ಲೈಫ್ ಸ್ಟೈಲ್

ನಿಮಗಿನ್ನೂ ಮದ್ವೆ ಆಗಿಲ್ವಾ…? ಆದಷ್ಟು ಬೇಗ ಆಗ್ಬಿಡಿ…! ಯಾಕಂದ್ರೆ…?

April 19, 2020

2406

ಹಾಯ್..ನಿಮಗೆ 21 ವರ್ಷ ದಾಟಿದ್ಯಾ..? ನಿಮಗಿನ್ನೂ ಮದ್ವೆ ಆಗಿಲ್ವಾ..? ಇಷ್ಟ್ ಬೇಗ ಯಾಕ್ ಅಂತ ಇದ್ದೀರಾ..? ತಪ್ಪು ನಿರ್ಧಾರ ಬೇಡ..! ಆದಷ್ಟು ಬೇಗ ಮದ್ವೆಯಾಗಿ…!
ಮದ್ವೆಯಾಗಲು ಹುಡ್ಗಿಗೆ 18 ವರ್ಷ, ಹುಡ್ಗಗೆ 21 ವರ್ಷ ಆಗಿರ್ಬೇಕು ಅನ್ನೋ ಕಾನೂನಿದೆ..! ಹುಡ್ಗೀರು 18 ವರ್ಷಕ್ಕೆ ಮದ್ವೆ ಆಗ್ಬಿಡಿ ಅಂತ ನಾವ್ ಹೇಳೋಕೆ ಹೋಗಲ್ಲ..! ಅದು ಅವರವರ ಹಾಗೂ ಅವರ ಕುಟುಂಬದವ್ರ ಇಷ್ಟ…! ಆದ್ರೆ ಹುಡ್ಗುರ ಕನಿಷ್ಠ ವಯಸ್ಸು 21 ಇರ್ಬೇಕು ಎಂಬ ನಿಯಮ ಇದ್ಯಲ್ಲ..ಅದರ ಲೆಕ್ಕಾಚಾರದಲ್ಲೇ ಮಾತಾಡೋಣ..! ಸಾಮಾನ್ಯವಾಗಿ ಹುಡ್ಗ-ಹುಡ್ಗಿ ಇಬ್ರಿಗೂ ಕನಿಷ್ಠ 21 ವರ್ಷ ಆಗಿರ್ಬೇಕು ಅನ್ನೋ ಲೆಕ್ಕಾಚಾರದಲ್ಲಿ ಮದ್ವೆ ಮ್ಯಾಟ್ರು ಬರ್ಕೊಂಡ್ ಹೋಗಿದ್ದೀನಿ…
ಹ್ಞಾಂ 21 ವರ್ಷ ದಾಟಿದೆ.. 22, 23,24, 25 ವರ್ಷದವ್ರಿದ್ದೀರಿ..ಮನೆಯಲ್ಲಿ ಹುಡ್ಗಿ/ ಹುಡ್ಗನ ನೋಡ್ತಾ ಇದ್ದಾರೆ…! ಅಯ್ಯೋ ಇಷ್ಟ್ ಬೇಗ ಮದ್ವೆನಾ..? ಈಗಿನ್ನೂ ಕೆಲ್ಸಕ್ಕೆ ಸೇರಿದ್ದು, ಆರಾಮಾಗಿ ಸ್ವಲ್ಪ ದಿನ ಕಳೆಯೋಣ ಅಂತ ಅನ್ಕೊಂಡು ಇರೋ ಬರೋ ಸಂಬಂಧಗಳನ್ನೆಲ್ಲಾ ಬೇಡ-ಬೇಡ ಬೇಡ ಅಂತ ನೀವೂ ದೂರ ತಳ್ತಿರಬಹುದು..! ಆದ್ರೆ ಒಂದ್ ವಿಷ್ಯಾ ನೆನಪಿಟ್ಟುಕೊಳ್ಳಿ.. ನೀವು ಮದ್ವೆ ಆಗೋದ್ ಗ್ಯಾರೆಂಟಿ ಅಂತಾದ್ರೆ ತಡಮಾಡ್ಬೇಡಿ..! ತುಂಬಾ ಲೇಟಾಗಿ ಮದ್ವೆ ಆದ್ರೆ ಕಷ್ಟ.. ಬೇಗ ಮದ್ವೆ ಆದ್ರೆ ಸಿಕ್ಕಾಪಟ್ಟೆ ಅಡ್ವಾಂಟೇಜ್ ಇದೆಯಂತೆ..! ಇದ್ರ ಬಗ್ಗೆ ಅಷ್ಟಾಗಿ ನಂಗೂ ಗೊತ್ತಿಲ್ಲ…!

ನೋಡಿ, ಈ ಮದ್ವೆಗೆ ಇದೇ ಪರ್ಫೆಕ್ಟ್ ಟೈಮ್ ಅಂತ ಹೇಳೋಕೆ ಆಗಲ್ಲ..! ನೀವು ಈಗಷ್ಟೇ ಎಜುಕೇಷನ್ ಮುಗ್ಸಿ ಕೆಲ್ಸಕ್ಕೆ ಸೇರಿರ್ಬಹುದು.. ಇನ್ನು ಸ್ವಲ್ಪ ವರ್ಷ ಆದ್ರೆ ಲೈಫಲಿ ಸೆಟಲ್ ಆಗ್ತೀನಿ ಅಂತ ಅನ್ಕೊಂಡು ಮದ್ವೆನಾ ಮುಂದೆ ದಬ್ತಾ ಇರಬಹುದು..! ಎಷ್ಟೋ ಜನ ಹುಡುಗರು ಇಷ್ಟ್ ಬೇಗ ಮದ್ವೆ ಆಗಕ್ಕಾಗಲ್ಲ ಅಂತೇಳಿ ತನ್ನ ಪ್ರಿಯತಮೆಯನ್ನೂ ದೂರ ಮಾಡಿಕೊಂಡಿದ್ದಾರೆ..!
ನನ್ನ ಪ್ರಕಾರ ಈ ಲೈಫಲ್ಲಿ ಸಂಪೂರ್ಣ ಸೆಟಲ್ ಆಗ್ಬಿಟ್ಟಿದ್ದೀವಿ ಅನ್ನೋ ದಿನ ಬರೋದೇ ಇಲ್ಲ..! ಒಂದೊಂದೆ ಮೆಟ್ಟಿಲು ಏರ್ತಾನೇ ಇರ್ಬೇಕು.. ಹೇಳಿ-ಕೇಳಿ ನಮ್ಗಳಿಗೆ ತೃಪ್ತಿ ಅನ್ನೋದೇ ಇಲ್ವಲ್ಲ..! ನೀವು 25 ದಾಟಿದ್ರೂ ಇನ್ನೂ ಐದಾರು ವರ್ಷ ಬಿಟ್ಟು ಮದ್ವೆ ಆಗೋದು ಅಂತ ಸುಮ್ನೆ ಇದ್ರೆ ಲೈಫಲ್ಲಿ ಸುಂದರವಾದ ಕ್ಷಣಗಳನ್ನು ಮಿಸ್ ಮಾಡ್ಕೊತ್ತೀರಂತೆ..!
ತುಂಬಾನೇ ತಡವಾಗಿ ಮದ್ವೆ ಆದ್ರೆ ಲೈಫಲಿ ಎಂಜಾಯ್ ಮಾಡೋಕೆ ಆಗಲ್ಲ..! ಬೇಗನೇ ಮಕ್ಳು ಮಾಡ್ಕೊಂಡು ಆಟ ಆಡಿಸ್ಕೊಂಡು ಇರ್ಬೇಕಾಗುತ್ತೆ..! ಅದೇ ಬೇಗ ಮದ್ವೆ ಆದ್ರೆ ಮಕ್ಕಳು ಮಾಡ್ಕೊಳ್ಳಕ್ಕೆ ಬೇಜಾನ್ ಟೈಮ್ ಸಿಗುತ್ತೆ..! ಒಂದೆರಡು ವರ್ಷ ಆರಾಮಾಗಿ ಸುತ್ತಾಡ್ಕೊಂಡು ಇರ್ಬಹುದು..!
ಬೇಗ ಮದ್ವೆ ಆದ್ರೆ ಗಂಡ-ಹೆಂಡ್ತಿ ಒಂದೊಳ್ಳೆ ಫ್ರೆಂಡ್ಸ್ ಆಗಿರ್ತಾರೆ..! ಹೆಚ್ಚು ಕಡಿಮೆ ಒಂದೇ ಮನಸ್ಥಿತಿ ಇರುತ್ತೆ..! ಒಬ್ಬರನೊಬ್ಬರು ಅರ್ಥ ಮಾಡಿಕೊಳ್ಳೋಕೆ ಹೆಚ್ಚು ಸಮಯ ಬೇಡ..ಒಂದರ್ಥದಲ್ಲಿ ಬೇಗ ಮದ್ವೆ ಆದಾಗ ನಿಮ್ಮ ಜೊತೆ ಯಾವಾಗ್ಲೂ ಇರೋ ಫ್ರೆಂಡ್ ಸಿಕ್ಕಿದಂಗೆ ಆಗುತ್ತೆ..! ಗಂಡ-ಹೆಂಡ್ತಿ ಅನ್ನೋದಕ್ಕಿಂತ ನೀವು ಒಳ್ಳೆಯ ಫ್ರೆಂಡ್ಸ್ ಆಗಿರ್ತೀರಿ..!

25-26-27-28 ವರ್ಷದೊಳಗೆ ಮದ್ವೆ ಆದ್ರೆ ನಿಮ್ಮ ಪ್ರತಿಯೊಂದು ಯಶಸ್ಸಿನ ಜೊತೆಗೆ ನಿಮ್ಮ ಪತಿ/ಪತ್ನಿ ಇರ್ತಾರೆ..! ನಿಮ್ಮ ಕಷ್ಟಗಳಿಗೂ ಅವ್ರು ಕೈ ಜೋಡಿಸ್ತಾರೆ..! ಜಾಸ್ತಿ ವಯಸ್ಸಾದ ಮೇಲೆ ಮದ್ವೆ ಆದ್ರೆ.. ಹೆಚ್ಚಿಗೆ ಖುಷಿ ಸಿಗಲ್ಲ..! ಬರೀ ತಲೆನೋವು. ಮಕ್ಕಳ ವಿದ್ಯಾಭ್ಯಾಸ ಅದು ಇದು ಇತ್ಯಾದಿ ಇತ್ಯಾದಿ ಟೆಕ್ಷನ್ ಹೆಚ್ಚು..!
ಬೇಗ ಮದ್ವೆ ಆದ್ರೆ ಇಬ್ಬರು ಒಟ್ಟಿಗೆ ಅಚೀವ್ ಮಾಡ್ಬಹುದು..! ಪರಸ್ಪರ ಒಬ್ಬರಿಗೊಬ್ಬರು ಸಾಥ್ ನೀಡಿ ಇಬ್ರೂ ಗೆಲ್ಲಬಹುದು..! ಏಕಾಂತದಲ್ಲಿ ಇಬ್ಬರು ತರ್ಲೆ, ತಮಾಷೆ ಜಗಳ ಮಾಡ್ಕೊಂಡು, ಒಬ್ರನ್ನ ಒಬ್ರು ಕಾಲ್ ಎಳ್ಕೊಂಡು ಮಜಾವಾಗಿರ್ಬಹುದು..! ಇಷ್ಟೆಲ್ಲಾ ಎಂಜಾಯ್ ಮಾಡೋಕೆ ವಯಸ್ಸಾದ್ಮೇಲಾಗುತ್ತಾ..?

ಉತ್ಸಾಹ, ಹುರುಪು ಇರೋ ಏಜಲ್ಲಿ ಮದ್ವೆ ಆದ್ರೆ ಒಳ್ಳೇದು. ಇಲ್ದೇ ಹೋದ್ರೆ ನೀವು ನಿಮ್ಮ ಜೀವನದಲ್ಲಿ ಅನುಭವಿಸಬಹುದಾದ ಖುಷಿಯ ಕ್ಷಣಗಳನ್ನು ನೀವಾಗಿಯೇ ಮಿಸ್ ಮಾಡಿಕೊಳ್ತೀರ..!
ಬೇಗ ಮದ್ವೆಯಾಗಿ ಬೇಗ ಮಕ್ಕಳಾದ್ರೆ ನಿಮ್ಮ ಮಕ್ಕಳು ನಿಮ್ಗೆ ಫ್ರೆಂಡ್ಸ್ ಆಗ್ತಾರೆ..! ಕನಿಷ್ಠ 25 ವರ್ಷಕ್ಕೆ ಮದ್ವೆ ಆದ್ರಿ, 27-28 ವರ್ಷಕ್ಕೆ ಮಕ್ಕಳಾಯ್ತು ಅಂತ ಅನ್ಕೊಳ್ಳಿ…ನಿಮಗೆ 50 ವರ್ಷ ಆಗೋದ್ರೊಳಗೆ ನಿಮ್ಮ ಮಕ್ಕಳು ಪ್ರಾಯಕ್ಕೆ ಬಂದಿರ್ತಾರೆ..! ಅವ್ರ ವಿದ್ಯಾಭ್ಯಾಸವೂ ಮುಗ್ದಿರುತ್ತೆ..! ಅವ್ರಿಗೆ ಕೆಲ್ಸವೂ ಸಿಕ್ಕಿರುತ್ತೆ..! ಅವ್ರ ಮದ್ವೆ ಮಾಡಬಹದು..! ನೀವು ಕನಿಷ್ಠ ಪಕ್ಷ 54-55 ವರ್ಷದಂಗೆ ಮೊಮ್ಮಕ್ಕಳನ್ನು ನೋಡಿದ್ರೆ…ಆ ನಿಮ್ಮ ಮೊಮ್ಮಕ್ಕಳಿಗೆ ಅದೃಷ್ಟವಶಾತ್ 21ನೇ ವಯಸ್ಸಿಗೆ ಮದ್ವೆ ಆದ್ರೆ.. 25 ವರ್ಷದೊಳಗೆ ಮಕ್ಕಳಾದ್ರೆ..ನೀವಿನ್ನೂ ಬದುಕಿದ್ರೆ ನಿಮಗವಾಗ 79-80 ಆಗಿರುತ್ತೆ..! ಮರಿ ಮಕ್ಳನ್ನ ನೋಡ್ಬಹುದು..! ಇಷ್ಟೇ ಅಲ್ಲ.. ಬೇಗ ಮದ್ವೆ ಆದ್ರೆ ಇನ್ನೂ ಏನೇನೋ ಅಡ್ವಾಂಟೇಜ್ ಇದೆ..ಸದ್ಯಕ್ಕೆ ಇಷ್ಟು ಸಾಕು..ಯೋಚ್ನೆ ಮಾಡಿ.. ಬೇಗ ಮದ್ವೆಯಾಗಿ..!