ದೇವರು ಯಾವತ್ತಿಗೂ ದೇವರೇ…

ಸಿಕ್ಸರ್ ಗಳ ಸುರಿಮಳೆಯಾಗಿತ್ತು, ಹೈದ್ರಾಬಾದ್ ತಂಡ ಜಯಭೇರಿ ಭಾರಿಸಿತ್ತು. ಯುವರಾಜ್ ಪಂದ್ಯದಲ್ಲಿ ಮಿಂಚಿನ ಆಟ ಆಡಿ ನಂತರ ಏಕಾಏಕಿ ಕ್ರಿಕೆಟ್ ಸಾಮ್ರಾಟನ ಕಾಲಿಗೆರಗಿ ನಮಸ್ಕರಿಸಿದ್ರು. ಇದು ಯುವರಾಜ್ ಸಿಂಗ್ ಮತ್ತು ಸಚಿನ್ ತೆಂಡುಲ್ಕರ್ ನಡುವಿನ ಭಾಂದವ್ಯಕ್ಕೆ ಹಿಡಿದ ಕನ್ನಡಿಯಂತಿತ್ತು.

ಸಚಿನ್ ತೆಂಡುಲ್ಕರ್, ವಿಶ್ವ ಕ್ರಿಕೆಟ್ ನ ಅನಭಿಷಕ್ತ ದೊರೆ. ಇವರು ಮಾಜಿಯಾದ್ರೂ ಇಂದಿಗೂ ಕೂಡ ಕೋಟಿ ಕೋಟಿ ಅಭಿಮಾನಿಗಳಿಗೆ, ಆಟಗಾರರಿಗೆ ಸ್ಪೂರ್ತಿಯ ಚಿಲುಮೆ. ಅದರಲ್ಲೂ ಯುವರಾಜ್ ಸಿಂಗ್ ಗೆ ಸಚಿನ್ ತೆಂಡುಲ್ಕರ್ ಅಂದ್ರೆ ದೇವರ ಪ್ರತಿರೂಪ.

ಸಚಿನ್ ತೆಂಡುಲ್ಕರ್ ವೈಜಾಗ್ ನಲ್ಲಿ ಗೆದ್ದ ಹೈದ್ರಾಬಾದ್ ತಂಡಕ್ಕೆ ಶುಭಾಶಯ ಕೋರಲು ಬಂದಾಗ ವಿನಮ್ರತೆಯಿಂದ ಯುವಿ, ಮಾಸ್ಟರ್ ಕಾಲಿಗೆರಗಿ ಆಶೀರ್ವಾದ ಪಡೆದ್ರು.

ಹಿಂದೆ ಸಚಿನ್ ರ ಎರಡು ದಶಕಗಳ ವಿಶ್ವಕಪ್ ಕನಸನ್ನ ನನಸು ಮಾಡಿದ್ರು ಯುವಿ. ಯುವರಾಜ್ ಕ್ಯಾನ್ಸರ್ ಮಹಾಮಾರಿಗೆ ತುತ್ತಾದ ಸಂದರ್ಭದಲ್ಲಿ ಯುವಿಗೆ ಸಚಿನ್ ತೆಂಡುಲ್ಕರ್ ಧೈರ್ಯ ತುಂಬಿದ್ರು.