ಮಣ್ಣಿನ ಮಡಿಕೆಯಲ್ಲಿ ನೀರು ಕುಡಿಯುವುದರಿಂದ ಸಿಗುವ ಲಾಭಗಳೇನು ಗೊತ್ತಾ..?
ಹಿಂದಿನ ಕಾಲದಲ್ಲೆಲ್ಲಾ ಮಡಕೆ ನೀರನ್ನು ಬಳಸುತ್ತಿದ್ದ ಬಗ್ಗೆ ನೀವು ಕೇಳಿರುವಿರಿ. ಈಗಿನ ಕಾಲದಲ್ಲೂ ಕೆಲವರು ಮಣ್ಣಿನ ಮಡಕೆಯ ನೀರನ್ನು ಕುಡಿಯಲು ಇಷ್ಟಪಡುತ್ತಾರೆ. ಮಣ್ಣಿನ ಮಡಕೆಯಲ್ಲಿಟ್ಟ ನೀರು ಬಹಳ ತಂಪಾಗಿರುತ್ತದೆ, ಜೊತೆಗೆ ಉತ್ತಮ ರುಚಿಯನ್ನೂ ಹೊಂದಿರುತ್ತದೆ. ಇನ್ನು ಬೇಸಿಗೆಯಲ್ಲಿ ಎಷ್ಟು ನೀರು ಕುಡಿದರೂ ಸಾಕಾಗುವುದಿಲ್ಲ. ಅಂತಹ ಸಂದರ್ಭದಲ್ಲಿ ಮಡಕೆಯ ನೀರು ನಿಮಗೆ ಉತ್ತಮ ಆಯ್ಕೆಯಾಗಿದೆ.
ಮಣ್ಣಿನ ಮಡಿಕೆ ಅನ್ನೋದು ಹಿಂದಿನ ಪರಿಕಲ್ಪನೆ. ತಾಮ್ರ, ಸ್ಟೀಲ್‌, ಹಿತ್ತಾಳೆ ಬರೋ ಮುನ್ನ ಜನರಿಗೆ ಮಣ್ಣಿನ ಪಾತ್ರೆಗಳೇ ಎಲ್ಲವೂ ಆಗಿತ್ತು. ಆಗ ಜನ ಇದರಿಂದಲೇ ಆಹಾರ ಬೇಯಿಸೋದು, ನೀರು ಸಂಗ್ರಹಿಸೋದು ಆಗಿತ್ತು. ಹಾಗೆಯೇ ಯಾವುದೇ ವಿಷಕಾರಿ ಅಂಶ ಈ ಪಾತ್ರೆಗಳಿಂದ ಅವರ ದೇಹ ಸೇರುತ್ತಿರಲಿಲ್ಲ. ಈ ಪ್ರಯೋಜನಗಳನ್ನು ಅರಿತುಕೊಂಡ ಜನ ಈಗ ಮತ್ತದೇ ಮಣ್ಣಿನ ಪಾತ್ರೆಗಳಿಗೆ ಹಿಂದಿರುಗಿದ್ದಾರೆ.
ನ್ಯಾಚುರಲ್‌ ಕೋಲ್ಡ್‌ ವಾಟರ್
ಮಣ್ಣಿನ ಮಡಿಕೆಗಳು ಆವಿಯಾಗುವ ಪ್ರಕ್ರಿಯೆಯ ಮೂಲಕ ನೀರನ್ನು ನೈಸರ್ಗಿಕವಾಗಿ ತಂಪಾಗಿಸುತ್ತವೆ. ವಿಶೇಷವಾಗಿ ಬಿಸಿ ವಾತಾವರಣದಲ್ಲಿ ಇದು ರಿಫ್ರೆಶ್ ಮತ್ತು ಕುಡಿಯಲು ಹಿತವಾಗಿರುತ್ತದೆ.
ನೈಸರ್ಗಿಕ ಶುದ್ಧಿಕಾರಕ
ಮಣ್ಣಿನ ಪಾತ್ರೆಗಳು ನೀರನ್ನು ತಂಪಾಗಿಸಲು ಮಾತ್ರವಲ್ಲದೆ ನೈಸರ್ಗಿಕವಾಗಿ ಶುದ್ಧೀಕರಿಸಲು ಸಹ ಉಪಯುಕ್ತವಾಗಿದೆ. ಸರಂಧ್ರ ಸೂಕ್ಷ್ಮ ವಿನ್ಯಾಸವು ನೀರಿನಲ್ಲಿನ ಮಾಲಿನ್ಯಕಾರಕಗಳನ್ನು ನಿರ್ಬಂಧಿಸುತ್ತದೆ ಮತ್ತು ಅದನ್ನು ಕುಡಿಯಲು ಸುರಕ್ಷಿತಗೊಳಿಸುತ್ತದೆ.
ಚಯಾಪಚಯ ಕ್ರಿಯೆ ಸುಧಾರಣೆ
ಮಣ್ಣಿನ ಪಾತ್ರೆಯಲ್ಲಿ ಸಂಗ್ರಹಿಸಿದ ನೀರನ್ನು ಕುಡಿಯುವುದರಿಂದ ಮಣ್ಣಿನಲ್ಲಿರುವ ಖನಿಜಾಂಶಗಳು ನಮ್ಮ ಚಯಾಪಚಯವನ್ನು ಸುಧಾರಿಸಲು ಸಹಾಯ ಮಾಡುತ್ತವೆ.
ಆಮ್ಲೀಯತೆಯನ್ನು ದೂರ ಮಾಡುತ್ತದೆ
ಮಣ್ಣಿನ ಮಡಿಕೆಗಳು ನೀರಿನಲ್ಲಿ ಆಮ್ಲೀಯತೆಯನ್ನು ತಟಸ್ಥಗೊಳಿಸಲು ಸಹಾಯ ಮಾಡುತ್ತದೆ, ಇದು ಹೆಚ್ಚು ಕ್ಷಾರೀಯವಾಗಿಸುತ್ತದೆ. ಮಣ್ಣಿನ ಪಾತ್ರೆಗಳಲ್ಲಿ ಸಂಗ್ರಹವಾಗಿರುವ ನೀರಿನ ಕ್ಷಾರೀಯ ಗುಣವು ಹೊಟ್ಟೆಯಲ್ಲಿ ಆಮ್ಲ ಮಟ್ಟವನ್ನು ಸಮತೋಲನಗೊಳಿಸುವ ಮೂಲಕ ಉತ್ತಮ ಜೀರ್ಣಕ್ರಿಯೆಗೆ ಸಹಾಯ ಮಾಡುತ್ತದೆ.
ಹಲವು ಖನಿಜ
ಮಣ್ಣಿನ ಪಾತ್ರೆಗಳು ಕ್ಯಾಲ್ಸಿಯಂನಂತಹ ಅಗತ್ಯವಾದ ಖನಿಜಗಳೊಂದಿಗೆ ನೀರನ್ನು ಖನಿಜಭರಿತವಾಗಿಸುತ್ತದೆ. ಕ್ಯಾಲ್ಸಿಯಂ ಜೊತೆಗೆ ಮೆಗ್ನೀಸಿಯಮ್, ಕಬ್ಬಿಣ ಮತ್ತು ರಂಜಕ ಕೂಡ ಇದ್ದು, ಇದು ಆರೋಗ್ಯಕ್ಕೆ ಪ್ರಯೋಜನಕಾರಿಯಾಗಿದೆ.
ದೇಹದ ಉಷ್ಣತೆಯನ್ನು ನಿಯಂತ್ರಣ
ಮಣ್ಣಿನ ಮಡಕೆಯಿಂದ ನೈಸರ್ಗಿಕವಾಗಿ ತಂಪಾಗಿರುವ ನೀರನ್ನು ಕುಡಿಯುವುದರಿಂದ ದೇಹದ ಉಷ್ಣತೆಯನ್ನು ನಿಯಂತ್ರಿಸಲು ಮತ್ತು ಬೇಸಿಗೆಯಲ್ಲಿ ಸೂರ್ಯನ ಶಾಖವನ್ನು ತಡೆದುಕೊಳ್ಳಲು ಸಹಾಯ ಮಾಡುತ್ತದೆ.
ಪರಿಸರ ಸ್ನೇಹಿ
ನೀರಿನ ಸಂಗ್ರಹಕ್ಕಾಗಿ ಮಣ್ಣಿನ ಮಡಕೆಗಳ ಬಳಕೆ ಪರಿಸರ ಸ್ನೇಹಿ ಆಯ್ಕೆಯಾಗಿದೆ ಏಕೆಂದರೆ ಅವುಗಳು ನೈಸರ್ಗಿಕ ವಸ್ತುಗಳಿಂದ ಮಾಡಲ್ಪಟ್ಟಿದೆ ಮತ್ತು ಯಾವುದೇ ಹಾನಿಕಾರಕ ರಾಸಾಯನಿಕಗಳನ್ನು ಒಳಗೊಂಡಿರುವುದಿಲ್ಲ.
