ರಶ್ಮಿಕಾ ಮಂದಣ್ಣ ಬಾಲಿವುಡ್‌ನಲ್ಲಿ ಒಳ್ಳೆ ಹೆಸರು ಮಾಡಿದ್ದಾರೆ. ಅನಿಮಲ್ ಚಿತ್ರ ಬಂದ್ಮೇಲೆ ಅಲ್ಲಿ ಈ ಬೆಡಗಿಯನ್ನ ನೋಡೋ ಆ್ಯಂಗಲ್ ಬದಲಾಗಿದೆ. ಉರಿ ಚಿತ್ರ ಖ್ಯಾತಿಯ ನಟ ವಿಕ್ಕಿ ಕೌಶಲ್ ಜೊತೆಗೆ ರಶ್ಮಿಕಾ ಇತ್ತೀಚಿಗೆ ಒಂದು ಫೋಟೋ ಶೂಟ್ ಮಾಡಿಸಿದ್ದಾರೆ. ಆ ಫೋಟೋ ಶೂಟ್‌ನಲ್ಲಿಯ ತಮ್ಮ ಕೆಲವು ಫೋಟೋಗಳನ್ನ ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
ಪರ್ಪಲ್ ಬ್ಯಾಗ್ರೌಂಡ್‌ನಲ್ಲಿ ಇಡೀ ಒಂದು ಫೋಟೋ ಶೂಟ್ ಮಾಡಲಾಗಿದೆ. ಈ ಒಂದು ಫೋಟೋ ಶೂಟ್‌ನಲ್ಲಿ ವಿಶೇಷವೊಂದಿದೆ. ಹೌದು, ಇಲ್ಲಿ ಹಿನ್ನೆಲೆಯಲ್ಲಿ ಅತಿ ದೊಡ್ಡ ಆನೆಯನ್ನ ಗೋಡೆಯಲ್ಲಿ ಬಿಡಿಸಲಾಗಿದೆ. ಅದು ಪರ್ಪಲ್ ಕಲರ್‌ನಲ್ಲಿಯೇ ಇದೆ. ಈ ಒಂದು ವಿಶೇಷ ಆನೆ ಮುಂದೆ ರಶ್ಮಿಕಾ ಫೋಟೋ ಶೂಟ್ ಮಾಡಿಸಿದ್ದಾರೆ.
ಇಲ್ಲಿ ಹಂಸ ಕೂಡ ಇದೆ. ಆ ಹಂಸದ ಮುಂದೆ ಕುಳಿತು ರಶ್ಮಿಕಾ ಮಂದಣ್ಣ ವಿವಿಧ ರೀತಿ ಪೋಸ್ ಕೊಟ್ಟಿದ್ದಾರೆ. ಆದರೆ, ಇಲ್ಲಿ ರಶ್ಮಿಕಾ ರಾಣಿ ರೀತಿ ಕಾಣಿಸುತ್ತಿದ್ದಾರೆ. ದುಷ್ಯಂತನ ಶಕುಂತಲೆ ರೀತಿನೇ ಕಾಯುತ್ತಿದ್ದಾರೆ ಅನಿಸುತ್ತದೆ.
ರಶ್ಮಿಕಾ ಮಂದಣ್ಣ ತಮ್ಮ ಈ ಒಂದು ಫೋಟೋ ಶೂಟ್‌ನಲ್ಲಿ ತೇಟ ರಾಣಿ ರೀತಿನೇ ಹೊಳೆಯುತ್ತಿದ್ದಾರೆ. ರಾಣಿ ರೂಪದ ಕಾಸ್ಟೂಮ್ ಧರಿಸಿಕೊಂಡಿದ್ದಾರೆ. ಧರಿಸಿರೋ ಬ್ಲೌಸ್‌ನಲ್ಲಿ ಮುತ್ತುಗಳು ಹೇರಳವಾಗಿಯೇ ಇವೆ. ಹೇರ್‌ ಸ್ಟೈಲ್‌ನಲ್ಲೂ ಮುತ್ತುಗಳ ಮಾಲೆ ಇದೆ. ಇವೆಲ್ಲವೂ ಈ ಬೆಡಗಿಯ ಸೌಂದರ್ಯವನ್ನ ಇನ್ನಷ್ಟು ಹೆಚ್ಚಿಸಿವೆ.
