ನಿಮ್ಮ ದಿನಚರಿಯಲ್ಲಿ ಸಾಸಿವೆಯನ್ನು ಬಳಸುವುದರಿಂದ ಎಷ್ಟೆಲ್ಲಾ ಬೆನಿಫಿಟ್ ಗೊತ್ತಾ?
ಸಾಸಿವೆ ಎಂದಾಕ್ಷಣ ಮನಸ್ಸಿನಲ್ಲಿ ಮೂಡುವ ಮೊದಲ ವಿಷಯವೆಂದರೆ ಅದು ಸಾಸಿವೆ ಎಣ್ಣೆ. ಆದರೆ, ಇಂದು ನಾವು ನಿಮ್ಮೊಂದಿಗೆ ಸಾಸಿವೆ ಬೀಜಗಳ ಬಗ್ಗೆ ಚರ್ಚಿಸುತ್ತಿದ್ದೇವೆ. ಇದು ದೇಶದ ಪ್ರತಿಯೊಂದು ಅಡುಗೆ ಮನೆಯ ಭಾಗವಾಗಿದೆ. ಏಕೆಂದರೆ ಇದು ಪ್ರತಿ ಒಗ್ಗರಣೆಯ ಒಂದು ಮಹತ್ವದ ಭಾಗವಾಗಿದೆ. ಸಾಮಾನ್ಯವಾಗಿ ಮೂರು ವಿಧದ ಸಾಸಿವೆ ಕಾಳುಗಳು ಕಂಡು ಬರುತ್ತವೆ. ಕಪ್ಪು, ಹಳದಿ ಮತ್ತು ಬಿಳಿ ಬಣ್ಣದ ಸಾಸಿವೆ ಕಾಳುಗಳು.
ನಮ್ಮ ಭಾರತೀಯ ಪಾಕ ಪದ್ದತಿಯಲ್ಲಿ ಸಾಸಿವೆಗೆ ಅದರದ್ದೇ ಆದಂತಹ ಮಹತ್ವವಿದೆ. ಅದನ್ನು ಒಗ್ಗರಣೆ ಅಥವಾ ಎಣ್ಣೆಯ ರೂಪದಲ್ಲಿ ಹೆಚ್ಚಾಗಿ ಬಳಸಲಾಗುತ್ತದೆ. ಆಯುರ್ವೇದದಲ್ಲಿಯೂ ಇದಕ್ಕೆ ಮಹತ್ವದ ಸ್ಥಾನವಿದೆ. ಮನೆಯಲ್ಲಿ ಸಾಮಾನ್ಯವಾಗಿ ಒಗ್ಗರಣೆ ಹಾಕಬೇಕು ಅಂದಾಗ ಅದರಲ್ಲಿ ಬಳಸಲಾಗುವ ಮುಖ್ಯವಾದ ಪದಾರ್ಥ ಅಂದರೆ ಸಾಸಿವೆ. ಈ ಸಾಸಿವೆ ಕೇವಲ ರುಚಿ ಮಾತ್ರ ಕೊಡುವುದಲ್ಲದೆ, ಆರೋಗ್ಯಕ್ಕೆ ಈ ಪುಟ್ಟ ಕಾಳಿನಿಂದ ದೇಹಕ್ಕೆ ಹಲವಾರು ಪ್ರಯೋಜನಗಳಿವೆ. ಇದನ್ನು ಹಾಗೆಯೇ ತಿನ್ನಲಾಗುವುದಿಲ್ಲ. ಆದ್ದರಿಂದ ಎಣ್ಣೆಯಲ್ಲಿ ಒಗ್ಗರಣೆ ರೂಪದಲ್ಲಿ ತಿನ್ನಬಹುದು. ಅಲ್ಲದೆ ಸಾಸಿವೆ ಎಣ್ಣೆಯನ್ನೂ ಕೂಡಾ ಬಳಸಬಹುದಾಗಿದೆ.
ಸಾಸಿವೆಯನ್ನು ಬಳಸಿದ ಅಡುಗೆಯಲ್ಲಿ ರುಚಿ ಹೆಚ್ಚಿರುವುದರ ಜೊತೆಗೆ ಪರಿಮಳ ಕೂಡಾ ಹೆಚ್ಚಾಗಿರುತ್ತದೆ. ಆದ್ದರಿಂದ ಹೆಚ್ಚಾಗಿ ಅಡುಗೆಯಲ್ಲಿ ಬಳಸಲಾಗುತ್ತದೆ. ಹಲವಾರು ಪ್ರಯೋಜನಗಳನ್ನು ಹೊಂದಿರುವ ಈ ಪುಟ್ಟ ಕಾಳಿನಲ್ಲಿ ಏನೆಲ್ಲಾ ಪ್ರಯೋಜನಗಳಿವೆ. ಹೇಗೆ ಇದು ಆಹಾರದಲ್ಲಿ ಬಳಸಿದಲ್ಲಿ ನಮ್ಮ ದೇಹಕ್ಕೆ ಉಪಯೋಗವಾಗಬಹುದು ಎಂದು ನೋಡೋಣ.
ಪ್ರತಿನಿತ್ಯ ಇದರ ಸೇವನೆಯು ಮೂಳೆಗಳಿಗೆ ಅತ್ಯುತ್ತಮ. ದೊಡ್ಡವರಿಗಾಗಲಿ ಚಿಕ್ಕವರಿಗಾಗಲಿ ಮೂಳೆಗಳನ್ನು ಬಲ ಪಡಿಸಲು ಅವರ ಅಹಾರದಲ್ಲಿ ಸಾಸಿವೆಯನ್ನು ಉಪಯೋಗಿಸುವುದು ತುಂಬಾ ಒಳ್ಳೆಯದು. ಸಾಸಿವೆಯನ್ನು ಹಾಗೇ ಉಪಯೋಗಿಸಲು ಆಗುವುದಿಲ್ಲ. ಅದನ್ನು ಎಣ್ಣೆಯಲ್ಲಿ ಕರಿದಲ್ಲಿ ಮಾತ್ರ ಅದರ ರುಚಿ ಸಿಗುತ್ತದೆ. ಈ ಕಾಳು ಮೂಳೆಗಳನ್ನು ಬಲ ಪಡಿಸಲು ತುಂಬಾ ಉಪಯೋಗಕಾರಿಯಾದ ಇದರಲ್ಲಿ ಶಕ್ತಿವರ್ಧಕ ಗುಣಗಳು ಮತ್ತು ಖನಿಜಾಂಶಗಳು ಹೆಚ್ಚಾಗಿರುವುದರಿಂದ ಇದು ಆರೋಗ್ಯಕ್ಕೆ ಉತ್ತಮ ಪರಿಣಾಮಬೀರುತ್ತದೆ. ಹೃದಯದ ಆರೋಗ್ಯವನ್ನು ಕಾಪಾಡುವಲ್ಲಿ ಇದು ಸಹಾಯಕಾರಿ. ಆದ್ದರಿಂದ ಅಡುಗೆಯಲ್ಲಿ ಸಾಸಿವೆಯನ್ನು ಬಳಸುವುದು ಅಥವಾ ಸಾಸಿವೆ ಎಣ್ಣೆಯನ್ನು ಕೂಡಾ ಬಳಸುವುದು ಪ್ರಯೋಜನಕಾರಿ.
ಹಲವಾರು ಕಾಯಿಲೆಗಳಿಗೆ ರೋಗ ನಿರೋಧಕ ಶಕ್ತಿಯ ಅವಶ್ಯಕತೆಯಿದೆ . ಈ ರೋಗ ನಿರೋಧಕ ಶಕ್ತಿಯನ್ನು ದೇಹದಲ್ಲಿ ಹೆಚ್ಚು ಮಾಡಲು ಸಾಸಿವೆಯು ಸಹಾಯಕಾರಿ.
ಕೂದಲಿನ ಆರೋಗ್ಯಕ್ಕೆ : ಕೂದಲು ಉದುರುವಿಕೆ , ತಲೆಹೊಟ್ಟಿನಂತ ಸಮಸ್ಯೆಯನ್ನು ಹೋಗಲಾಡಿಸಿ ಕೂದಲು ದಟ್ಟವಾಗಿ ಬೆಳೆಯಲು ಇದು ಸಹಾಯ ಮಾಡುತ್ತದೆ.
ಪ್ರಮುಖವಾಗಿ ಹೆಣ್ಣುಮಕ್ಕಳಿಗೆ ಚರ್ಮದ ಆರೈಕೆಯಲ್ಲಿ ಇದು ಅತ್ಯಂತ ಪ್ರಮುಖ ಪಾತ್ರವಹಿಸುತ್ತದೆ .ಮೊಡವೆಗಳಾಗದೆ ಇರುವ ಹಾಗೆ , ಮೊಡವೆ ಕಲೆಗಳನ್ನು ಹೋಗಲಾಡಿಸಲು, ಚರ್ಮವು ಕಾಂತಿಯುತವಾಗಿ ಹೊಳೆಯಲು ಇತ್ಯಾದಿಯಾಗಿ ಚರ್ಮದ ಕಾಳಜಿವಹಿಸುವವರಿಗಾಗಿ ಸಾಸಿವೆಯ ಸೇವನೆ ಅಥವಾ ಸಾಸಿವೆ ಎಣ್ಣೆಯನ್ನು ಬಳಸುವುದು ಅತ್ಯಂತ ಪ್ರಯೋಜನಕಾರಿಯಾಗಿದೆ. ಅಲ್ಲದೆ ಅಲರ್ಜಿಗಳಾಗದಂತೆ ತಡೆಯಲೂ ಕೂಡಾ ಇದು ಸಹಾಯ ಮಾಡುತ್ತದೆ.
ಕ್ಯಾನ್ಸರ್ ನಂತಹ ಕಾಯಿಲೆಗಳನ್ನು ತಡೆಗಟ್ಟುವಲ್ಲಿಯೂ ಕೂಡಾ ಸಾಸಿವೆಯು ಪಾತ್ರವಹಿಸುತ್ತದೆ. ಹೀಗೆ ಹಲವಾರು ಸಮಸ್ಯೆಗಳನ್ನು ತಡೆಗಟ್ಟಲು ಅಥವಾ ಸಮಸ್ಯೆಗಳನ್ನು ನಿವಾರಿಸುವಲ್ಲಿ ಈ ಸಾಸಿವೆಯು ಪ್ರಮುಖ ಪಾತ್ರವಹಿಸುತ್ತದೆ.
ಒಸಡುಗಳು, ಹಲ್ಲುಗಳು ಮತ್ತು ನಾಲಗೆ ಆರೋಗ್ಯಕ್ಕೆ ಇದು ಇದು ಸಹಾಯಕಾರಿ. ಹಲ್ಲುಗಳ ಆರೋಗ್ಯವನ್ನು ಕಾಪಾಡುತ್ತಾ ಹಲ್ಲುಗಳು ಗಟ್ಟಿಯಾಗುವಂತೆ ಮಾಡಲು ಇದು ಸಹಕಾರಿ. ಅದರಲ್ಲೂ ಮಕ್ಕಳ ಹಲ್ಲುಗಳ ರಕ್ಷಣೆಯಲ್ಲಿ ಇದು ಮಹತ್ತರ ಪಾತ್ರವಹಿಸುತ್ತದೆ.
