`ನನ್ನ ನಿನ್ನ ಪ್ರೇಮ ಕಥೆ' ಆಡಿಯೋ ನಾಳೆ ರಿಲೀಸ್..!

ನನ್ನ ನಿನ್ನ ಪ್ರೇಮಕಥೆ.. ಸ್ಯಾಂಡಲ್ ವುಡ್ ನ ಚಿನ್ನಾರಿ ಮುತ್ತ ಹಾಗೆ ನಿಧಿ ಸುಬ್ಬಯ್ಯ ಅಭಿನಯದ ರೊಮ್ಯಾಂಟಿಕ್ ಸಿನಿಮಾ… ಈಗಾಗ್ಲೇ ಸೈಲೆಂಟಾಗಿ ಶೂಟಿಂಗ್ ಕೂಡ ಮುಗಿಸಿದೆ ಚಿತ್ರತಂಡ.. ಎ.ಬಿ.ಸಿನಿಮಾ ಕ್ರಿಯೇಷನ್ಸ್ ಬ್ಯಾನರ್ನಡಿ ಸಿದ್ದವಾಗಿರೋ ಈ ಪ್ರೇಮಕಥೆಗೆ, ಆನಂದ ಸಿ.ನ್ಯಾಮಗೌಡ ನಿರ್ಮಾಣ ಮಾಡಿದ್ದಾರೆ.. ಶಿವು ಜಮಖಂಡಿ ಆಕ್ಷನ್-ಕಟ್ ಹೇಳಿದ್ದಾರೆ.. ಸದ್ಯಕ್ಕೆ ಚಿತ್ರೀಕರಣವನ್ನ ಮುಗಿಸಿರೋ ಫಿಲ್ಂ ಟೀಮ್ ನಾಳೆ ಅದ್ದೂರಿಯಾಗಿ ಆಡಿಯೋವನ್ನ ಬಿಡುಗಡೆ ಮಾಡಲಿದೆ. ಇದಕ್ಕಾಗಿ ಭರ್ಜರಿ ತಯಾರಿಯನ್ನ ಮಾಡಿಕೊಂಡಿದ್ದು, ಇದೇ ಸಮಾರಂಭದಲ್ಲಿ ವಿಜಯ್ ರಾಘವೇಂದ್ರ ಅವರ ಹುಟ್ಟು ಹಬ್ಬವನ್ನ ಕೂಡ ಆಚ್ಚರಿಸಲಿದ್ದಾರೆ.. ಈ ನವಿರಾದ ಪ್ರೇಮಕಥೆಗೆ ಬರೀ ನಿರ್ದೇಶಕರಾಗಿ ಮಾತ್ರವಲ್ಲದೆ ಅಷ್ಟೆ ಇಂಪಾದ ಸಂಗೀವನ್ನ ನೀಡಿದ್ದಾರೆ ಶಿವು ಜಮಂಖಡಿ.. ನಾಳೆ ಸಂಜೆ(26/05/2016) ಜಯನಗರದ ಜೆ.ಎಸ್.ಎಸ್.ಸಭಾಂಗಣದಲ್ಲಿ ಆಡಿಯೋ ಬಿಡುಗಡೆ ಸಮಾರಂಭ ನಡೆಯಲಿದೆ.. ಅಂದಹಾಗೆ ಈ ಸಿನಿಮಾದಲ್ಲಿ ವಿಜಯ್ ರಾಘವೇಂದ್ರ, ನಿಧಿ ಸುಬ್ಬಯ್ಯ ಸೇರಿದಂತೆ ಚಿಕ್ಕಣ್ಣ, ಗುರುರಾಜ್ ಹೊಸಕೋಟೆ, ರಘುಭಟ್ ಮುಂತಾದವರು ಸಿನಿಮಾಗಾಗಿ ಬಣ್ಣ ಹಚ್ಚಿದ್ದಾರೆ.. ಇವರೊಟ್ಟಿಗೆ ಉಗ್ರಂ ಖ್ಯಾತಿಯ ತಿಲಕ್ ಕೂಡ ಸಿನಿಮಾದಲ್ಲಿದ್ದು ಬಹುಮುಖ್ಯ ಪಾತ್ರವನ್ನ ಪ್ಲೇ ಮಾಡಿದ್ದಾರೆ…