ದೇವೇಗೌಡ್ರಿಗೆ 14 ಜನ ಗಂಡು ಮಕ್ಕಳಿಲ್ವಲ್ಲಾ ಎಂದು ರಾಷ್ಟ್ರೀಯ ಅಧ್ಯಕ್ಷರು, ಮಾಜಿ ಪ್ರಧಾನಿಗಳು ಆದ ಹೆಚ್.ಡಿ ದೇವೇಗೌಡ್ರಿಗೆ 14 ಜನ ಗಂಡು ಮಕ್ಕಳಿರ ಬೇಕಿತ್ತು..ಛೇ ಅವರಿಗೆ 14 ಜನ ಗಂಡು ಮಕ್ಕಳಿಲ್ವಲ್ಲಾ ಎಂದು ಮಾಜಿ ಉಪಮುಖ್ಯಮಂತ್ರಿ ಕೆ.ಎಸ್ ಈಶ್ವರಪ್ಪ ಸಿಕ್ಕಾಪಟ್ಟೆ ಬೇಜಾರಾಗಿ ಬಿಟ್ಟಿದ್ದಾರೆ..! ಅವರೇ ಈ ಬಗ್ಗೆ ಅಳಲನ್ನು ತೋಡಿಕೊಳ್ಳುವ ರೀತಿಯಲ್ಲಿ ವ್ಯಂಗ್ಯವಾಡಿ, ದೇವೇಗೌಡರ ವಿರುದ್ಧ ವಾಗ್ದಾಳಿ ನಡೆಸಿದರು.
ಕೊಪ್ಪಳದಲ್ಲಿ ಮಾತನಾಡಿದ ಈಶ್ವರಪ್ಪ, ದೇವೇಗೌಡ್ರಿಗೆ 28 ಮಕ್ಕಳು ಇದ್ದಿದ್ರೆ ಅವರಿಗೆಲ್ಲಾ ಟಿಕೆಟ್ ಸಿಕ್ತಾ ಇತ್ತು. ಕೊನೇ ಪಕ್ಷ ಅವರಿಗೆ 14 ಮಂದಿ ಗಂಡ್ ಮಕ್ಕಳು ಇದ್ದಿದ್ರೆ 14 ಸೊಸೆಯರು ಇರ್ತಾ ಇದ್ರು. ಆಗ 28 ಕ್ಷೇತ್ರಗಳಲ್ಲಿ ಅವರ ಕುಟುಂಬದವರನ್ನೇ ನಿಲ್ಲಿಸಬಹುದಿತ್ತು. ದೇವೇಗೌಡ್ರಿಗೆ 14 ಮಂದಿ ಗಂಡು ಮಕ್ಕಳು ಇಲ್ಲವಲ್ಲಾ ಎಂದು ನಂಗೆ ನೋವಾಗಿದೆ ಎಂದರು,
