ಸೇನೆಗೆ ಸೇರಲು ಕನ್ನಡ ಯುವಕರ ದಂಡು ಇವರಿಗೆ ಸಿಯಾಚಿನ್ ಹುತಾತ್ಮ ಯೋಧರೇ ಪ್ರೇರಣೆ..!

ವಿಶ್ವದ ಅತಿ ಎತ್ತರದ ಯುದ್ಧಭೂಮಿ ಸಿಯಾಚಿನ್ ನಲ್ಲಿ ಹಿಮಕುಸಿತದಿಂದ ನಮ್ಮ ಕನ್ನಡದ ವೀರಯೋಧರಾದ ಹನುಮಂತಪ್ಪ ಕೊಪ್ಪದ್, ಟಿಟಿ ನಾಗೇಶ್, ಪಿಎನ್ ಮಹೇಶ್ ಸೇರಿದಂತೆ ಹತ್ತುಮಂದಿ ಯೋಧರು ಹುತಾತ್ಮರಾಗಿರುವ ನೋವಿನ ವಿಷ್ಯಾ ನಮಗೆಲ್ಲಾ ಗೊತ್ತು..! ಆದರೆ ಈ ವೀರಯೋಧರು ಯುವಕರಿಗೆ ಸ್ಪೂರ್ತಿಯ ಚಿಲುಮೆಯಾಗಿ, ಸೇನೆಗೆ ಸೇರಲು ಪ್ರೇರಣೆಯಾಗಿ ನಮ್ಮನ್ನೆಲ್ಲಾ ಬಿಟ್ಟು ಹೊರಟು ಹೋಗಿದ್ದಾರೆ..! ಹುತಾತ್ಮರಾದ ಯೋಧರ ಪ್ರೇರಣೆಯಿಂದ ದೇಶ ಸೇವೆಗೆ ಯುವಕರು ಪಣತೊಟ್ಟು ನಿಂತು ಸೇನೆ ಸೇರಲು ತಾಮುಂದು ನಾಮುಂದೆಂದು ಓಡೋಡಿ ಬರ್ತಿದ್ದಾರೆ..!
ನಮ್ಮ ಕನ್ನಡದ ಯುವಪಡೆ ಕೂಡ ಸೇನೆ ಸೇರಲು ಹಾತೊರೆಯುತ್ತಿದ್ದಾರೆ..! ಈಗ ನಮ್ಮ ಮೈಸೂರಲ್ಲಿ ವಾಯುಸೇನೆಗಾಗಿ ಮೈಸೂರಲ್ಲಿ ನೇಮಕಾತಿ ನಡೀತಾ ಇದೆ..! ಅದಕ್ಕಾಗಿ ಕರ್ನಾಟಕದ ನಾನಾಕಡೆಗಳಿಂದ ಸರಿಸುಮಾರು 3000 ಯುವಕರು ಬಂದಿದ್ದಾರೆ..! ಇವರೆಲ್ಲಾ ಸೇನೆಗೆ ಸೇರಲು ಮುಂದಾಗಿರೋದಕ್ಕೆ ಸಿಯಾಚಿನ್ ಹುತಾತ್ಮ ಯೋಧರೇ ಪ್ರೇರಣೆಯಂತೆ..!
ದೇಶ ಸೇವೆಗೆ ಮುನ್ನುಗ್ಗುತ್ತಿರುವ ನಮ್ಮ ಯುವಪಡೆಗೊಂದು ಸಲಾಂ..! ತಾಯಿ ಭಾರತೀ ಸೇವೆಗೆ ಸಿದ್ದರಾಗಿರೋ ಯುವಕರಿಗೆ ಶುಭವಾಗಲಿ