ದುನಿಯಾ ವಿಜಿ ಬದುಕಿನಲ್ಲಿ ಸಿಡಿ ಸೆನ್ಸೇಷನ್..!
“ಇನ್ನೆರಡು ದಿನ ಕಾದು ನೋಡಿ, ನನ್ನ ಪತಿ ದುನಿಯಾ ವಿಜಯ್ ಜೊತೆಯಲ್ಲಿ ಅಕ್ರಮವಾಗಿ ವಾಸ ಮಾಡುತ್ತಿರುವ ಕೀರ್ತಿಯ ಬಣ್ಣವನ್ನ ಬಯಲು ಮಾಡುತ್ತೇನೆ. ಅವಳ ಫೋಟೋ ಹಾಗೂ ವೀಡಿಯೋಗಳ ಸಿಡಿಯನ್ನೇ ಜಗತ್ತಿನ ಮುಂದೆ ಇಡುತ್ತೇನೆ”. ದುನಿಯಾ ವಿಜಯ್ ಅವರ ಪತ್ನಿ ನಾಗರತ್ನ ಸಿಡಿಸಿರುವ ಸೆನ್ಷೇನಲ್ ಬಾಂಬ್ ಇದು. ಕಳೆದ ಎರಡು ವರ್ಷಗಳಿಂದ ನಡೆಯುತ್ತಿದ್ದ ಗುದ್ದಾಟಕ್ಕೆ ಕೆಲವೇ ದಿನಗಳಲ್ಲಿ ತೆರೆ ಎಳೆಯುವುದಾಗಿಯೂ ಅವರು ಮಾಧ್ಯಮಗಳ ಮುಂದೆ ಹೇಳಿದ್ದಾರೆ.
ಕೀರ್ತಿ ಗೌಡ ಹೆಸರಿನ ಹುಡುಗಿ ಸ್ಲಮ್ನಲ್ಲಿ ಬೆಳೆದು ಬಂದವಳು. ಹಣಕ್ಕಾಗಿ ನನ್ನ ಪತಿಯನ್ನ ಬುಟ್ಟಿಗೆ ಹಾಕಿಕೊಂಡಿದ್ದಾಳೆ ಎಂದು ನಾಗರತ್ನ ಆರೋಪಿಸಿದ್ದಾರೆ. ಅಷ್ಟೇ ಅಲ್ಲ, ಕೀರ್ತಿ ಈ ಹಿಂದೆ ಯಾರ ಜೊತೆಯಲ್ಲಿ ಇದ್ದರು. ಏನೆಲ್ಲಾ ಮಾಡಿದ್ದರು ಎನ್ನುವ ಫೋಟೋ ಹಾಗೂ ವೀಡಿಯೋಗಳ ಸಿಡಿಯೊಂದನ್ನ ಬಿಡುಗಡೆ ಮಾಡುವುದಾಗಿಯೂ ತಿಳಿಸಿದ್ದಾರೆ. ಮಾಧ್ಯಮದವರು ಕೇಳಿದ ಪ್ರಶ್ನೆಗಳಿಗೆಲ್ಲಾ ಕಾದು ನೋಡಿ ಎನ್ನುವ ಉತ್ತರ ಕೊಟ್ಟ ನಾಗರತ್ನ, ಎರಡು ದಿನಗಳ ಕಾಲಾವಕಾಶ ಕೇಳಿದ್ದಾರೆ. ಆ ಮೂಲಕ ದುನಿಯಾ ವಿಜಯ್ ಪತ್ನಿಯರ ಜಡೆ ಜಗಳ ಇನ್ನೂ ಎರಡು ದಿನ ಮುಂದುವರೆಯಲಿದೆ ಎನ್ನುವ ಸೂಚನೆ ಸಿಕ್ಕಿದೆ..
ಇತ್ತ ನಾಗರತ್ನ ಅವರು ಕೀರ್ತಿ ಗೌಡ ವಿರುದ್ಧ ಮಾಧ್ಯಮಗಳ ಮುಂದೆ ಕುಳಿತು ಆರೋಪ ಮಾಡುತ್ತಿದ್ದರೆ, ಅತ್ತ ಕೀರ್ತಿ ತನ್ನ ಪತಿ ವಿಜಯ್ ಜೊತೆಯಲ್ಲಿ ಕಾಲ ಕಳೆಯುತ್ತಿದ್ದಾರೆ. ಮಡಿಕೇರಿಯ ರೆಸಾರ್ಟ್ಗೆ ತೆರಳಿರುವ ಅವರು ಜಾಲಿ ಮೂಡ್ನಲ್ಲಿದ್ದಾರೆ.
