ಇಂದು ವಿಶ್ವದಾದ್ಯಂತ ಮಾರ್ಟಿನ್ ರಿಲೀಸ್: ಸಿನಿಮಾ ರಿಲೀಸ್ ಗೂ ಮೊದಲೇ ಗೋಪೂಜೆ ಮಾಡಿದ ಧ್ರುವ!
ಧ್ರುವ ಸರ್ಜಾ ಮನೆಯಲ್ಲಿ ಇಂದು ಸಂತಸ ಮನೆ ಮಾಡಿದೆ. ಒಂದೆಡೆ ನಾಡಿನೆಲ್ಲಡೆ ಹಬ್ಬದ ಸಂಭ್ರಮ, ಮತ್ತೊಂದೆಡೆ ಮಾರ್ಟಿನ್ ರಿಲೀಸ್ ಆಗುತ್ತಿರುವುದು ಅಭಿಮಾನಿಗಳು ಹಾಗೂ ಧ್ರುವ ಕುಟುಂಬಕ್ಕೆ ಇನ್ನಿಲ್ಲದ ಸಂತಸ, ಸಂಭ್ರಮ ಮನೆ ಮಾಡಿದೆ.
ಧ್ರುವ ಸರ್ಜಾ ಅವರ ಬಹು ನಿರೀಕ್ಷಿತ ಮಾರ್ಟಿನ್ ಸಿನಿಮಾ ಕೂಡ ಇವತ್ತೇ ಬೆಳ್ಳಿ ತೆರೆಗೆ ಅಪ್ಪಳಿಸುತ್ತಿದೆ. ಇದೇ ಖುಷಿಯಲ್ಲಿದ್ದ ಧ್ರವ ಸರ್ಜಾ ನಿವಾಸಕ್ಕೆ ಕೋಲೆ ಬಸವ ಬಂದಿದೆ. ಹೀಗಾಗಿ ಮನೆ ಬಳಿ ಬಂದ ಗೋವುಗಳಿಗೆ ಕುಂಕುಮವಿಟ್ಟು ಆರತಿ ಬೆಳಗಿ, ಪೂಜೆ ಸಲ್ಲಿಸಿದ್ದಾರೆ. ಬಳಿಕ ಧ್ರುವಾ ಸರ್ಜಾ ಅವರು ತಮ್ಮ ಕೈಯಾರೆ ಹಸುಗಳಿಗೆ ಬಾಳೆಹಣ್ಣು, ಬೆಲ್ಲ ತಿನ್ನಿಸಿದ್ದಾರೆ.
ಗೋಪೂಜೆ ಮುಗಿದ ಮೇಲೆ ತಮ್ಮ ತಾಯಿ ಕಾಲಿಗೆ ನಮಸ್ಕರಿಸಿ ಆಶೀರ್ವಾದ ಪಡೆದುಕೊಂಡಿದ್ದಾರೆ. ಮನೆ ಬಳಿ ಇದೆಲ್ಲ ಆದ ಬಳಿಕ ಮಾರ್ಟಿನ್ ಸಿನಿಮಾ ಯಶಸ್ವಿಯಾಗಲೆಂದು ಉಮಾ ಮಹೇಶ್ವರಿ ದೇವಸ್ಥಾನದಲ್ಲಿ ವಿಶೇಷ ಪೂಜೆ ಸಲ್ಲಿಸಿದ್ದಾರೆ.
