2021ನೇ ಸಾಲಿನ ಏಷಿಯನ್ ಯೂತ್ ಪ್ಯಾರಾ ಗೇಮ್ಸ್ ಬಹ್ರೇನ್‌ನಲ್ಲಿ ನಡೆಯುತ್ತಿದೆ. ಈ ಪ್ಯಾರಾ ಗೇಮ್ಸ್‌ನಲ್ಲಿ ನಡೆದ ಶಾಟ್‌ಪುಟ್ ವಿಭಾಗದಲ್ಲಿ ಕರ್ನಾಟಕದ ಮೇಧಾ ಜಯಂತ್ ಕಂಚಿನ ಪದಕವನ್ನು ತಮ್ಮದಾಗಿಸಿಕೊಂಡರು.
ಕರ್ನಾಟಕ ಮೂಲದ ಮೇಧಾ ಜಯಂತ್ ಇದೇ ವರ್ಷ ಚೆನ್ನೈನಲ್ಲಿ ನಡೆದಿದ್ದ ನ್ಯಾಷನಲ್ ಪ್ಯಾರಾ ಗೇಮ್ಸ್‌ನಲ್ಲಿ ಚಿನ್ನದ ಪದಕವನ್ನು ಗೆದ್ದಿದ್ದರು. ಸದ್ಯ ಬಿಎ ಎಲ್ ಎಲ್ ಬಿ ಪ್ರಥಮ ವರ್ಷದಲ್ಲಿ ವ್ಯಾಸಂಗ ಮಾಡುತ್ತಿರುವ ಮೇಧಾ ಜಯಂತ್ ಹುಟ್ಟಿದಾಗಿನಿಂದಲೂ ಸೆರೆಬ್ರಲ್ ಪಾಲ್ಸಿಯನ್ನು ಹೊಂದಿದ್ದಾರೆ.
ಆದರೆ ಸಾಧಿಸುವ ಛಲ ಹೊಂದಿರುವ ಮೇಧಾ ಜಯಂತ್ ಅವರನ್ನು ಈ ನ್ಯೂನತೆಗೂ ತಡೆಯಲು ಆಗಿಲ್ಲ. ತಮ್ಮ ನ್ಯೂನತೆಯ ನಡುವೆಯ ನಡುವೆಯೇ ಬಿಎ ಎಲ್ ಎಲ್ ಬಿ ವ್ಯಾಸಂಗವನ್ನು ಮಾಡುತ್ತಿದ್ದು, ಅದರ ಜೊತೆಗೆ ಶಾಟ್‌ಪುಟ್ ಕ್ರೀಡೆಯಲ್ಲಿಯೂ ತಮ್ಮನ್ನು ತಾವು ತೊಡಗಿಸಿಕೊಂಡು ಹಲವಾರು ಕ್ರೀಡಾಕೂಟಗಳಲ್ಲಿ ಭಾಗವಹಿಸಿ ಉತ್ತಮ ಪ್ರದರ್ಶನ ನೀಡಿ ಕರ್ನಾಟಕದ ಬಾವುಟವನ್ನು ಹಾರಿಸಿ ನಾಡಿಗೆ ಹೆಮ್ಮೆ ತಂದಿದ್ದಾರೆ.
Congratulations: Ms. Medha Jayanth wins #Bronze Medal in Shot put – F33/34 @ Asian Youth Para Games, #Bahrain2021AYPG @ianuragthakur @ParaAthletics @IndiaSports @CairnOilandGas @Citi @MyIndianBank @gailindia @LICIndiaForever @SvayamIndia @Universal_Sompo @ThumsUpOfficial pic.twitter.com/LsBPQQiYW5
— Paralympic India ???????? (@ParalympicIndia) December 4, 2021
ಸದ್ಯ ಬಹ್ರೇನ್‌ನಲ್ಲಿ ನಡೆಯುತ್ತಿರುವ ಪ್ಯಾರಾ ಗೇಮ್ಸ್‌ನಲ್ಲಿ ಕಂಚಿನ ಪದಕ ಗೆದ್ದಿರುವ ಮೇಧಾ ಜಯಂತ್ ಅವರಿಗೆ ಪ್ಯಾರಾಲಂಪಿಕ್ಸ್ ಇಂಡಿಯಾ ತನ್ನ ಅಧಿಕೃತ ಟ್ವಿಟರ್ ಖಾತೆಯ ಮೂಲಕ ಟ್ವೀಟ್ ಮಾಡಿ ಶುಭಾಶಯವನ್ನು ಕೋರಿದೆ.
