬಾರಿಗೆ ಟ್ರೋಫಿ ಗೆದ್ದು ಅಭಿಮಾನಿಗಳ ಕನಸನ್ನು ನನಸಾಗಿಸಿದೆ. ತಂಡದ ಈ ಸಾಧನೆ ಐಪಿಎಲ್ ಇತಿಹಾಸದಲ್ಲಿ ಮತ್ತೊಂದು ಸುವರ್ಣ ಅಧ್ಯಾಯವಾಗಿ ದಾಖಲಾಗಿದೆ.
